Oto vulu okuuvithila aantu noku ya longa!

Petameko Moses okwa li a limbililwa ngele ota vulu ngaa okugwanitha po oshinakugwanithwa shoka a li a pewa kuJehova. (Eks 4:10, 13) Mbela nangoye opu na ethimbo wa li wu uvite ngawo? Mbela oto konakona Ombiimbeli nOonzapo dhaJehova? Mbela oho ipula ngele oto ka vula ngaa okuuvitha egumbo negumbo? Nenge ngoye omugundjuka ngoka ha kakadhala okuuvithila yalwe kosikola. Nenge tashi vulika wa tila okuuvitha okupitila mongodhi nenge montaneho. Pula Jehova megalikano e ku pe ombepo ye ondjapuki. (1Pet 4:11) Kala wu na omukumo kutya ota vulu oku ku kwathela moshinakugwanithwa kehe te ku pe. — Eks 4:11, 12.

TALA OKAVIDIO KALA OMUUVITHI . . . OMULAADHI, E TO YAMUKULA OMAPULO NGAKA:

• Omumwameme Aoyama okwa li e na eshongo lini?

• Openi a adha omukumo nuulaadhi? — Jer 20:7-9

• Uuwanawa wuni a mono sho a tameke okulonga miilonga yaJehova?

• Omashongo geni ngoka hatu mono muukalele Jehova ta vulu oku ku kwathela wu ga sinde?