Evi Oparadisa

Jehova ota ka hanagula po thiluthilu uuwinayi auhe mboka Satana a longo. Jehova okwa ningi Jesus Omukwaniilwa gwevi alihe. Kohi yepangelo lye, evi otali ka ningwa oparadisa.—Daniel 7:13, 14; Lukas 23:43.

Jehova otu uvaneke iinima tayi landula:

• EKUTA LYIIKULYA: “Evi [otali ke] eta iimeno yalyo; Kalunga, Kalunga ketu, te tu laleke nuuyamba.” “Ekuta lyiilya tali kala moshilongo nosigo [okoondungu] dhoondundu.”—Epsalmi 67:7, faathanitha NW; 72:16.

• KAPU NA WE IITA: “Ileni, mu tale iilonga yOmuwa! Ha longo iikumitha kombanda yevi, ta hulitha [po] omalugodhi sigo [okooha] dhuuyuni.”—Epsalmi 46:9, 10.

• KAPU NA AANTU AAWINAYI: “Oshoka aadhudhu otaa ka vudhwa mo sheke . . . Oku na okathimbo kowala, omukeenakonashanakalunga nokee po we; nonge to tala eha lye, okwa yi nale.”—Epsalmi 37:9, 10.

• 

  KAPU NA OMIKITHI, OLUHODHI, NENGE ESO: “Nena omeho gaaposi otaga tonata, nomakutsi goombolo otaga thituluka. Esiku ndyoka oshitiningili ta nuka ngomenye, nelaka lyoshikokoma tali imbi pombanda.”—Jesaja 35:5, 6.

  “Kalunga mwene ota kala pamwe nayo, . . .  nota theta po omahodhi momeho gawo, neso kali kala we nenge oluhodhi nenge elilagano, nenge uuwehame kau kala mo we, oshoka shiyaka shotango osha hulu po.”—Ehololo 21:3, 4.

Jehova iha popi nando iifundja ngaashi Satana noompwidhuli. Kehe shoka tu uvaneke oshi na okugwanithwa shili. (Lukas 1:36, 37) Jehova oku ku hole nokwa hala u kale mOparadisa ndjoka ye ta ka ninga. Ano monathana nOonzapo dhaJehova wi ilonge oshindji kombinga yooshili oonkumithi ndhoka tadhi monika mOohapu dhaKalunga. Ngele oto longitha oshili monkalamwenyo yoye, oto ka mangululwa muupika wiifundja, iidhila, nokwaatseya sha. Huguninina, ngoye oto ka kala nokuli wa mangululwa muupika woondjo neso. Ngaashi Jesus a ti: “Notamu ka tseya ihe oshili, noshili otayi mú mangulula.”—Johannes 8:32.