Iiholelwa yomafalomo

Onkundana yUukwaniilwa onomola 38

“Ondi ipyakidhila nokugandja okafo haka ke na etumwalaka lya simana taka gandjwa muuyuni awuhe. Hano okoye.”

Opo tu mane ko oshitopolwa ashihe, natu popye paufupi. Ihe omathimbo gamwe omunegumbo ohashi vulika a kale e na ohokwe nokwa hala okutsikila noonkundathana. Ngele osho shi li ngawo, oto vulu oku mu pula kutya ota ti ngiini kombinga yepulo ndyoka li li oshipalanyolo shokafo. Mu leshela eyamukulo okuza mOmbiimbeli nongele ethimbo otali shi pitike taleni ishewe oshikalimo shilwe mokafo. Manga inoo ya, mu ulukila epulo ndyoka li li mpoka pwa nyolwa “Tala kepulo ndika” e to ningi omalongekidho wu galuke mu tsikile noonkundathana.

Oshungolangelo Novomba-Desemba

“Aantu oyendji kunena momudhingoloko gwetu otayi ipula kutya omolwashike Kalunga e etha okumona iihuna ku kale po. Mbela nangoye oho kala twi ipula kutya omolwashike aantu taya mono iihuna? [Tegelela a yamukule.] Ombiimbeli oya hunganeka kutya opu na ethimbo uuna okulila nuuwehame tawu ka hula po. [Lesha Ehololo 21:4.] Oshifo shika otashi gandja omatompelo ge li gatano kutya omolwashike aantu taya mono iihuna unene. Musho omu na wo oohapu dha za mOmbiimbeli dhoka tadhi popi nkene Kalunga ta ka hulithapo okumona iihuna.”

Awake! Novomba

“Otwi ipyakidhila nokutalela po aashitwa ooyakwetu paufupi. Aantu oyendji otayi ipula shi na ko nasha nokwaahe na omikalo hoka taku ende taku kana mo moshigwana. Mbela sho to dhiladhila aakwashigwana oye na ko nasha we ngaa niinima ya nika omikalo? [Tegelela a yamukule.] Ombiimbeli oya hunganeka kutya iikala neihumbato lyaantu otayi ka lunduluka. [Lesha 2 Timoteus. 3:1-5.] Oshifo shika otashi kundathana kutya omolwashike tu na okwiinekela iinima yopamikalo mbyoka tayi adhika mOmbiimbeli.”