MWAHA 15
Yesu Taani?
Yesu muchu yoowo otempe osuweliwa ovinyerya khalai. Achu ancipale aasuwela nsina na Yesu, nto naamwi hiiha hamusuwenle phaama yoowo, nave ancipale aakhalano miyoonelo soohiyanahiyana vooloca sa taani ori Yesu chiryene. Tiheeni Piipiliya onaloceiye sa yoowo?
1. Yesu taani?
Yesu munkeelo akuru yoowo onakhala wirimu. Ihaakumve opatusiwa ichu soothene, Yehova Muluku aapacenrye ompatuxa Yesu. Ti nthowa nene oniichaniweiye “òpatxerya mwa itxhu sopatusiwa sothene.” (Kolosi 1:15, BNM) Piipiliya onnamuloca Yesu ntoko “mwanawe mmoharu” a Muluku, woona wi pahiru Yesu taapatuxiwe ni mwaneene Yehova. (Yohani 3:16) Yesu aanalapa vakhivirukhiviru ni Atiithi awe, Yehova, aakhaviheryaka tho Yaawo vaavaa yaapatuxaaya ichu soothene. (Mwaalakhanye Masiposipo 8:30.) Yesu onnatitelela opuha onthamwene wawaacameleya ni Yehova. Owo onnatitelela okhala oororomeleya ntoko “Nsu” na Muluku, ela ti wi owo onnahusiha michaka ni mahusiheryo a Yehova.—Yohani 1:14, BNM.
2. Ntakhara heeni Yesu aarwa veelaponi ya vathi?
Mu iyaakha 2.000 muculi, mootikhiniha Yehova aapharihela munepa awe waweela wi athaamihe okumi wa Yesu orweela wirimu akerihaka mmirimani mwa mwali awiichaniwa Mariya. Mmukhalelo yoola, Yesu aayariwa ntoko muchu. (Mwaalakhanye Luka 1:34, 35.) Yesu aarwa veelaponi ya vathi wi akhale Mesiya naari Kristu aalaiheryiwe nave wi awoopole achu.a Masu oothene a miririmo vooloca sa Mesiya yaahaakhwanela mwa yoowo, nave ela yaahaakhaviherya achu omusuwela Yesu wi ti “Kristu, mwaana a Muluku ookumi.”—Mateu 16:16.
3. Ti woowi Yesu oreiyewo hiihaano?
Yesu amanle okhwa owo aaviihiwa ntoko munepa nave aakookela wirimu. “Muluku tho aamwinnuwihasha amvaha nsina noopwaha masina oothene.” (Filipi 2:9) Hiihaano Yesu ookhalano owerya otokweene nave wa Yehova owo ta naawiili.
OHUSERYA MWAWIISEELA
Muhuserye sincipale vooloca sa Yesu taani chiryene nave ntakhara heeni oryaaya woochuneya ohuserya sa yoowo.
4. Yesu tahi Muluku Oowerya woothene
Piipiliya onnahusiha wi naamwi Yesu munkeelo oowerya a wirimu, owo onnamwiiwelela Tiithi awe, Muluku, Yehova. Ntakhara heeni nnalocaahu yeela? Moone EXILEMA wi moone yeeyo Piipiliya onahusiheiye vooloca sa Yesu ni ohiyana orivovo variyari va Yesu ni Muluku oowerya woothene.
Soorepa inacharela sinnanikhaviherya wiiwexexa wiiwanana orivovo variyari wa Yehova ni Yesu. Mwaalakhanye emoha ti emoha nave voocharela muthokororye makoho anacharela.
Mwaalakhanye Luka 1:30-32.
Ti mwawiihai munkeelo aalonceiye wiiwanana orivovo variyari wa Yesu ni Yehova Muluku, “a wiirimurimu”?
Mwaalakhanye Mateu 3:16, 17.
Va opatiso wa Yesu, tiheeni nsu naakhumme wirimu naaloncaaya?
Nsu nno naari nawani?
Mwaalakhanye Yohani 14:28.
Taani ori mutokweene nave ori ooweryaxa? Tiithi naari mwaana?
Tiheeni Yesu aachuneiye oloca vaavaa amwiichanneiye Yehova wi Tiithi awe?
Mwaalakhanye Yohani 12:49.
Apwanne Yesu onnuupuwela wi yene ni Atiithi awe muchu mmoha? Hanka nyuwaano munoona hai?
5. Tiheeni yoonihenrye wi Yesu aari Mesiya?
Mpiipiliyani sookhalamo sooloherya sincipale seiho saakhavihenrye achu omusuwela Mesiya—yoowo Muluku aamuthanlileiye wi akhale mvuluxa aachu. Moone EXILEMA enaloca mwa mukwasu sooloherya ikina seiyo Yesu aakhwanihenryeiye vaavaa aaruuleiye veelaponi ya vathi.
Mwaalakhanye sooloherya sa Mpiipiliyani, nave voocharela muthokororye makoho anacharela:
Mwaalakhanye Mikeya 5:2 wi musuwele ti woowi Mesiya aahaaleiye oyariwawo.b
Apwanne oyariwa wa Yesu waahaakhwaniherya yooloherya yeela?—Mateu 2:1.
Mwaalakhanye Salumu 34:20 ni Zakariya 12:10 wi moone sooleeliherya ikina seiho saaloheryiwe vooloca sa okhwa wa Mesiya.
Apwanne sooloherya seiha saahaakhwana?—Yohani 19:33-37.
Mano, munuupuwela wi Yesu teerinhe wi sooloherya iha ikhwaanele?
Tiheeni ela enooniheryaaya wa nyuwo vooloca sa Yesu?
6. Hiyaano ninnaphura orweela wa ohuserya vooloca sa Yesu
Piipiliya onnaloca ochuneya waya ohuserya sa Yesu ni muteko awe. Mwaalakhanye Yohani 14:6 ni 17:3, nave voocharela muthokororye nikoho nla:
Ntakhara heeni oryaaya woochuneya ohuserya vooloca sa Yesu?
Yesu oohula ephiro wi nikhale asinthamwene a Muluku. Owo oohusiha eparipari vooloca sa Yehova, nave orweela wa yoowo nnanwerya okhalano ekumi yoohimala
ACHU AKINA ANI: “Anamoona a Yehova hanamuroromela Yesu.”
Ti mwawiihai mwaahaalaanyu waakhula?
MUKWASU
Yesu munkeelo oowerya. Owo mwaana a Muluku nave Mesiya.
Makoho awuuluulela
Ntakhara heeni Yesu oniichaniweiye “òpatxerya mwa itxhu sopatusiwa sothene”?
Ahaakumve orwa veelaponi ya vathi, tiheeni Yesu eereiye?
Nnasuwela hai wi Yesu Mesiya?
OTHOLATHOLA
Muhuserye sincipale vooloca sa muteko wa Yesu ntoko Mesiya.
“Será que as profecias da Bíblia provam que Jesus era o Messias?” (Artigo do jw.org)
Moone orweela Mpiipiliya ti mwawiihai Yesu oreiye mwaana Muluku.
“Por que Jesus é chamado de Filho de Deus?” (Artigo do jw.org)
Muthokororye ntakhara heeni nihusiheryo na amuluku araru mwa mmoha nihiryaaya na Mpiipiliyani.
Mwaalakhanye ti mwawiihai ekumi ya muthiyana mmoha yaatoroken’yaya vaavaa aatholathonleiye yeeyo Piipiliya onaloceiye sa Yesu.
“Uma judia explica por que reavaliou sua fé” (Despertai!, de maio de 2013)
a Miyaha 26 ni 27 inahaala othokororya ntakhara heeni achu yaanachuna woopoliwa nave ti mwawiihai Yesu onooponleiye.
b Moone Yooleeliherya 2 wi moone yooloherya yeeyo yaalohenrye mooluluwanya ti liini Yesu aahaaleiye orwa veelaponi yavathi.