Elukuluku Taani Munaphwanelaanyu Okwatelela Ovaanela?

Wiili-wiili, ninnaaphwanya achu ananeemererya naari onipakela makoho oochuneya ni nchuno ntokweene. Mmikhalelo seiha ninnasiveliwa otitelela ovaanela. Nnachuna oloca ni achu oothene yaale arino “nchuno noophwanelela na waakhela ekumi yoohimala.”—Saw. 13:48.

Hanka wakhala wi muchu owo ooyeenyeya, anachuna pahiru wi naakhulaneke naari ooniheryaka wi hari ooreheryeya wi nivaanele mu elukuluku yeeyo? Mmukhalelo woomaaleleya ni mwa ncicimiho mukwatelele ovaanela. (Mas. 17:14) Mpwahevo mwa ncicimiho ni masu aphaama, mwawiihiiha, owo akhweya onahaala okhalano nchuno na ovaanela ni hiyo wanaawiili omwaahiyu.—1 Pet. 2:12.