OKUMI WEEKIRISTU

Ekari Ahu ya Oteka ni Orehererya Mapuro a Malapelo Eeparipari

Wi nreheryiwe nipuro na malapelo na Aisarayeli waakhalavo muteko mutokotoko ni oyeeha muhakhu muncipale. Nyenya, Aisarayeli yaakhaviherya muteko owo mwa mvai. (1Math 29:2-9; 2Math 6:7, 8) Emanle otekiwa empa, orehererya weeriwano ni Aisarayeli waanooniherya nroromelo naya naari othoiwa waya nroromelo. (2Mam 22:3-6; 2Math 28:24; 29:3) Olelo, Akiristu annamaliha elukuluku ni ikuru saya mmuteko wa oteka, oreeriha, ni orehererya Ipa sa Omwene ni Ipa sa Mithukumano Mitokweene. Mwawiihiiha, olapa ni Yehova mmukhalelo yoola ekari etokweene nave makupa a muteko waweela.​—Sal 127:1; Wup 7:15.

NNANWERYA OPAKA MAKUPA MOORWEELA WA . . .

• Ovela samala mithukumano iri soothene. Wakhala wi makhalelo ahu hananeemererya, nreherye moorukurerya wa nipuro naakiraanthaahuvo.

• Opaka makupa moohihiyererya mu orehererya Ipa sa Omwene. Ancipale annahakalala olapa mmukhalelo yoola.​—lv 92-93 ¶18.

• Okhaviherya ni yooveleela. Naamwi eri yavakhaani ntoko “ikhorowa pili” ikhaani, nniiha niveleenle ni murima woothene ennahakalaliha murima wa Yehova.​—Mar 12:41-44.

• Wiiveleela okhaviherya muteko wa oteka ni orehererya ipa sa malapelo wakhala wooweryeya. Okhalano mavyakelo a oteka tahi echu yoochuneya wi nipake makupa mu oteka.