OVAANELA WOOCHARELA
YOOHUSERYA 9
Niphwanya
Nlakiheryo: “Muhakalaleke ni yaale anahakalala; mwinleke ni yaale aninla.”—Aro. 12:15.
Tiheeni Yesu Opankeiye?
1. Moone EXILEMA, naari mwaalakhanye Marku 6:30-34. Voocharela, mwaakhule makoho anacharela:
Ntakhara heeni Yesu ni oohuserya awe yaachunaaya ‘okhala mukhataaya’?
Tiheeni yaamuceenyenrye Yesu ohusiha muloko wa achu?
Tiheeni Nnahuseryaahu Orweela wa Yesu?
2. Wakhala wi ninnooniherya niphwanya, ninnaapwacha achu ohiya pahiru ni michaka sahu.
Mmutakiherye Yesu
3. Nwiriyane moopwacha. Mmuhiye muchu owo wi aloce mukhalelo onooneiye. Muhimukwatelele naari ovaanya miyoonelo sawe, sawuukhula naari waakaaha wawe. Vaavaa munnanwiriyanaanyu muchu moopwacha, muchu owo onnawerya woona wi chiri munnapwacha yeeyo onuupuweleiye.
4. Mmuupuweleke muchu oonihenrye nchuno. Muupuwelaka sa ovaanela mwaaryaanyuno ni yoowo, mwiikohe:
‘Ntakhara heeni onaphwaneleiye wiiwa michaka saphaama?’
‘Ti mwawiihai yoohuserya ya Piipiliya enahaalaaya otoroka okumi awe hiihaano ni omwaahiyu?’
5. Mpharihele sooleeliherya inooniherya soothowa sa muchu owo. Wakhala wooweryeya, mmoonihe mukhalelo yoohuserya ya Piipiliya enahaalaaya waakhula makoho awe, nave tho mukhalelo enahaalaaya omukhaviherya okhalano okumi waphaama.