Opisa Murima

Tiheeni Yesu Opankeiye?

EXILEMA: Yesu Onnamukhaviherya Munnawe Moopisa Murima

1. Moone EXILEMA, naari mwaalakhanye Yohani 7:3-5 ni 1 Akorintu 15:3, 4, 7. Voocharela, mwaakhule makoho anacharela:

1. Woopaceryani, ti mwawiihai asinnawe Yesu yaakhulenlaaya michaka seiyo owo aalaleeryeiye?

2. Tiheeni enooniherya wi Yesu haavelavenle ni munnawe Tiyaku?

Tiheeni Nnahuseryaahu Orweela wa Yesu?

2. Nnaphwanela okhala oopisa murima woona wi achu akina annalekela waakhulela michaka saphaama waapwaha akina.

Mmutakiherye Yesu

3. Mweererye opharihela meerelo oohiyanahiyana. Wakhala wi muchu heemerenrye yoohuserya ya Piipiliya woopaceryani, muhimukhinyeererye. Wakhala woophwanelela, mpharihele ixilema naari miyaha wi mmukhaviherye wiiwexexa mukhalelo eneeriwaayano yoohuserya ya Piipiliya, nave tho ntakhara heeni eryaaya yoochuneya wa yoowo.

4. Muhimulikanyiheke ni achu akina. Achu toohiyana. Waakhanle wi mmusi naari muchu yoowo munamuxekuryaanyu, hanachuna weemererya yoohuserya ya Piipiliya, naari nookhala nihusiheryo nimoha na Mpiipiliyani ohineemereryeiye, mweererye wiiwexexa tinivi nri nthowa nene. Apwanne muchu owo ootepa othipeleyaxa wa nimoha na mahusiheryo a malapelo awe? Apwanne onnahoolela waakaaha orweela wa amusi naari amwaacamani awe? Mumvahe muchu owo elukuluku wi uupuwelele sa yeeyo muloncaanyu, ni ochuneya waya wa yeeyo Piipiliya onahusiheiye.

5. Mvekele ntakhara muchu yoowo oonihenrye nchuno. Mumveke Yehova wi ookhaviheryeeni okhalano moonelo woophwanelela ni woocicimiha. Mvekele mvekaka masuwelelo wi musuwele ti liini munaphwanelaanyu okwatelela omuxekurya muchu yoowo ohinooniherya nchuno nawaakhwanela.—1 Ako. 9:26.