Kenon tijkuis yejuin amoxtli pitentsin
Ipan yejuin amoxtli pitentsin, tiknextis se tlaxelojli itech Biblia tlen nopouas mojmostla, niman noijki tikitas tlen temachtia yejon tlaxelojli. Maski yejuin uelis nopouas san kemanon ipan tonajli, miyekej kitaj ika melak kinpaleuiya tla kipouaj ika kualkan. Ijkon, nochi tonajli uelij tlanemiliaj itech yejon tlaxelojli. Tikpouas yejuin amoxtli pitentsin imiuan mochanejkauan melak tepaleui. Tokniuan akin tekitij Betel kipouaj ijkuak tlakuaj ika kualkan.
Tlen temachtiaj tlaxeloltin itech Biblia onokixtijkej itech revistas Amatl Tekakistilijketl (w) tlen okiskej itech abril de 2019 hasta itech marzo de 2020. Kachtopa notlalia itech katlejua revista onokixti, niman iyekapan notlalia itech katlejua página onokixti. Sakin notlalia ipan katlejua párrafo onka yejon tlamachtijli (xkita tlen onka tlatsintlan). Uelis tikitas okseki itech yejon tlaxelojli ipan tlamachtijli kampa onokixti.