Sinunö

34 Lö mamalö usuno Yehowa;

Lö uböhöli* wanuno yaʼia.

 2 Ufolakhömi Yehowa;+

Larongo dania daʼö niha si so fangide-ngideʼö ba omuso dödöra.

 3 Mifao khögu ba woʼalawaʼö Yehowa;+

Miʼaine, datafolakhömi döinia.

 5 Omuso-muso dödö niha si faduhu tödö khönia;

Lö teʼailasi ira.

 7 So malaʼika* Yehowa ba zi fasui niha sangataʼufi yaʼia,+

Ba iʼefaʼö ira.+

 8 Mitandra ba mifaigi wa si sökhi tödö Yehowa andrö;+

Omuso dödö niha solumöʼö yaʼira khönia.

 9 Miʼataʼufi Yehowa, yaʼami ono mbanuania,*

Börö me lö ambö hadia ia ba niha sangataʼufi yaʼia.+

10 Singo sagawuyu-wuyu manö ba olofo,

Hizaʼi, lö ambö hadia ia zi sökhi ba niha sangalui Yehowa.+

11 Miʼaine yaʼami iraonogu, mifondrondrongo wehedegu;

Ufahaʼö dania ami hadia geluaha wangataʼufi Yehowa.+

13 Na simanö, taha lelau moroi ba wehede si lö sökhi,+

Hegöi beweu moroi ba walimosa.+

14 Aröuʼö ndraʼugö moroi ba zi lö sökhi ba falua zi sökhi,+

Alui waʼatulö ba gohi.+

15 Ifaigi-faigi Yehowa niha satulö,+

Ba ibeʼe mbörö dalingania ba weʼaora ba wangandrö fanolo.+

16 Hizaʼi, lö omasi Yehowa niha samalua si lö sökhi,

Ba iheta döira ba gulidanö irege lö itörö tödö niha.+

17 Muʼao niha satulö ba ifondrondrongo Yehowa;+

Iʼefaʼö ira moroi ba gabula dödöra.+

18 Ahatö Yehowa ba niha sarasa tödö;+

Iʼefaʼö niha si no ide-ide tödö.*+

19 Oya gabula dödö* niha satulö,+

Hizaʼi iʼefaʼö ia Yehowa moroi ba daʼö fefu.+

20 Ilumöʼö fefu döla niha daʼö;

Sara lö safatö dölania.+

21 Mate dania niha si lö sökhi ba wamakao;

Niha si fatiu tödö ba niha satulö, hasambalö göna ia fanguhuku.

22 Yehowa zangöhöli* noso genoninia;

Dozi niha solumöʼö yaʼira khönia ba lö tesöndra zalara.+