LALA BA WANAÖGÖ FAʼAFAWUKA WANGERA-NGERA
Tola Aefa Ndraʼugö moroi ba Waʼafawuka Wangera-ngera
Na taʼoʼö mene-mene Zura Niʼamoniʼö, tola aheta ita moroi ba waʼafawuka wangera-ngera si lö moguna. Sindruhu sa, tebai taʼasiwai fefu hadia ia zi tola mangaʼasogö faʼafawuka wangera-ngera. Hizaʼi, tola ifalua daʼö Somböi yaʼita. No ifataro samösa razo ba wanolo yaʼita, yaʼia daʼö Yesu Keriso. Me föna, oya ngawalö zahöli-höli dödö nifalua Yesu ba niha. Ba zi lö ara tö, ifalua göi zahöli-höli dödö töra moroi ba daʼö ba zi sagörö ulidanö. Duma-dumania:
IFADÖHÖ DANIA NIHA SOFÖKHÖ.
”Laʼohe khönia niha sofökhö . . . Ifadöhö ira fefu.”—MATAIʼO 4:24.
IʼASOGÖ DANIA NOMO HEGÖI Ö BA NIHA FEFU.
”Lalau nomo ba toröi ira [ono mbanua nifatörö Yesu] ba daʼö; lafazökhi kabu nagu, ba laʼa mbuania. Lalau nomo, ba tenga niha böʼö zangiagö, latanö zinanö, ba tenga niha böʼö zi manga bua.”—YESAYA 65:21, 22.
IʼASOGÖ DANIA WAʼOHAHAU DÖDÖ BA ZI SAGÖRÖ ULIDANÖ.
”Sagötö famatörönia, tedou niha satulö hulö ndruʼu satabö, ba fahöna waʼatulö sagötö feʼaso mbaŵa. Mamatörö ia iʼotarai nasi si sambua numalö ba nasi si sambua, iʼotarai Nungo Nidanö Oiferati numalö ba wondrege danö. . . . Ahori ikalaisi fefu zi faʼudu khönia.”—SINUNÖ 72:7-9.
IFALUA DANIA WAʼATULÖ.
”Ihakhösi tödö niha si numana ba sambö faʼabölö, iʼefaʼö noso niha si numana. Iʼefaʼö ira moroi ba wamakao ba faʼalösökhi.”—SINUNÖ 72:13, 14.
IHETA DANIA WAMAKAO BA FAʼAMATE.
”Lö hadöi saʼae faʼamate, faʼabu dödö, fege-ege, mazui fökhö.”—FAMAʼELEʼÖ 21:4.