FAMAHAʼÖ 4

Hana wa Mafazökhi Zura Niʼamoniʼö Terjemahan Dunia Baru?

Sambua fakake si no atua ni’oguna’ö ba wamazökhi mbuku

Sura Ni’amoni’ö siföföna lafazökhi ya’ia da’ö Kitab Suci Terjemahan Dunia Baru la’ombakha’ö

Niha samaigi-maigi Kitab Suci Terjemahan Dunia Baru ba Kongo (Kinshasa) — Kongo (Kinshasa)

Kitab Suci Terjemahan Dunia Baru la’ombakha’ö ba Rwanda — Rwanda

Fragmen Simakhus si so töi Lowalangi — Fragmen Simakhus no tesura döi Lowalangi ba Zinunö 69:32, me döfi tölu ngaotu ma öfa ngaotu M

Ba zihaʼuga fakhe waʼara ira Samaduhuʼö Yehowa laʼogunaʼö, lafazökhi, ba lafazawili Zura Niʼamoniʼö ba ngawalö li. Ba hizaʼi, Aboto ba dödöma wa moguna mufazökhi Zura Niʼamoniʼö famoʼeluha si bohou, si tola manolo niha ba wamahaʼö ”Faʼaboto ba dödö sanandrösa ba zi duhu”, simane niʼandrö Lowalangi ba zi samösa-mösa niha. (I Timoteo 2:3, 4) Andrö, ba ndröfi 1950, Mabörötaigö wamazökhi Sura Niʼamoniʼö Terjemahan Dunia Baru ba ngawalö li iadaʼa sambua-sambua tuho. Sura Niʼamoniʼö andre no lahaogö wamoʼeluaha ba zi töra 130 ngawalö li.

Moguna Zura Niʼamoniʼö salio taʼila eluaha. Ngawalö li itugu tedou, ba oya Zura Niʼamoniʼö si no mufazökhi sangogunaʼö ngawua wehede si lö muʼila eluaha. Aefa daʼö, no lasöndra mbuku sagatua si tefaudu eluaha irege ngawalö li Heberaiʼo, li Ndrawa Garamo, li Ndrawa Heleni niʼogunaʼö bakha ba Zura Niʼamoniʼö taʼila geluaha.

Moguna wamoʼeluaha si lö mamulöʼö taromali Lowalangi. Samoʼeluaha Sura Niʼamoniʼö tebai lafaböʼöni geluaha ngawua wehede nifaʼema geheha Lowalangi; lö tola löʼö iʼodaligö ngawua wehede simane me tesura ba mböröta. Hizaʼi, oya Zura Niʼamoniʼö si no lafoʼeluaha lö tesura döi Lowalangi, Yehowa.

Moguna Zura Niʼamoniʼö samolakhömi Lowalangi. (II Samueli 23:2) Bakha ba Zura Niʼamoniʼö Terjemahan Dunia Baru, töi Yehowa tesura simane me tesura ba mböröta so mato 7.000 kali waʼoya. Sambua duma-duma gambara si so ba gahe zura andre. (Zinunö 83:19) Me no lahaogö wangalui eluaha ba zi haʼuga fakhe waʼara, Sura Niʼamoniʼö andre aoha khöda ba wombaso ba tefaʼema khöda mbua gera-era Lowalangi. He na so khöu Zura Niʼamoniʼö Terjemahan Dunia Baru he na löʼö, mafarou dödöu enaʼö asese öbaso Zura Niʼamoniʼö Taromali Yehowa ero maʼökhö.—Yosua 1:8; Zinunö 1:2, 3.

Hana waʼaboto ba dödöma wamoguna Zura Niʼamoniʼö sawena lafoʼeluaha?
Hadia nifalua niha somasi mamahaʼö yaʼia ba zomasi Lowalangi ero maʼökhö?