Duma-Duma Waʼomasi Niforomaʼö Lowalangi

1. Faʼomasida dataforomaʼö,

Simane Yehowa.

Oroma khöda waʼomasinia

Ba ngawalö nifaluania.

Ibeʼe khöda Nononia siaʼa,

Enaʼö aefa ita ba horöda.

Sahöli dödö waʼomasinia!

Lowalangi no faʼomasi.

2. Datafalua ba nawöda niha

Zomasi Yehowa.

Taʼomasiʼö ndra talifusöda,

He iraono, he satua.

Soroi ba dödö, dataʼomasiʼö

Lowalangida hegöi niha böʼö.

Efaʼö zala ndra talifusöda,

Daʼö dandra waʼomasida.

3. Teʼosambuaʼö börö waʼomasi,

Hasara dödöda.

Lowalangida zamotöi yaʼita,

Ösi nomo ba wamati.

Börö geheha nibeʼe Yehowa,

So waʼomasi, faʼomuso dödö,

Teʼosambuaʼö nono mbanuania.

Faʼomasi, lala Yehowa.