Jejaring Sosial—Timbagö Deʼalania

HANA WA MOGUNA: Simane fakake, tola tobali fanolo mazui famaʼala jejaring sosial. So niha Keriso si lö omasi mangogunaʼö jejaring sosial. So göi zomasi mangogunaʼö daʼö ba wahuhuosa ba nösi nomo hegöi khö nawö-awöra. Hizaʼi, omasi Gafökha na lö tefaudu wangogunaʼöda jejaring sosial irege teʼobousi döida hegöi fahuwusada khö Yehowa. Simane Yesu, tola taʼogunaʼö Daromali Lowalangi ba wangiʼila deʼala hegöi lala ba wanimbagö yaʼia.​—Luk 4:4, 8, 12.

TEʼALA SINANGEA MUTIMBAGÖ:

• Faʼoya ginötö sahori ba wangogunaʼö media sosial. Na talafo oya taʼogunaʼö ginötö ba wangogunaʼö jejaring sosial mazui media sosial, tola lö hadöi inötöda ba wamalua halöwö ba wamati

  Goi-goi Zura Niʼamoniʼö: Ef 5:15, 16; Fil 1:10

• Famaigi-maigi ngawalö zi möi famaʼala. Na asese tafaigi-faigi gambara si möi famahulu dödö ba wamalua fohorö, tola sandru ita ba wamaigi pornografi mazui tedönisi dödöda ba wamalua fohorö. Aefa daʼö, na tabaso-baso mbuku mazui blog niha si no mangerogö sindruhu tola awuwu wamatida

  Goi-goi Zura Niʼamoniʼö: Mat 5:28; Fil 4:8

• Fameʼe koda mazui fehede si lö baga. Börö me no si tefuyu dödö, tola manö tedönisi dödö zi samösa niha ba wameʼe koda mazui fehede si lö baga ba jejaring sosial. Hizaʼi, tola teʼobousi döi zi samösa niha mazui awuwu wamatinia

  Goi-goi Zura Niʼamoniʼö: Rom 14:13; Ef 4:29

FAIGI VIDEO OGUNAʼÖ JEJARING SOSIAL SI FAO FAʼATUA-TUA, BA TUTUNÖ HEWISA WOTIMBAGÖ SALUA ANDRE: