Fanuturu Lala ba Wamahaʼö

Tanö ba Dödöu ”Zinunö ba Wamati”

”Ba ginötö urasoi waʼide-ide dödö, iʼabölöʼö ndraʼo Yehowa, iʼodela ngawalö zinunö si so ba JW Broadcasting^®.”—Lorraine, Amerika Serikat.

Ngawalö ”zinunö ba wamati”, no faosatö si tebai aheta moroi ba wamosumange nifalua niha Keriso. (Kol. 3:16) Na ötanö ba dödöu ngawua wehede zinunö andrö, tola teʼabölöʼö ndraʼugö hewaʼae na lö hadöi khöu buku zinunö mazui perangkat elektronik. Tandraigö falua wanuturu lala andre enaʼö aoha khöu ba wotanö ba dödö ngawua wehede zinunöda.

● Haogö wombaso ngawua wehedenia enaʼö öʼila hadia geluaha zinunö andrö. Lö alio olifu ndraʼugö zi sambua informasi na sindruhu-ndruhu aboto ba dödöu geluahania. Fefu zinunöda, simane sinunö JW Broadcasting mazui sinunö ndraono, no tehenaigö ngawua wehedenia ba jw.org. Bokai faosatö Perpustakaan, ba fili Musik.

● Sura ngawua wehedenia. Na öfalua daʼö, aoha khöu ba wotanö ba dödöu sinunö andrö.—5 Mo. 17:18.

● Fahaʼö ndraʼugö ba woʼanunöisi yaʼia ba ebuakö limö. Baso mazui anunöisi zinunö andrö mato hauga kali.

● Nehegö hawaʼoya zi no ötanö ba dödöu. Tötöi ngawua wehedenia ba böi faigi garate, aefa daʼö alui hawaʼoya zinunö si no ötanö ba dödöu.