Si No Irai Alua

Mangoromaʼö Faʼasökhi Dödö ba Niha Fefu

Samuza maʼökhö, so samösa dalifusöda ira alawe moroi ba Selandia Baru zamaigi video ba jw.org sanutunö wa iforomaʼö Yehowa waʼasökhi dödö, tenga ha asala irasoi manö. (Yes. 63:7-9) Ihalö gangetula ba wamalua hadia zi no ifahaʼö yaʼia ba iʼalui lala wanolo niha böʼö. Me möi ia mowöli ba fasa, falukha ia khö zi samösa ira alawe si lö omo, ba isofu hadia omasi ia laʼöli gönia. Itemaʼö daʼö ira alawe andrö. Me ibeʼe gö si no iʼöli, iʼadogoiʼö wanuriaigö talifusöda khö ndra alawe daʼö, iʼogunaʼö risalah ”Hadia Tola Samuza Inötö Aheta Ita ba Gabula Dödö?”

Ibörögö meʼe ndra alawe daʼö. Ifatunö wa teʼebuaʼö ia ba zindruhu, hizaʼi no iröi daʼö ba zi hauga fakhe silalö. Barö-barö daʼa, iʼandrö wanolo moroi khö Yehowa enaʼö tola mangawuli ia ba zindruhu. Ibeʼe khönia talifusöda andrö Zura Niʼamoniʼö ba omasi ia itemaʼö wamahaʼö ba Zura Niʼamoniʼö.a

Tola taʼoʼö waʼasökhi dödö Yehowa ba niha. Duma-dumania, taforomaʼö daʼö ba niha si fahatö khöda hegöi khö ndra talifusöda ba gangowuloa. Tola göi taforomaʼö waʼasökhi dödö na taʼalui lala enaʼö tola manuriaigö ita ba niha böʼö.