Lala ba Wanaögö Falöʼatulö

Baso 1 Moze 37:​23-28; 39:​17-23 enaʼö tola öfahaʼö ndraʼugö moroi ba duma-duma Yosefo ba wanaögö falöʼatulö.

Nehegö waö-waönia. Hadia mbörö wa lafalua zi lö atulö khö Yosefo? (1 Mo. 37:​3-11; 39:​1, 6-10) Hauga fakhe itaögö walöʼatulö Yosefo? (1 Mo. 37:2; 41:46) Sagötö alua daʼö, hadia nifalua Yehowa ba wanolo Yosefo, ba hadia zi lö ifalua?—1 Mo. 39:​2, 21; w23.01 17 ¶13.

Abakhaiʼö wangalui nasa. Hewaʼae lö atulö niböbögö woʼomo Wotifa andrö khö Yosefo, hizaʼi lö itutunö khöda Sura Niʼamoniʼö wa iforege Yosefo ba wangeheta ba hulunia. Hewisa ayati andre möi fanoloda enaʼö taʼila hadia mbörö wa ilau zi lö hede-hede Yosefo mazui hana wa lö moguna ahori aboto ba dödöda fefu zalua? (Amd. 20:2; Yoh. 21:25; Hal. 21:37) Hadia manö gamuata sanolo Yosefo ba wanaögö falöʼatulö?—Mi. 7:7; Luk. 14:11; Yak. 1:​2, 3.

Angeragö hadia wamahaʼö si tola öhalö. Sofu khöu samösa:

• ʼHadia walöʼatulö si lö tola löʼö alua khögu börö me no tobali ndraʼo soloʼö khö Yesu?’ (Luk. 21:​12, 16, 17; Heb. 10:​33, 34)

• ʼHadia zinangea ufalua iadaʼa enaʼö mofozu ndraʼo ba wanaögö falöʼatulö?’ (Si. 62:​7, 8; 105:​17-19; w19.07 2-7)