Hadia Guna Mbuku Soya ba Nahia Gorahua Mbanua Lowalangi?

Hadia omasi ndraʼugö öʼalui lala enaʼö tedou waʼaboto ba dödöu sanandrösa ba Zura Niʼamoniʼö? Hadia omasi ndraʼugö öʼila sambua ayati mazui haniha, hezo nahia, mazui fakake nitötöi ba Zura Niʼamoniʼö? Ma no irai öʼangeraigö hewisa Daromali Lowalangi wanolo yaʼita enaʼö tola tataögö na so gabula dödö? Nasimanö, ogunaʼö mbuku si so ba Nahia Gorahua Mbanua Lowalangi.

Mangehenaigö buku-buku si tola muʼogunaʼö. Tatu manö wa lö hadöi ahori so khöu fefu mbuku nifazökhi ndra Samaduhuʼö Yehowa ba li niʼilau. Börö daʼö, no tehenaigö mbuku daʼa ba naha mbuku si so ba Nahia Gorahua Mbanua Lowalangi. Tola manö göi so Zura Niʼamoniʼö nifoʼeluaha ba li si faböʼö-böʼö, buku si so eluaha si sökhi (kamus), ba buku-buku tanö böʼö sinangea moguna. Tola öfaigi nahia mbuku andrö fatua lö tebörögö ma na noʼawai gangowuloa. Na so komputer, tola manö so Watchtower Library ba daʼö. Tola tafaigi mbuku soya sibai enaʼö aoha khöda wangalui ba bawanöndra eluaha zi sambua tuho, ngawua wehede, mazui ayati.

Moguna ba nono zekola Angowuloa Faʼauri ba Fanuriaigö. Tola öʼogunaʼö mbuku si so ba nahia Gorahua Mbanua Lowalangi ba wamazökhi halöwö si no labeʼe khöu. Sangonorogö tödö wamaigi-maigi buku andre yaʼia daʼö satua Gangowuloa Faʼauri ba Fanuriaigö. Ihaogö wamaigi na no so mbuku si bohou ba hadia no lahaogö wamöföʼö. Yaʼia ba mazui samahaʼö yaʼugö ba Zura Niʼamoniʼö zamatunö lala wangogunaʼö buku andrö na so niʼaluimö enaʼö tola ösöndra. Hizaʼi, fefu mbuku tebai lafawuʼa ba nahiania. Na no awai tafake ba tafuli ba nahiania mege ba tahaogö wamöföʼö böi ta sura-sura.

Sura Niʼamoniʼö zangombakha enaʼö tola tasöndra ”wangila watahögö Lowalangi”, taʼalui ”simane fangalui girö-girö si no tobini”. (Gamaedola 2:1-5) Buku-buku si so ba Nahia Gorahua Mbanua Lowalangi tola öʼogunaʼö ba wangalui yaʼia.

• Hadia manö mbuku si no tehenaigö ba Nahia Gorahua Mbanua Lowalangi na so niʼaluida?

• Haniha zi tola manolo yaʼugö ba wangogunaʼö buku-buku si no tehenaigö andre?