Hadia No Öʼogunaʼö JW Library?

JW Library yaʼia daʼö aplikasi si lö muʼandrö böli (aplikasi software) si tola manolo yaʼugö ba wo-download Sura Niʼamoniʼö mazui publikasi tanö böʼö, video, hegöi program audio ba HP, tablet, mazui komputer.

LALA WANGOKHÖGÖ YAʼIA: Si oföna, moguna online ndraʼugö ba install JW Library moroi ba app store. So aplikasi daʼa ba ngawalö perangkat. Na online ndraʼugö, bokai aplikasi andrö ba fili hadia zomasi ö-download ba perangkatmö. Na tebai online ndraʼugö ba nomo, tola online ndraʼugö ba Balai Kerajaan, ba perpustakaan umum mazui ba nahia tanö böʼö si so Internet. Na no ö-download sakali publikasi, lö moguna Internet saʼae na öfuli öbokai ia. Moguna asese online ndraʼugö börö tola manö so zi bohou ninönö ba JW Library ba öbohouni aplikasi andrö.

HADIA GUNANIA? Na so khöda JW Library, tola tafahaʼö samösa ita ba tola göi taʼogunaʼö na möi ita ba gangowuloa. Aoha khöda göi ba wanuriaigö na tabeʼe kesaksian tidak resmi.