Foʼameʼegö Tödö

Hadia Nifalua Yesu?

VIDEO: Ahakhö Dödö Yesu Ngawawa Niha Sato

1. Faigi VIDEO, mazui baso Mareko 6:​30-34. Aefa daʼö, angeragö wanofu-nofu daʼa:

1. Hana wa ifandröndröu ia Yesu hegöi ira nifahaʼönia moroi ba gotalua niha sato?

2. Hadia zamarou tödö Yesu ba wamahaʼö niha sato?

Hadia Wamahaʼönia Khöda?

2. Börö me taʼameʼegö tödö niha böʼö, andrö wa omasi ita ba wanolo yaʼira, tenga ha asala no tafaʼema khöra duria somuso dödö.

Oʼö Yesu

3. Haogö Fondrondrongo. Beʼe khönia ginötö ba wanutunö ösi dödönia. Böi alio-liokö wanaba talu huhuonia mazui öʼaohasi ba dödö nidunö-dunönia. Na öhaogö wamondrondrongo huhuonia, faduhu dödönia khöu wa öʼameʼegö tödö ia.

4. Angeragö niha nifalukhaisimö. Moroi ba nidunö-dunömi barö-barö daʼa, sofu khöu samösa:

1. ʼHana wa moguna ifondrondrongo zindruhu andre?’

2. ʼNa ifahaʼö ia ba Zura Niʼamoniʼö, hadia mbörö wa tola itugu sökhi waʼaurinia iadaʼa hegöi ba zi so miföna?’

5. Tutunö hadia zi möi fanolonia. Böi taha-taha fatunö khönia na ifahaʼö ia ba Zura Niʼamoniʼö, tola isöndra wanema li ba wanofu-nofunia ba tola itugu sökhi lala waʼaurinia.