Foromaʼö Wa Öʼameʼegö Tödö Niha Böʼö

Na iʼameʼegö tödö nawönia si samösa niha, tola aboto ba dödönia hadia niʼera-era, nirasoi, nifaduhusi tödö, hegöi soguna ba niha böʼö. Tola taʼokhögö mbua-bua andre na sindruhu-ndruhu omasi ita tatolo niha böʼö. Na so khöda woʼameʼegö tödö, tola iʼanemaiʼö larasoi daʼö niha böʼö. Na taforomaʼö mbua-bua andre ba wanuriaigö, no taʼoʼö waʼomasi hegöi foʼameʼegö tödö niʼokhögö Yehowa. Buania, itugu adöni dödö niha ba wangokhögö faʼaboto ba dödö sanandrösa khö Lowalangi.​—Fil 2:4.

Taforomaʼö woʼameʼegö tödö, tenga ha ba ginötö tafahaʼö niha ba Zura Niʼamoniʼö, hizaʼi ba ginötö tafondrondrongo ira ba fahuhuo ita khöra. Tola oroma daʼö moroi ba gamuatada, ngaha-ngaha mbotoda, hegöi sikhalada. Na so khöda woʼameʼegö tödö, tatu omasi ita taʼila hadia zalua ba niha böʼö, sadöni dödöra, hegöi nifaduhusira tödö. Taforege göi ba wamaudugö turia nifaʼemada ba zoguna khöra ba tatolo ira. Hizaʼi, lö tafaso ira ba wombulöʼö faʼaurira. Na omasi ira ba wanemaʼö fanolo nibeʼeda, tola itugu omuso dödöda ba wanuriaigö.

FAIGI VIDEO OKHÖGÖ WAʼOMUSO DÖDÖ BA WOMBALIʼÖ NIFAHAʼÖ​—DOUʼÖ WAʼONEKHEMÖ—​BA WANGOROMAʼÖ WA ÖʼAMEʼEGÖ TÖDÖ IRA, BA BEʼE WANEMA LI BA WANOFU-NOFU DAʼA:

• 

  Hewisa wangoromaʼö Neeta wa iʼameʼegö tödö Jade me ahou ia?

• 

  Hewisa wangoromaʼö Neeta wa iʼameʼegö tödö Jade me iwaʼö wa tebai ifahaʼö ia ba Zura Niʼamoniʼö me luo daʼö?

• 

  Hewisa wangoromaʼö Neeta wa iʼameʼegö tödö Jade me iwaʼö wa tenga niha si toföfö ia?