Hadia Niwaʼö Zura Niʼamoniʼö?

Hadia tola itolo ndraʼugö Sura Niʼamoniʼö ba woʼalösi faʼaombö-aombö dödö?

Hadia wanemau li?

• Yaʼia

• Tenga

• Te yaʼia

Hadia niwaʼö Zura Niʼamoniʼö

”Mibeʼe balazi ia [Lowalangi], na so zabu dödömi, gofu hadia ia, sososa dödönia ami.” (I Fetero 5:7) No ifabuʼu Sura Niʼamoniʼö wa hasambalö itoloʼö Lowalangi moroi ba waʼaombö-aombö dödö.

Hadia nasa nifahaʼö Zura Niʼamoniʼö?

• Moroi ba wangandrö wa tola ösöndra ’waʼohahau dödö andrö, khö Lowalangi’ sangalösi faʼaombö-aombö dödö.​—Filifi 4:6, 7.

• Baero daʼö, tola göi möi fangalö stres na öbaso Daromali Lowalangi.​—Mataiʼo 11:28-30.

Hadia tola taya waʼaombö-aombö dödö?

So ösa zi faduhu tödö . . . wa faʼaombö-aombö dödö hegöi stres no föfö zalua ba niha, ba so zi faduhu tödö wa tola taya waʼaombö-aombö dödö na no mate ita. Hewisa moloʼö yaʼugö?

Hadia niwaʼö Zura Niʼamoniʼö

Hasambalö ihori Lowalangi zi möi börö waʼaombö-aombö dödö. ”Ba lö faʼamate saʼae, ba lö faʼabu dödö, ba lö fege-ege, ba lö faʼafökhö saʼae.”​—Famaʼeleʼö 21:4.

Hadia nasa nifahaʼö Zura Niʼamoniʼö?

• Ba Mbanua Lowalangi dania so waʼohahau dödö hegöi faʼahono dödö.​—Yesaya 32:18.

• Faʼaombö-aombö dödö hegöi stres hasambalö muʼolifugö.​—Yesaya 65:17.