Ogunaʼö Risalah ba Wamörögö Huhuo

Iʼotarai me döfi 2013, fagölö fefu format risalah. So wanofu ba tenga ha sambua wanema linia si so ba ngaʼörö tanö föna. Tola muʼogunaʼö daʼa ba wamörögö huhuo si teʼodane-dane ba Zura Niʼamoniʼö. Lö moguna ataʼu zokhö omo na fasala wanema li nibeʼenia. Tola tahaogö tafili ayati sinangea tabaso ero sambu-sambua risalah ba so duho si tola tafatunöisi khö zokhö omo.

Na tahaogö tafaʼema duho moroi ba Daromali, tola adöni dödö niha ba wamahaʼö yaʼira ba Zura Niʼamoniʼö. Ogunaʼö risalah enaʼö tetolo niha ba wamönökhi gö wamatira.​—Mat 5:6.

LALA WANGOGUNAʼÖ FITUR DAʼA:

1. Sofu mbua gera-era zokhö omo hewisa dödönia ba wanofu andrö

2. Fondro-ndrongo ba suno wanema li nibeʼenia

3. Baso ayati si so ba ngaʼörö tanö bakha ba sofu mbua gera-erania sanandrösa ba ayati andrö. Na so ginötönia ba wanohugö huhuo, ogunaʼö duho fanetenia ”Hadia Tola Tafaduhusi Tödö Niwaʼö Daromali Lowalangi?”

4. Beʼe risalah khönia

5. Tatugöi ginötö hawaʼara tola öfuli ndraʼugö enaʼö tola mitohugö huhuomi ba miʼogunaʼö mbuku Turia Somuso Dödö