FAʼAURI NIHA KERISO
Angandrö Salahi Ndra Talifusöda si Göna Folohi
No ifaʼeleʼö Sura Niʼamoniʼö wa igohi ita Satana enaʼö taböhöli ba wangai halöwö khö Lowalangi. (Yoh 15:20; Fam 12:17) Hewisa wa tola tatolo ndra talifusöda si so ba mbanua tanö böʼö si göna folohi? Tola mangandrö ita salahira. ”Abölö sibai wangandrö niha satulö, na moroi ba dödö.”—Yak 5:16.
Hadia zinangea taʼangandröi? Tola taʼandrö khö Yehowa enaʼö ibeʼe wamarou dödö hegöi fanolo khö ndra talifusöda irege lö khöra faʼataʼu. (Yes 41:10-13) Tola göi mangandrö ita salahi ndra samatörö enaʼö lö lasaisi halöwö fanuriaigö nifaluada, ”enaʼö ahono ita, ba enaʼö lö hadia ia”.—ITim 2:1, 2.
Ba ginötö göna folohi Waulo hegöi Fetero, niha Keriso ba götö siföföna, laʼohe ira ba wangandrö ba latötöi döira. (Hal 12:5; Rom 15:30, 31) Hewaʼae lö taʼila döi ndra talifusöda si göna folohi andrö, tola tatötöi mbanua niha Keriso si so yaʼira, soira, hegöi banuara.