Ogunaʼö Video ba Wamahaʼö Niha Nifahaʼöu ba Zura Niʼamoniʼö

Alat bantu visual tola adöni dödö niha samaigi ibeʼe irege aboto ba dödönia ba lö olifu ia hadia zi no ifahaʼö yaʼia andrö. Iʼogunaʼö alat bantu visual Yehowa, Samahaʼö Solakhömi ba wameʼe famahaʼö. (1Moz 15:5; Yer 18:1-6) Iʼogunaʼö göi daʼö Yesu, Samahaʼö Sebua. (Mat 18:2-6; 22:19-21) Sambua moroi ba gotalua alat bantu visual sangoromaʼö wa moguna sibai ia ba zi hauga fakhe, yaʼia daʼö video. Hadia öʼogunaʼö video ba ginötö öfahaʼö niha nifahaʼöu ba Zura Niʼamoniʼö?

No mufaʼanö fulu video ba wanolo yaʼita ba ginötö tabeʼe wamahaʼö moroi ba brosur Turia Somuso Dödö moroi khö Lowalangi! Ero sambua duho moroi ba video moʼamakhaita ia ba wanofu si no muʼaitöni si so ba brosur. Tobali famasugi ba dödöda brosur versi digital si so ba jw.org hegöi link, enaʼö tola taʼila hawaʼara taʼogunaʼö video ba ginötö wamahaʼö. Aefa daʼö, tola taʼogunaʼö video onönöta tanö böʼö ba wamahaʼö si so ba Fakake Niʼogunaʼöda ba Wamahaʼö.

Hadia so wamahaʼö moroi ba Zura Niʼamoniö nibeʼeu ba niha nifahaʼöu hizaʼi ambö aboto ba dödönia? Mazui hadia alua wanandraigö ba niha nifahaʼöu? Alui video ba jw.org® hegöi ba JW Broadcasting® si möi fanolonia. Tola fao ami ba wamaigi video daʼö ba midunö-dunö.

Ero waŵa, murilis video. Ba ginötö öfaigi video daʼö, angeragö hewisa wangogunaʼö yaʼia ba wamahaʼö niha böʼö.