Enaʼö Onekhe Ita ba Wanuriaigö​—Manuriaigö ba Telefo

HANA WA MOGUNA: Sambua lala si tola tafalua ba ’wamaduhuʼö turia somuso dödö’ yaʼia daʼö manuriaigö ita ba telefo. (Hal 20:24)a Na taʼogunaʼö telefo, tola manuriaigö ita khö zi samösa niha hewaʼae na tebai möi ita ba wamalukhaisi yaʼia.

LALA WAMALUA YAʼIA:

• 

  Faʼanö ndraʼugö. Fili sambua duho si tefaudu. Aefa daʼö, sura hadia manö zedöna öwaʼö. Abölö sökhi na öhatöʼö ba zingau zi no ösura andrö hegöi gama-gama tanö böʼö sedöna öʼogunaʼö ba wanuriaigö, simane fakake elektronik ba wamokai JW Library^® mazui jw.org^®

• 

  Enaʼö si toʼölö manö ndraʼugö. Aʼiki ba lau fahuhuo ba lala si toʼölö simane na so ia fönau. Böi asese batogö wehedeu. Abölö sökhi na fao ndraʼugö khö ndra talifusöda tanö böʼö ba wamalua fanuriaigö andre. Na so wanofu niha nitelefomö, fuli tötöi wanofunia andrö enaʼö tola itolo ndraʼugö awöu wanuriaigö ba wangalui fanema linia

• 

  Alui lala enaʼö tola ifuli fahuhuo ndraʼugö khönia. Na adöni dödö niha nitelefomö, tola öbeʼe khönia wanofu si tola mitutunö na ifuli ötelefo ia. Tola göi ösofu khönia hadia tola möi ndraʼugö ba wamasao khönia publikasida, mazui öfaʼoheʼö daʼö ba e-mail mazui ba jasa pengiriman. Mazui, tola ösofu khönia hadia tola öʼogunaʼö pesan singkat mazui e-mail ba wamaʼoheʼö khönia video mazui artikel. Tola göi ötutunö khönia hadia manö zi so ba situs webda