Fanuturu Lala ba Wondröniaʼö Angowuloa Weʼamöi Manuriaigö

Yehowa zamaʼanö angowuloa weʼamöi manuriaigö. Simane na taʼondrasi gangowuloa ero migu, tola tefarou dödöda ba wangoromaʼö faʼomasi hegöi faʼasökhi dödö ba niha böʼö na taʼondrasi gangowuloa weʼamöi manuriaigö. (Heb 10:24, 25) Mufalua gangowuloa weʼamöi manuriaigö mato lima irugi fitu menit waʼara. No tefarahu ba daʼö ginötö ba wotatugöi haniha nawö ndra sanuriaigö, ba wotatugöi hezo nahia wanuriaigö, hegöi ba wangandrö. (Muʼalösi waʼarania na mufalua ia aefa gangowuloa.) Moguna ifaʼanö sondröniaʼö angowuloa hadia zoguna khö ndra talifusöda ba wanuriaigö. Duma-dumania, tola itutunö lala ba wamörögö fahuhuosa na mufalua gangowuloa weʼamöi manuriaigö ba ngaluo Satu, börö me lö ato moroi ba gotaluara zi möi manuriaigö ba ngaluo böʼö. Baero daʼö, hadia nasa zi tola itutunö sondröniaʼö angowuloa weʼamöi manuriaigö?

• Duma-Duma Wahuhuosa si so ba Waʼauri Niha Keriso ba Fanuriaigö​—Waö-Waö Halöwö ba Gangowuloa

• Turia mazui salua barö-barö daʼa si tola muʼogunaʼö ba wamörögö fahuhuosa

• Lala ba wangasiwai bua gera-era si no toʼölö lö latemaʼö

• Lala wanuriaigö ba niha si lö mamaduhusi tödö wa so Lowalangi, niha samaduhusi tödö evolusi, niha sangogunaʼö li böʼö, mazui niha moroi ba agama si lö ato ono mbanua

• Lala ba wangogunaʼö fitur si so ba situs web jw.org, aplikasi JW Library^®, mazui Sura Niʼamoniʼö

• Lala ba wangogunaʼö publikasi si so ba Fakake Niʼogunaʼöda ba Wamahaʼö

• Lala ba wangogunaʼö telefo mazui sura ba wanuriaigö, lala ba wamalua fanuriaigö ba nahia sato niha, ba wamalukhaisi mangawuli, mazui ba wondröniaʼö famahaʼö ba Zura Niʼamoniʼö

• Famasugi ba dödö enaʼö lö alua deʼala, lö fatandro, moadu gamuatada, taʼokhögö lala wangera-ngera si tefaudu, mazui tanö böʼönia

• Fanuturu lala moroi ba wamahaʼö mazui video si so ba brosur Odödögö Wombaso hegöi ba Wamahaʼö

• Lala ba wanolo hegöi ba wamarou tödö nawöda wanuriaigö

• Ayati mazui si no irai alua ba wanuriaigö si tola möi famarou dödöda