Hadia Omasi Öfasuraʼö Döimö Wefao ba Sekolah bagi Penginjil Kerajaan?

Hadia 23 irugi 65 fakhe ndröfimö ba sangai halöwö safönu inötö? Hadia abölö mbotomö, ba omasi ndraʼugö mangai halöwö ba mbanua sabölö ato moguna sanuriaigö? Na yaʼia wanema li nibeʼemö ba wanofu-nofu daʼa, hadia no öʼangeragö ba wamasuraʼö töimö wefao ba Sekolah bagi Penginjil Kerajaan? Iʼotarai me awena mufalua sekola andre, ribu ndra talifusöda si no fao he si no mangowalu hegöi si löʼö. Hizaʼi, abölö muʼofönaiʼö dalifusöda ira matua si lö sangowalu. Andrö khö Yehowa enaʼö itugu ebua waʼomasimö ba wangomusoiʼö tödönia hegöi ba woloʼö duma-duma Nononia. (Zin 40:9; Mat 20:28; Heb 10:7) Aefa daʼö angeragö hadia so zi tobali noro dödömö si lö tola löʼö öfalua simane ba nösi nomo, halöwö, mazui foʼömö. Na simanö, hadia so zinangea öfaudugö enaʼö tola öfasuraʼö döimö?

Hadia halöwö ba wamati nitema niha si no fao ba zekola andre? So ösa nifataro ba mbanua sangogunaʼö li böʼö mazui fao ira manuriaigö ba nahia sato niha ba mbanua sebua. Tanö böʼönia tobali sosalahini satua samasui, satua samasui, mazui utusan injil. Ba ginötö öʼangeragö hadia manö zi tola öfalua ba wangai halöwö khö Yehowa, böi tebulö okhögö gamuata simane niwaʼö samaʼeleʼö sotöi Yesaya, ”Yaʼe ndraʼo, fatenge ndraʼo.”​—Yes 6:8.

FAIGI VIDEO UTUSAN INJIL BA LAPANGAN—SOHALÖWÖ BA WAMASI, AEFA DAʼÖ BEʼE WANOFU-NOFU DAʼA:

• 

  Hewisa wamili utusan injil ba lapangan?

• 

  Hadia halöwö si sökhi nifalua utusan injil ba lapangan?

• 

  Hadia manö howu-howu nitema utusan injil?