Beʼe Wanofu

Börö me ”Lowalangi somuso tödö” Yehowa, omasi ia na tarasoi waʼomuso dödö ba wanuriaigö. (1Ti 1:11) Tola itugu omuso dödöda na taforege enaʼö itugu onekhe ita ba wanuriaigö. Sambua lala si tola tafalua yaʼia daʼö tabeʼe wanofu. Na tabeʼe wanofu, tola tadönisi dödö zi samösa niha ba wangalui faʼaboto ba dödö tanö böʼö, ba omasi ia fahuhuo khöda. Daʼö göi zanolo yaʼia ba woʼangeragö hegöi ba wangai angetula si tefaudu. (Mat 22:41-45) Na manofu ita khö zi samösa niha ba tafondrondrongo wanema li nibeʼenia, no taforomaʼö wa taʼameʼegö tödö ia. (Yak 1:19) Moroi ba wanema li nibeʼenia, tola taʼila hadia zinangea tatutunö aefa daʼö.

FAIGI VIDEO OKHÖGÖ WAʼOMUSO DÖDÖ BA WOMBALIʼÖ NIFAHAʼÖ​—DOUʼÖ WAʼONEKHEMÖ—​BA WAMEʼE FANOFU, BA BEʼE WANEMA LI BA WANOFU-NOFU DAʼA:

• 

  Hadia mbua-bua si sökhi niʼokhögö Jade?

• 

  Hewisa wangogunaʼö Neeta fanofu ba wangoromaʼö wa iʼameʼegö tödö zoguna ba niha böʼö?

• 

  Hewisa wangogunaʼö Neeta fanofu enaʼö itugu adöni dödö Jade ba duria somuso dödö?

• 

  Hewisa wangogunaʼö Neeta fanofu si möi fanolo Jade ba woʼangeragö hegöi ba wangai angetula si tefaudu?