Andrö Wanolo khö Yehowa

Börö Yehowa wa tola mowaʼa ba manöi danömö zindruhu ba dödö zi samösa niha. (1Ko 3:6-9) Börö daʼö, enaʼö tola mofozu ita ba wanuriaigö, moguna taʼodaligö Yehowa ba wanolo yaʼita hegöi niha nifahaʼöda ba Zura Niʼamoniʼö.

Moguna özara-zara wanutunö hadia manö niʼandröu khö Yehowa. Andrö khönia enaʼö itolo niha nifahaʼöu ba Zura Niʼamoniʼö ba wanaögö ngawalö wondrönisi dödö hegöi fanandraigö. (Fil 1:9, 10) Andrö khönia geheha niʼamoniʼö ba wameʼe khöu fanuturu lala enaʼö öʼila hadia zinangea öfalua ba öʼokhögö lala wangera-ngera si tefaudu. (Luk 11:13) Fatunö ba niha nifahaʼöu hewisa lala ba wangandrö, ba farou ira wamalua daʼö. Na fao ira khöu ba ginötö ölau mangandrö hegöi na mangandrö ndraʼugö salahira, tötöi döira.

FAIGI VIDEO OKHÖGÖ WAʼOMUSO DÖDÖ BA WOMBALIʼÖ NIFAHAʼÖ​—TEMA WANOLO YEHOWA—​FANGANDRÖ, BA BEʼE WANEMA LI BA WANOFU-NOFU DAʼA:

• Hadia manö daha-taha nitaögö Neeta me idöniaʼö wamahaʼö ba Zura Niʼamoniʼö khö Jade?

• Hewisa wa tola möi fanolo Neeta 1 Korindro 3:6?

• Hewisa wa tola teʼasiwai daha-taha nitaögö Neeta?