Tolo Niha Nifahaʼöu ba Zura Niʼamoniʼö Enaʼö Laʼokhögö Wahuwusa si Sökhi khö Yehowa

Omasi Yehowa na tafosumange ia börö waʼomasida khönia. (Mat 22:37, 38) Na iʼomasiʼö Yehowa niha nifahaʼöda, tola terou dödönia ba wamaudugö faʼaurinia moloʼö mene-mene Zura Niʼamoniʼö ba lö awuwu ia na so wanandraigö. (1Yo 5:3) Aefa daʼö, tola terou göi dödönia enaʼö tebayagö idanö.

Tolo niha nifahaʼömö ba Zura Niʼamoniʼö enaʼö irasoi waʼomasi Lowalangi. Ba ginötö mifalua wamahaʼö, faʼema wanofu-nofu simane: ”Moroi ba daʼa, hadia wamahaʼö si tola öhalö sanandrösa khö Yehowa?” mazui ”Hewisa wangoromaʼö Yehowa wa iʼomasiʼö ndraʼugö?” Tolo ia irege iʼila hewisa lala Yehowa ba wanolo yaʼia. (2Ng 16:9) Tutunö khönia duma-duma si no irai alua khömö me ifondrondrongo wangandrömö Yehowa, ba farou ia enaʼö inehegö hewisa lala Yehowa ba wameʼe fanema li ba wangandrönia. Tatu omuso sibai dödöda me taʼila wa irasoi samösa waʼomasi Yehowa irege tefarou dödönia ba wangoromaʼö faʼomasi ba tobali si fahuwu khö Yehowa.

FAIGI VIDEO TOLO NIHA NIFAHAʼÖU BA ZURA NIʼAMONIʼÖ ENAʼÖ LAʼOKHÖGÖ WAHUWUSA SI SÖKHI KHÖ YEHOWA, BA BEʼE WANEMA LI BA WANOFU-NOFU DAʼA:

• 

  Hadia gabula dödö nitaögö Jade?

• 

  Hadia nifalua Neeta ba wanolo Jade?

• 

  Hadia nifalua Jade ba wangasiwai abula dödönia?