OWÖLÖ-ÖLÖ BA WANURIAIGÖ | ENAʼÖ OMUSO DÖDÖDA BA WANURIAIGÖ
Fahaʼö Niha si Fao Faʼaterou Dödö
Hadia mbuania na tafahaʼö niha si fao faʼaterou dödö? Tola terou göi dödö niha samondrondrongo yaʼita ba itugu laʼameʼegö tödö duria nifaʼemada. Tola göi taforomaʼö khöra wa tohude sibai duria nifaʼemada andrö. Gofu hewisa waö-waö waʼaurida hegöi amuatada, tola tafahaʼö niha si fao faʼaterou dödö. (Rom 12:11) Hewisa wamaluada daʼö?
Si oföna, angerönusi hadia mbörö wa tohude sibai duria nifaʼemamö. No tebeʼe khöu döi si sökhi tobali ”sanuriaigö turia somuso dödö”! (Rom 10:15) Si dua, angerönusi hadia mbua niʼasogö duria nifaʼemamö ba niha samondrondrongo. Moguna sibai lafondrondrongo duria somuso dödö andrö. (Rom 10:13, 14) Si tölu, fahuhuo khöra si fao faʼaterou dödö, ba foromaʼö daʼö moroi ba zikhala hegöi ngaha-ngaha mboto si tefaudu.
FAIGI VIDEO OKHÖGÖ WAʼOMUSO DÖDÖ BA WOMBALIʼÖ NIFAHAʼÖ—DOUʼÖ WAʼONEKHEMÖ—BA WAMAHAʼÖ SI FAO FAʼATEROU DÖDÖ, BA BEʼE WANEMA LI BA WANOFU-NOFU DAʼA:
Hana wa lö saʼae terou dödö Neeta ba wamahaʼö Jade ba Zura Niʼamoniʼö?
Hadia zanolo Neeta enaʼö ifuli terou dödönia?
Tola terou dödö niha böʼö na taforomaʼö waʼaterou dödö
Hana wa moguna taʼosambuaʼö dödöda ba gamuata si sökhi niforomaʼö niha samondrondrongo yaʼita?
Na taforomaʼö waʼaterou dödö, hadia lua-luania daʼö ba niha nifahaʼöda ba Zura Niʼamoniʼö hegöi ba niha tanö böʼö?