Tolo Niha Nifahaʼöu ba Zura Niʼamoniʼö Enaʼö Laröi Gamuata si Raʼiö

Enaʼö tola tobali si fahuwu khö Yehowa niha nifahaʼöda ba Zura Niʼamoniʼö, moguna ihaogö gamuatania. (1Fe 1:14-16) Börö daʼö, moguna iböhöli ngawalö zi raʼiö sasese ifalua. Na ifalua daʼö, oya mbua si tola itema. Duma-dumania, itugu sökhi zalua ba nösi nomonia, lö göna ia fökhö ba tola ibeʼe yawa gefenia.

Fatunö ba niha nifahaʼöu hadia manö niʼandrö Yehowa, hadia mbörö wa iʼandrö daʼö ba hadia mbuania na ifalua daʼö. Tolo ia ba wamulöʼö lala wangera-ngerania irege aoha khönia wamalua niʼandrö Yehowa. (Ef 4:22-24) Aroʼö dödönia wa tola iböhöli zasese ifalua andrö börö wanolo moroi khö Yehowa. (Fil 4:13) Fahaʼö ia ba wangandrö fanolo moroi khö Yehowa na tedönisi dödönia ba wamalua sala. Tolo ia enaʼö iʼila hadia zi tola mondrönisi tödönia, irege tola itimbagö daʼö. Farou ia ba wamalua halöwö sabölö moguna moroi na ihorigö ginötönia ba wamalua amuata si fasala sasese ifalua mböröta. Buania, öʼokhögö waʼomuso dödö ba ginötö öʼila wa mofozu niha nifahaʼömö ba wamöhöli amuata si raʼiö börö wanolo moroi khö Yehowa.

FAIGI VIDEO TOLO NIHA NIFAHAʼÖU BA ZURA NIʼAMONIʼÖ ENAʼÖ LARÖI GAMUATA SI RAʼIÖ, BA BEʼE WANEMA LI BA WANOFU-NOFU DAʼA:

• 

  Hezo tola taʼila wa faduhu dödö ndra satua sokubaloi hegöi Neeta khö Jade?

• 

  Hadia nifalua Neeta ba wanolo Jade?

• 

  Hadia nifalua Jade ba wangandrö fanolo moroi khö Yehowa?