Yafaduhu Dödöu Wa Tola Ötaögö Gabula Dödö ba Wangalui Soguna

Oya gabula dödö salua ba ngaluo safuria andre. Börö me no ahatö gamozua götö danö, itugu monönö waʼoya gabula dödöda. Duma-dumania, abula dödö ba wangalui soguna. (Hab 3:16-18) Hadia zanolo yaʼita enaʼö tola tataögö gabula dödö ba wangalui soguna? Böi tebulö tafaduhusi tödö Lowalangida Yehowa. Gofu hadia zalua khöda, tola ibönökhi zoguna khöda. No göi ifabuʼu wa lö tebulö irorogö nono mbanuania.—Si 37:18, 19; Heb 13:5, 6.

Si tola öfalua:

• Andrö wanuturu lala, faʼatua-tua hegöi fanolo moroi khö Yehowa.—Si 62:8

• Böi abua gölöu wamalua halöwö si lö irai öfalua ba zilalö.—g-IN 1/10 8-9, kotak

• Böi tebulö falua halöwö ba wamati, simane fombaso Sura Niʼamoniʼö ero maʼökhö, feʼamöi ba gangowuloa hegöi ba wanuriaigö

FAIGI VIDEO MAMAZÖKHI OMO SI SO FAʼANAU GÖLÖ—ʼYAʼOBÖNÖ ZI HO SO’. BA BEʼE WANEMA LI BA WANOFU-NOFU DAʼA:

• Hadia manö gabula dödö nitaögö zi dombua ösi nomo andrö?

• Hadia zabölö moguna ba waʼauri andre?

• Hewisa lalada ba wanolo niha sanaögö abula dödö ba wangalui soguna?