Hadia Mofaʼabölö Daromali Lowalangi ba Waʼauriu Ero Maʼökhö?

Na tabaso Zura Niʼamoniʼö ero maʼökhö tola ”mowaʼa” ba ”niʼabeʼeʼö, ba wamati”. (Kol. 2:6, 7) Enaʼö mofaʼabölö Daromali Lowalangi ba waʼaurida, moguna taʼangerönusi ba tafalua goi-goinia. (Heb. 4:12; Yak. 1:22-25) Ba Yosua 1:8 so tölu zinangea tafalua enaʼö tasöndra mbua ba wombaso Sura Niʼamoniʼö: (1) Baso Daromali ”bongi maʼökhö”. (2) Moguna ’mudaʼi-daʼi ba wombaso’, eluahania daʼa zanolo yaʼugö ba wo khalaigö hegöi ba woʼangerönusi hadia zi no öbaso. (3) Odödögö wamalua ”fefu hadia ia nitanö ba zura andrö”. Na öfalua daʼa ”sökhi lua-lua wolaumö” ba ”falukhaʼö zalöfö” ba waʼauriu ero maʼökhö.