Na Iraono Zamokai Mbawa Ndruhö

Na iraono zamokai mbawa ndruhö, moguna taʼofönaiʼö fahuhuo khö zatuania. Daʼö zangoromaʼö wa tafosumange ira tobali zatua ba daʼö. (Gamd 6:20) Na iwaʼö khöda ono daʼö weʼamöi bakha ba nomo, sökhi na tatimbagö. Na lö hadöi zatuania ba nomo, tola tafuli ita ba ginötö tanö böʼö.

Na si bohou ebua nono daʼö, iʼotarai 15 irugi 19 fakhe, moguna taʼofönaiʼö fahuhuo khö zatuania. Na lö hadöi ira ba nomo, moguna tasofu khönia hadia itehe zatuania ia ba wofili samösa mbuku zinangea ibaso. Na iwaʼö tola, tabeʼe khönia mbuku ba tafatunö sanandrösa ba jw.org.

Ba ginötö tafuli tafalukhaisi iraono si bohou ebua sadöni tödö, moguna tafalukhaisi zatuania. Na tafalua daʼö, tola tatutunö gohitö dödö waʼatohareda ba taforomaʼö wa so mene-mene zi sökhi ba Zura Niʼamoniʼö si tola lafaduhusi tödö ba nösi nomo. (Zin 119:86, 138) Na taforomaʼö wa taʼameʼegö tödö ba tafosumange zatuara, tola tobali famahaʼö si sökhi daʼö khöra. Ba ginötö böʼö, tola tafaʼema duria somuso dödö ba nösi nomo daʼö.​—IFet 2:12.