Lala Wangogunaʼö Brosur Haniha Zamalua Somasi Yehowa ba Ginötö Andre?

Brosur Haniha Zamalua Somasi Yehowa ba Ginötö Andre? tefazökhi ia enaʼö tola latutunö ero wamobörö mazui ba wangasiwai famahaʼö ba Zura Niʼamoniʼö.a Famahaʼö 1 irugi 4 zanolo nifahaʼöda enaʼö itugu aboto ba dödönia haniha ita, famahaʼö 5 irugi 14 zanolo yaʼira enaʼö laʼila hadia nifaluada, ba famahaʼö 15 irugi 28 zangoromaʼö khöra hadia nifalua organisasida. Lala sabölö sökhi yaʼia daʼö na teföfö wamahaʼöda yaʼia. Hizaʼi, moguna göi taʼameʼegö tödö na so wamahaʼö sadöni dödönia. Tola latutunö ia lima ofeta fulu menit börö me hasagörö ngaʼörönia ero sambua famahaʼö.

• 

  Farou dödönia ba wamaigi fanofu si tobali tuho wamahaʼö

• Faoma mibaso ero sambua famahaʼö, tola misamuzaigö ba wombaso, mazui ero sambua ngenoli

• Tutunö hadia nibasomi. Ogunaʼö wanofu si so tou ba ngaʼörö wamahaʼö hegöi gambara. Baso ba tutunö ayati si no muhenaigö. Tutunö khönia wa tuho side-ide si no muʼaitöni fanema li moroi ba wanofu si so ba duho siföföna

• Na so kotak ”Alui Danö Böʼö Nasa”, faoma mibaso daʼö ba farou dödönia ba wamalua daʼö