NIFALUADA NA TEDOU MBÖLI ZOGUNA
Tatemaʼö Zalua
Tola manö lö taraso khöda waʼatedou mböli zoguna, na tedou göi gazida wohalöwö. Hizaʼi, na itugu möi yawa mböli zoguna ba lö tedou gazida wohalöwö tola manö aombö dödöda ba fawuka wangera-ngerada. Mendrua manö na so zi tobali noro dödöda yomo ba nomo.
Tebai tatimbagö waʼatedou mböli zoguna, hizaʼi tatemaʼö hadia zalua ba tola manö so mbuania khöda.
HANA WA MOGUNA
Na aboto ba dödöda wa itugu tedou mböli zoguna, aoha khöda . . .
ba wangokhögö faʼahono dödö irege tola taʼokhögö lala wangera-ngera si sökhi ba tola tahalö gangetula si tefaudu.
ba wanimbagö ngawalö zi lö tefaudu simane tahorigö gefeda ba zi lö eluaha mazui taʼodödögö enaʼö lö tabuʼa gömöda.
ba wanimbagö abula dödö ba nösi nomo ha börö-börö gefe.
ba wotatugöi hadia zabölö muʼofönaiʼö. Duma-dumania, böi taʼöli gama-gama sambö moguna khöda.
SI TOLA ÖFALUA
Yaʼaoha gölöu ba wamalua fombulöʼö. Sagötö möi yawa mböli zoguna, moguna öʼöna-önaiʼö wangogunaʼö kefe. So ösa niha sangosikayo yaʼira, lua-luania lö sagu khöra ba wamalua daʼö. Yaʼira andre amaedola niha sanösö balö molö! Itugu ara, itugu marase ira. Na so nösi nomomö, tola manö so khöu waʼaombö dödö ba wombönökhi soguna khöra. Ba lö tola löʼö hasambalö öfalua daʼö. Hizaʼi törö tödöu, sabölö moguna khöra yaʼia daʼö faʼomasi, inötö, hegöi foʼameʼegö tödö.
Na taʼosikayo ita hewaʼae sindruhunia lö sagu khöda wamalua daʼö, amaedola niha sanösö balö molö ita