Manuriaigö sahatö ba Monrovia, Liberia

Duma-Duma Wahuhuosa

●○○ NA AWENA FALUKHA ITA BA NIHA

Fanofu: Hadia moguna Zura Niʼamoniʼö ba ginötö daʼa?

Ayati: 2Tim 3:16

Fanofu Niröi: Hadia zabölö idunö-dunö Sura Niʼamoniʼö andrö?

○●○ NA AWENA MUFULI MUFALUKHAISI

Fanofu: Hadia zabölö idunö-dunö Sura Niʼamoniʼö andrö?

Ayati: Mat 6:10

Fanofu Niröi: Hadia nifalua Mbanua Lowalangi andrö?

○○● MUFULI MUFALUKHAISI BA ZI DUA KALI

Fanofu: Hadia nifalua Mbanua Lowalangi andrö?

Ayati: Dan 2:44

Fanofu Niröi: Hadia lua-luania ba gulidanö?

Iʼotarai ba mbaŵa daʼa, lö hadöi saʼae si tölu famadumaisi si so ba gangowuloa barö migu. Hizaʼi, ba Waö-Waö Halöwö ba Gangowuloa Faʼauri ba Fanuriaigö no tehenaigö duma-duma wahuhuosa ba wamaehagö fanofu, ayati hegöi fanofu niröi si tola manolo yaʼita enaʼö tola tafuli tafalukhaisi ira. Ha sambua video duma-duma wahuhuosa nifuta ero migu. Ero samösa sanuriaigö, tola ifili hawaʼara ifaehagö ba hadia publikasi niʼogunaʼönia ba Fakake Niʼogunaʼöda ba Wamahaʼö (faigi km 7/15 ngaʼörö 3), he na awena falukha ba niha mazui mufuli mufalukhaisi. Aefa daʼö, ba waö-waö halöwö no tehenaigö dombua duma-duma wahuhuosa si tola muʼogunaʼö na mufuli mufalukhaisi. Daʼa zanolo yaʼita enaʼö teʼosambuaʼö dödöda ba wamahaʼö ”ha waʼato nihonogöi ba wanema faʼauri si lö aetu”.—Hal 13:48.

Halöwö Zamalua Famadumaisi: Moguna iʼoʼö duma-duma wahuhuosa, baero na so wanuturu lala tanö böʼö.