Lala ba Wangogunaʼö Duma-Duma Wahuhuosa

No muhaogö wamazökhi Duma-Duma Wahuhuosa. Ato ndra sanuriaigö sanema bua börö me laʼogunaʼö daʼö ba wanuriaigö. Hizaʼi, börö me faböʼö-böʼö zalua ba zi sagörö ulidanö, ira sanuriaigö tola lafaböʼöni lala wamaehagö hegöi tuho niʼogunaʼöra ba wanuriaigö moloʼö banua si toröi yaʼira. Hewaʼae simanö, moguna laʼoʼö fefu wanuturu lala na mufalua kampanye. Ohitö dödöda yaʼia daʼö ba wamalua niwaʼö Yesu, ba wanuriaigö turia somuso dödö sanandrösa ba Wamatörö Lowalangi.—Mat 24:14.

Na mufalua wamadumaisi ba gangowuloa, moguna laʼoʼö ira sanuriaigö duho si so ba Duma-Duma Wahuhuosa si no mufaʼanö ba Waö-Waö Halöwö ba Gangowuloa Faʼauri ba Fanuriaigö. Hewaʼae simanö, tola lafaböʼöni wanofu, ayati, fanofu niröi hegöi lala wamaehagö moloʼö salua ba mbanua andrö, hizaʼi moguna laforege enaʼö fagölö duho nitutunöra. Fanuturu lala andre zogatini fanuturu lala si so ba Waö-Waö Halöwö ba Gangowuloa Faʼauri ba Fanuriaigö ba mbaŵa si Önö 2020 ngaʼörö si 8.