Setulu he Aoga Fekafekau Fakateokarasi ma e 1998
Tau Fakailoaaga
He tau 1998 ko e tau mena na ne mui mai to eke mo tau fakaholoaga he magaaho ka taute e Aoga Fekafekau Fakateokarasi.
TAU TOHI FAKAAKO: Ko e New World Translation of the Holy Scriptures [bi12], Jehovah’s Witnesses—Proclaimers of God’s Kingdom [jv], “All Scripture Is Inspired of God and Beneficial” (Liliuaga he 1990) [si], Iloilo ne Takitaki Atu ke he Moui Tukulagi [kl-NN], Ko e Mena Galo he Fiafia he Magafaoa [fy-NN], mo e Insight on the Scriptures Volume 1 mo e 2 [it-1, it-2] ka fakave ki ai e tau kotofaaga.
Kua lata e aoga ke kamata he MATAHOLA TONU aki e lologo, liogi, mo e tau fakafeleveiaaga ti taute tuga na ne fakakite mai:
KOTOFAAGA NU. 1: 15 minuti. Kua lata ke taute he taha motua po ke taha fekafekau lagomatai, mo e to fakave ai ke he Jehovah’s Witnesses—Proclaimers of God’s Kingdom po ke “All Scripture Is Inspired of God and Beneficial.” Ka fakave ke he tohi Proclaimers, kua lata e kotofaaga nei ke taute mo lauga fakaako mo e nakai ke liu fakamaama ke 15 e minuti; ka fakave ke he tohi “All Scripture,” kua lata ke taute mo lauga fakaako ke 10 ke he 12 e minuti oti mogoia ti fakamaama ke 3 po ke 5 e minuti, he fakaaoga e tau huhu i loto he tohi. Ko e foliaga, nakai ni ke fakamatafeiga e tau manatu i ai ka e ke fakamahino atu ke he mena uho he fakailoaaga ne kua fakatutala ki ai, he fakamaama ko e heigoa e mena ka lahi e lagomatai ke he fakapotopotoaga. Kua lata ke fakaaoga e mataulu ne fakakite. Ko e tau fakataitaiaga, tau ata, mo e tau fakakiteaga i loto he tohi Proclaimers kua maeke ke tutala ki ai e tagata lauga mo e fakaaoga mo tau lagomataiaga ke fakaako.
Ko e tau matakainaga tane ne kotofa e lauga nei ki ai kua lata ke mailoga ke lauga fakakaupa ke he matahola. Kia foaki e akonakiaga tokotaha kaeke ke lata po ke ka ole he tagata lauga.
TAU FAKAMAAMAAGA MAI HE TOTOUAGA HE TOHI TAPU: 6 minuti. Kua lata e mena nei ke taute he taha motua po ke taha fekafekau lagomatai ko ia ka fakahagaao fakamitaki e tau manatu nei ke he tau manako he fakapotopotoaga. Nakai lata e mena nei ke fakamaama noa ni e tau manatu he kotofaaga ke totou. Kua lata ke fai fakamaamaaga foki ke 30 ke he 60 e sekone ke he tau veveheaga kotofa. Ka e, ko e matapatu foliaga ke lagomatai a lautolu ne fanogonogo ke kitia ko e ha mo e fefe e aoga he fakailoaaga ki a tautolu. Ati fekau ai he leveki aoga a lautolu ne fai kotofaaga ke o ke he tau poko kehekehe.
KOTOFAAGA NU. 2: 5 minuti. Ko e totouaga he Tohi Tapu aenei ke lauga he matakainaga tane. To taute ai he aoga lahi ti pihia foki ke he tau aoga ke ua aki. Na fa kuku e tau kotofaaga ke totou ke fakaata e tagata ke foaki taha fakamaamaaga ku ke he fakailoaaga he kamataaga mo e he fakahikuaga. Ko e talahauaga mai i tuai, fakamaamaaga he tau perofetaaga po ke taofiaga, mo e fakaaogaaga he tau matapatu fakaakoaga kua maeke ke talahau. Kua lata ke totou holo e tau kupu kotofa oti mo e nakai fakamaoki hifo. Moli, ka nakai fakapapale e tau kupu ka totou, kua maeke he tagata lauga ke totoku e kupu ne matutaki atu ke he totouaga.
KOTOFAAGA NU. 3: 5 minuti. To kotofa ai ke he matakainaga fifine. Ko e mataulu ma e lauga nei to fakave ke he Iloilo ne Takitaki Atu ke he Moui Tukulagi, Ko e Mena Galo he Fiafia he Magafaoa, po ke Insight on the Scriptures, Volume 2. (Kikite Kotofaaga Nu. 4 ma e fakailoaaga ke he puhala ke taute e manatu ne fakave ke he tagata he Tohi Tapu.) Kua maeke e fakatokaaga ke hagaao atu ke he fakamatalaaga nakai taute pauaki, liliu aahi atu, po ke fakaako Tohi Tapu he kaina, mo e lata ke tutu po ke nonofo a laua ne taute ai. To mataala fakalahi atu e leveki aoga ke he puhala ne lagomatai he tagata fakailoa a ia he fale ke mailoga mo e maama e tau manatu mo e ke he puhala ne fakaaoga e tau kupu Tohi Tapu. Ko e tagata ne kotofa e vala nei ki ai kua lata ke iloilo he totou. Taha e tagata lagomatai ka setulu he leveki aoga, ka e kua maeke ke fakaaoga e taha tagata. Ko e tagata lauga ka fifili ke totou po ke nakai totou he tagata he fale e taha he tau paratafa he magaaho ka hagaao ke he tau tohi Iloilo po ke Fiafia he Magafaoa. Nakai ko e fakatokaaga ka ko e puhala ne fakaaoga ai e manatu kua lata ke onoono fakalahi ki ai.
KOTOFAAGA NU. 4: 5 minuti. Ka fakave e kotofaaga nei ke he fakailoaaga hagaao ke he tagata he Tohi Tapu, to kotofa ai ke he matakainaga tane po ke fifine. Ka fakave ai ke he tohi Fiafia he Magafaoa, to kotofa ai ke he matakainaga tane. Ma e tau kotofaaga takitaha kua fita he fakatokatoka e tau mataulu i loto he setulu. Ka fakave e kotofaaga nei ke he tagata he Tohi Tapu, kua moua ai e talahauaga i loto he Insight on the Scriptures, Volume 1 po ke Volume 2, i lalo he hana higoa. Kua lata e tagata lauga ke kumikumi e tau fakahagaaoaga he tau kupu Tohi Tapu ke moua e maamaaga mitaki ke he tagata he Tohi Tapu—ko e tau mena tutupu he hana moui, pihia foki hana mahani fakatagata, tau puhala, mo e aga. Oti mogoia, ti lata e tagata lauga ke feaki e mataulu lauga ne kotofa mo e fifili e tau kupu Tohi Tapu ke fakaaoga. Ko e tau kupu Tohi Tapu ne fakamaama e tau matapatu fakaakoaga ne matutaki atu ke he mataulu kua maeke ke fakaaoga. Ko e kakano he fakahagaao atu ai ke he tagata he Tohi Tapu ke fakakite ko e heigoa ka ako mai he hana a fakafifitakiaga. Ko e tau gahua fakamoli, malolo, fakatokolalo, mo e nakai fulukovi kua foaki e tau fakafifitakiaga mitaki ke muitua ki ai; ko e tau gahua nakai fakamoli pihia foki mo e tau mahani fakalialia kua eke ai mo tau hatakiaga malolo ke fuluhi mai e tau Kerisiano he puhala nakai lata. Kaeke ke kotofa age ke he matakainaga tane, kua lata e lauga nei ke foaki mo e tokaloto e tau tagata he Fale he Kautu. Kaeke ke age ke he matakainaga fifine e vala nei, kua lata ai ke foaki tuga ne fakakite ma e Kotofaaga Nu. 3.
*SETULU HE TOTOUAGA HE TOHI TAPU LAFI KI LUGA: Kua tohi e mena nei i loto he tau parakete (brackets) he matahiku he numera lologo ma e tau fahi tapu takitaha. Ke muitua ke he setulu nei, he totou ke kavi hogofulu e lau he fahitapu, to tolu ni e tau ka totou ai e Tohi Tapu katoa. Kua nakai fai vala he fakaholoaga he aoga po ke he liu fakamanatu kua fakave ke he setulu he totouaga lafi ki luga.
TOHI: Ma e falu fakailoaaga lafi ki luga mo e hatakiaga hagaao ke he fakatonutonuaga, taimi, tau liu fakamanatu, mo e tauteuteaga he tau kotofaaga, fakamolemole kia kikite ke he lau 3 he Our Kingdom Ministry ia Oketopa, 1996.
SETULU
Ianu. 5 Totouaga he Tohi Tapu: Gahua 7-8
Lologo Nu. 196 [*Kenese 1-9]
Nu. 1: Lomi mo e Taute he Tau Matakainaga Tukulele e Tau Tohi (jv lau 579 para. 4–lau 586 para. 4)
Nu. 2: Gahua 7:44-60
Nu. 3: Kia Omaoma Tumau ke he Pule Malolo Mua Ue Atu (kl lau 130-1 para. 1-6)
Nu. 4: Iehosafata (Nu. 3)—Mataulu: Puipui Mai he Tau Feoakiaga Kelea
Ianu. 12 Totouaga he Tohi Tapu: Gahua 9-10
Lologo Nu. 53 [*Kenese 10-18]
Nu. 1: Tupu Tolomaki he Mole e Felakutaki II he Lalolagi (jv lau 588 para. 1–lau 595 para. 5)
Nu. 2: Gahua 9:1-16
Nu. 3: Kia Omaoma ke he Tau Pule Malolo ne Mua (kl lau 131-3 para. 7-10)
Nu. 4: Iehu (Nu. 3)—Mataulu: Maeke e Fakamoliaga ke Fakakelea he Mahani Fakahanoa
Ianu. 19 Totouaga he Tohi Tapu: Gahua 11-13
Lologo Nu. 162 [*Kenese 19-24]
Nu. 1: Lagomatai he Tau Fakatokaaga Komopiuta ke Fakatolomaki e Tala Mitaki (jv lau 596 para. 1–lau 602 para. 3)
Nu. 2: Gahua 13:1-12
Nu. 3: Mailoga e Fakatokaaga he Atua ma e Pule Malolo i Loto he Magafaoa (kl lau 134-6 para. 11-18)
Nu. 4: Iefeta—Mataulu: Lata e Tau Omonuo ke Taute Fakamoli
Ianu. 26 Totouaga he Tohi Tapu: Gahua 14-16
Lologo Nu. 180 [*Kenese 25-30]
Nu. 1: Tau Tagata Fakailoa Makutu mo e Tau Tagata Tufatufa he Tohi Tapu (jv lau 603 para. 1–lau 607 para. 4)
Nu. 2: Gahua 16:1-15
Nu. 3: Pule Malolo i Loto he Fakapotopotoaga—Ko e Foakiaga Fakaalofa Mai ia Iehova (kl lau 137-9 para. 19-25)
Nu. 4: Ieremia (Nu. 6)—Mataulu: Foaki e Iehova e Malolo Lahi Ue Atu Mai he Mena Fahia ki Ai
Fepu. 2 Totouaga he Tohi Tapu: Gahua 17-19
Lologo Nu. 111 [*Kenese 31-36]
Nu. 1: Tauteaga he New World Translation (jv lau 607 para. 5–lau 615 para. 5)
Nu. 2: Gahua 18:1-11
Nu. 3: Puhala ne Lagomatai e Mahani Fakamoli ke he Fiafia he Fakamauaga (kl lau 140-1 para. 1-6)
Nu. 4: Ieropoamo (Nu. 1)—Mataulu: Maeke e Tutuliaga Lotokai ke Takitaki Atu ke he Tapuaki Tupua
Fepu. 9 Totouaga he Tohi Tapu: Gahua 20-21
Lologo Nu. 38 [*Kenese 37-42]
Nu. 1: Tivi mo e Hakahaka Mai i Loto (jv lau 618 para. 1–lau 623 para. 3)
Nu. 2: Gahua 21:1-14
Nu. 3: Ko e Matagahua Aoga Lahi he Matutakiaga i Loto he Fakamauaga (kl lau 142-3 para. 7-9)
Nu. 4: Iesua (Nu. 4)—Mataulu: Foaki e Lagomatai Katoatoa ke he Tapuakiaga Mea
Fepu. 16 Totouaga he Tohi Tapu: Gahua 22-24
Lologo Nu. 8 [*Kenese 43-49]
Nu. 1: Kua Ta Mai he Hikiaga he Fakatufono e Tau Kamakamata (jv lau 623 para. 4–lau 629 para. 3)
Nu. 2: Gahua 22:1-16
Nu. 3: Fakakite e Lilifu ke he Hau a Hoa (kl lau 143-4 para. 10-14)
Nu. 4: Iese—Mataulu: Kia Kauauloa mo e Moua e Mahani Fakamokoi
Fepu. 23 Totouaga he Tohi Tapu: Gahua 25-26
Lologo Nu. 179 [*Kenese 50–Esoto 1-7]
Nu. 1: Tau Hikihikiaga ke he Tau Kitekiteaga he Tau Taofiaga mo e Tau Amaamanakiaga (jv lau 629 para. 4–lau 633 para. 4)
Nu. 2: Gahua 25:1-12
Nu. 3: Fakatoka e Fakafifitakiaga Mitaki mo e Fakakite ke he fanau Hau e Fakaalofa (kl lau 145-6 para. 15-18)
Nu. 4: Ieteru—Mataulu: Kia Nakai ke Mua e Fakaikaluga ke Fanogonogo ke he Tau Manatu Fakakite
Mati 2 Totouaga he Tohi Tapu: Gahua 27-28
Lologo Nu. 92 [*Esoto 8-13]
Nu. 1: Gahua—Kakano ne Aoga Ai (si lau 204-5 para. 32-40)
Nu. 2: Gahua 27:33-44
Nu. 3: Ko e Mena ka Moua Mai he Akonaki Fakaalofa mo e Takitakiaga Lotomatala (kl lau 148-9 para. 19-23)
Nu. 4: Iesepela (Nu. 1)—Mataulu: To Nakai Hao e Tau Tagata Kelea Mai he Fakafiliaga a Iehova
Mati 9 Totouaga he Tohi Tapu: Roma 1-3
Lologo Nu. 79 [*Esoto 14-20]
Nu. 1: Fakamamaaga ke he Roma (si lau 205-6 para. 1-7)
Nu. 2: Roma 1:18-32
Nu. 3: Kakano ne Manako a Tautolu ke Fakatata Atu ke he Atua (kl lau 150-1 para. 1-5)
Nu. 4: Ioapo (Nu. 2)—Mataulu: Ko e ha Iehova ke Taui
Mati 16 Totouaga he Tohi Tapu: Roma 4-6
Lologo Nu. 174 [*Esoto 21-27]
Nu. 1: Tau Amanakiaga, Kitiaaga Moli, mo e Falu Matapatu Tala (jv lau 635 para. 1–lau 641 para. 3)
Nu. 2: Roma 4:1-15
Nu. 3: Tau Poakiaga ke Fakatata Atu ke he Atua (kl lau 152-3 para. 6-9)
Nu. 4: Ioana—Mataulu: Fekafekau Fakamakai ke he Tau Tagata Tapu he Atua
Mati 23 Totouaga he Tohi Tapu: Roma 7-9
Lologo Nu. 27 [*Esoto 28-33]
Nu. 1: “To Vihiatia Foki a Mutolu he Tau Motu Oti” (jv lau 642 para. 1–lau 646 para. 4)
Nu. 2: Roma 9:1-18
Nu. 3: Tutala ke he Atua mo e Kia Logona e Ia (kl lau 153-5 para. 10-14)
Nu. 4: Iopu—Mataulu: Ta Mai he Loto Fakamoli Mauokafua e Fiafia he Atua
Mati 30 Totouaga he Tohi Tapu: Roma 10-12
Lologo Nu. 70 [*Esoto 34-39]
Nu. 1: Kua Fakatapakupaku e Fakatupua he Tau Takitaki Lotu (jv lau 647 para. 1–lau 652 para. 1)
Nu. 2: Roma 10:1-15
Nu. 3: Kia Fakauka ke he Liogi mo e Fanogonogo (kl lau 156-9 para. 15-20)
Nu. 4: Iokapeta—Mataulu: Falanaki ki a Iehova mo e Taute e Mena ne Fahia kia Koe
Ape. 6 Totouaga he Tohi Tapu: Roma 13-16
Lologo Nu. 175 [*Esoto 40–Levitika 1-7]
Nu. 1: Roma—Kakano ne Aoga Ai (si lau 208-9 para. 20-5)
Nu. 2: Roma 13:1-10
Nu. 3: Moua e Haohao Moli ke he Tau Tagata he Atua (kl lau 160-1 para. 1-4)
Nu. 4: Iohanana (Nu. 5)—Mataulu: Muitua ke he Tomatomaaga a Iehova
Ape. 13 Totouaga he Tohi Tapu: 1 Korinito 1-3
Lologo Nu. 173 [*Levitika 8-13]
Nu. 1: Fakamaamaga ke he 1 Korinito (si lau 210-11 para. 1-7)
Nu. 2: 1 Korinito 1:10-25
Nu. 3: Puhala ne Foaki e Iehova e Tau Mena Kai Fakaagaga (kl lau 162-3 para. 5-8)
Nu. 4: Ioane (Nu. 1)—Kia Fakakatoatoa Hau a Feua Aki e Fakamakutuaga
Ape. 20 Totouaga he Tohi Tapu: 1 Korinito 4-6
Lologo Nu. 56 [*Levitika 14-19]
Nu. 1: Kua Kitia Maali e Fakaohoohoaga he Tau Akoako (jv lau 652 para. 2–lau 659 para. 1)
Nu. 2: 1 Korinito 4:1-13
Nu. 3: Ko e Kakano ke Ha ai e Fakaalofa (kl lau 163-6 para. 9-14)
Nu. 4: Ioane (Nu. 3)—Mataulu: Kia Fakamoli Mau ke he Atua mo e Ofania Hau Tau Matakainaga
Ape. 27 Liu Fakamanatu. Lauia Katoa e Gahua 7-28; Roma 1-16–1 Korinito 1-6
Lologo Nu. 91 [*Levitika 20-25]
Me 4 Totouaga he Tohi Tapu: 1 Korinito 7-9
Lologo Nu. 29 [*Levitika 26-27–Numera 1-3]
Nu. 1: Kua Totoko e Tau Akoako mo Hitler ke he Tau Fekafekau ha Iehova (jv lau 659 para. 2–lau 665 para. 1)
Nu. 2: 1 Korinito 7:10-24
Nu. 3: Ko e Fakapotopotoaga—Ko e Nofoaga Haohao Mitaki (kl lau 167-9 para. 15-20)
Nu. 4: Iona (Nu. 1)—Mataulu: Fakakatoatoa Hau a Tau Matafekau ne Atu he Atua
Me 11 Totouaga he Tohi Tapu: 1 Korinito 10-12
Lologo Nu. 103 [*Numera 4-9]
Nu. 1: Totoko e Lalolagi Katoa ke Foaki e Fakamoliaga Katoatoa ki a Iehova (jv lau 666 para. 1–lau 673 para. 1)
Nu. 2: 1 Korinito 11:1-16
Nu. 3: Fifitaki a Iesu—Fekafekau Tukulagi ke he Atua (kl lau 170-1 para. 1-6)
Nu. 4: Ionatana (Nu. 1)—Mataulu: Kia Fakaeneene Mai he Mahani Fulukovi
Me 18 Totouaga he Tohi Tapu: 1 Korinito 13-14
Lologo Nu. 160 [*Numera 10-15]
Nu. 1: Fakavihia ha ko e “Nakai ko e Tau Tagata he Lalolagi” (jv lau 673 para. 2–lau 677 para. 3)
Nu. 2: 1 Korinito 14:1-12
Nu. 3: Tau Lakaaga Aoga Lahi ne Takitaki Atu ke he Moui (kl lau 173-5 para. 7-9)
Nu. 4: Ionatana (Nu. 2)—Mataulu: Ko e Kapitiga Moli na Nakai Fulukovi mo e kua Fakamoli
Me 25 Totouaga he Tohi Tapu: 1 Korinito 15-16
Lologo Nu. 158 [*Numera 16-22]
Nu. 1: 1 Korinito—Kakano ne Aoga Ai (si lau 213-14 para. 23-6)
Nu. 2: 1 Korinito 16:1-13
Nu. 3: Kakano ne kua Lata ke Papatiso (kl lau 175-6 para. 10-12)
Nu. 4: Iosefa (Nu. 1)—Mataulu: Fakatata e Tau Mahani he Tagata Fakaagaga
Iuni 1 Totouaga he Tohi Tapu: 2 Korinito 1-4
Lologo Nu. 58 [*Numera 23-29]
Nu. 1: Fakamaamaaga ke he 2 Korinito (si lau 214 para. 1-4)
Nu. 2: 2 Korinito 4:1-12
Nu. 3: Papatiso—Ko e Fakaholoaga Mua Atu e Aoga he Hau a Moui (kl lau 176-7 para. 13-16)
Nu. 4: Iosefa (Nu. 8)—Mataulu: Kia Omaoma mo e Tututonu
Iuni 8 Totouaga he Tohi Tapu: 2 Korinito 5-8
Lologo Nu. 193 [*Numera 30-35]
Nu. 1: Puipui mo e Taute Fakamatafakatufono e Tala Mitaki (jv lau 678 para. 1–lau 683 para. 4)
Nu. 2: 2 Korinito 7:1-13
Nu. 3: Ko e Kakano ke Tumau ke he Hau a Tukuleleaga mo e Papatisoaga (kl lau 178-80 para. 17-22)
Nu. 4: Iosefa (Nu. 9)—Mataulu: Aua Neke Toka Noa e Tau Faoa Tino
Iuni 15 Totouaga he Tohi Tapu: 2 Korinito 9-13
Lologo Nu. 43 [*Numera 36–Teutaronome 1-4]
Nu. 1: 2 Korinito—Kakano ne Aoga Ai (si lau 216-17 para. 18-20)
Nu. 2: 2 Korinito 10:1-12
Nu. 3: Mautauteute he Mogonei ma e “Moui Moli” (kl lau 181-2 para. 1-5)
Nu. 4: Iosefa (Nu. 10)—Mataulu: Kia Fakamalolo mo e Kautu Mai he Matakutaku
Iuni 22 Totouaga he Tohi Tapu: Kalatia 1-3
Lologo Nu. 127 [*Teutaronome 5-11]
Nu. 1: Fakamaamaaga ke he Kalatia (si lau 217-18 para. 1-6)
Nu. 2: Kalatia 1:1-12
Nu. 3: Ka Mole a Amaketo—Ko e Lalolagi Parataiso (kl lau 182-4 para. 6-11)
Nu. 4: Iosua (Nu. 1)—Mataulu: Aua Neke Mahalohalo ke he Tau Maveheaga a Iehova
Iuni 29 Totouaga he Tohi Tapu: Kalatia 4-6
Lologo Nu. 98 [*Teutaronome 12-19]
Nu. 1: Kalatia—Kakano ne Aoga Ai (si lau 219-20 para. 14-18)
Nu. 2: Kalatia 6:1-18
Nu. 3: Ha Ha e Mafola he Tau Mena Oti mo e Liu Tu Mai he Tau Tagata Mamate (kl lau 184-7 para. 12-18)
Nu. 4: Iosia (Nu. 1)—Mataulu: Kia Fakamea Mai he Tapuaki Tupua
Iulai 6 Totouaga he Tohi Tapu: Efeso 1-3
Lologo Nu. 71 [*Teutaronome 20-27]
Nu. 1: Fakamaamaaga ke he Efeso (si lau 220-1 para. 1-8)
Nu. 2: Efeso 1:1-14
Nu. 3: Ko e Kakano he Mitaki Katoatoa, mo e Puhala ke Olioli a Tautolu ki Ai (kl lau 187-91 para. 19-25)
Nu. 4: Iotama (Nu. 3)—Mataulu: Ako Mai he Tau Hepe he Falu
Iulai 13 Totouaga he Tohi Tapu: Efeso 4-6
Lologo Nu. 214 [*Teutaronome 28-32]
Nu. 1: Efeso—Kakano ne Aoga Ai (si lau 222-3 para. 16-19)
Nu. 2: Efeso 6:1-13
Nu. 3: Iuta (Nu. 1)—Mataulu: Tau Mahani ne Fakamonuina e Iehova
Nu. 4: Kua Ha Ha e Magafaoa he Tuaga Matematekelea (fy lau 1-9 para. 1-14)
Iulai 20 Totouaga he Tohi Tapu: Filipi 1-4
Lologo Nu. 123 [*Teutaronome 33-34–Iosua 1-6]
Nu. 1: Fakamaamaaga ke he Filipi mo e Kakano ne Aoga Ai (si lau 223-4 para. 1-7; lau 225 para. 12-14)
Nu. 2: Filipi 1:1-14
Nu. 3: Ko e Mena Galo he Fiafia he Magafaoa (fy lau 10-12 para. 15-23)
Nu. 4: Iuta (Nu. 4)—Mataulu: Na Nakai Fakatoka Tuai a Tautolu
Iulai 27 Totouaga Tohi Tapu: Kolose 1-4
Lologo Nu. 64 [*Iosua 7-12]
Nu. 1: Fakamaamaaga ke he Kolose mo e Kakano ne Aoga Ai (si lau 226 para. 1-5; lau 228 para. 12-14)
Nu. 2: Kolose 4:1-13
Nu. 3: Iuta (Nu. 5; kikite foki e tohi a Iuta)—Mataulu: Maeke e Tau Tagata ke Hiki
Nu. 4: Kua Mau Amaamanaki Nakai a Koe ma e Fakamauaga? (fy lau 13-15 para. 1-6)
Ao. 3 Totouaga he Tohi Tapu: 1 Tesalonia 1-5
Lologo Nu. 35 [*Iosua 13-19]
Nu. 1: Fakamaamaaga ke he 1 Tesalonia mo e Kakano ne Aoga Ai (si lau 229 para. 1-5; lau 231 para. 13-15
Nu. 2: 1 Tesalonia 2:1-12
Nu. 3: Kakano kua Lata ke Iloa e Koe a Koe mo e Moli e Onoonoaga (fy lau 16-18 para. 7-10)
Nu. 4: Iuta—Mataulu: Kia Fakalatalata—Aua Neke Kumi e Tuaga Mahuiga
Ao. 10 Totouaga he Tohi Tapu: 2 Tesalonia 1-3
Lologo Nu. 10 [*Iosua 20-24–Tau Fakafili 1]
Nu. 1: Fakamaamaaga ke he 2 Tesalonia mo e Kakano ne Aoga Ai (si lau 232 para. 1-4; lau 233 para. 10-11)
Nu. 2: 2 Tesalonia 1:1-12
Nu. 3: Kora (Nu. 3)—Mataulu: Aua Neke Mahala ke he Mahekeheke
Nu. 4: Ko e Heigoa ka Kumi ki Ai he Hoa (fy lau 20-22 para. 11-15)
Ao. 17 Totouaga he Tohi Tapu: 1 Timoteo 1-3
Lologo Nu. 221 [*Tau Fakafili 2-7]
Nu. 1: Fakamaamaaga ke he 1 Timoteo (si lau 234 para. 1-6)
Nu. 2: 1 Timoteo 1:3-16
Nu. 3: Tau Mena ne Kumikumi ki ai Ato Taute e Tau Matutakiaga Tukulagi (fy lau 22-4 para. 16-19)
Nu. 4: Lapana (Nu. 1)—Mataulu: Kia Fakamoli he Hau a Fakafehagaiaga mo e Falu
Ao. 24 Totouaga he Tohi Tapu: 1 Timoteo 4-6
Lologo Nu. 30 [*Tau Fakafili 8-13]
Nu. 1: 1 Timoteo—Kakano ne Aoga Ai (si lau 236-7 para. 15-19)
Nu. 2: 1 Timoteo 4:1-16
Nu. 3: Lameko (Nu. 1)—Mataulu: Fakalagalaga he Mahani Vale e Mahani Vale
Nu. 4: Leveki e Fakamahaniaga Hau ke Lilifu, mo e Onoono Atu ki Mua he Aho he Fakamauaga (fy lau 24-6 para. 20-3)
Ao. 31 Liu Fakamanatu. Lauia Katoa e 1 Korinito 7-16; 2Ko 1-13; Kal 1-6; Efe 1-6; Flp 1-4; Kol 1-4; 1Te 1-5; 2Te 1-3–1 Timoteo 1-6
Lologo Nu. 59 [*Tau Fakafili 14-19]
Sepe. 7 Totouaga he Tohi Tapu: 2 Timoteo 1-4
Lologo Nu. 46 [*Tau Fakafili 20-21–Ruta 1-4]
Nu. 1: Fakamaamaaga ke he 2 Timoteo mo e Kakano ne Aoga Ai (si lau 237-8 para. 1-4; lau 238-9 para. 10-12)
Nu. 2: 2 Timoteo 3:1-13
Nu. 3: Tau Matapatu Fakaakoaga ka Lagomatai a Koe ke Tauteute ma e Kautuaga he Fakamauaga (fy lau 26 puha fakamanatu)
Nu. 4: Lasaro (Nu. 1)—Mataulu: Takitaki Atu e Fakamokoi ke he Tau Monuina
Sepe. 14 Totouaga he Tohi Tapu: Tito 1-3–Filemoni 1-25
Lologo Nu. 155 [*1 Samuel 1-8]
Nu. 1: Fakamaamaaga ke he Tito mo Filemoni mo e Kakano ne Aoga Ai (si lau 239-41 para. 1-4, 8-10; lau 241-3 para. 1-4, 7-10)
Nu. 2: Tito 3:1-14
Nu. 3: Lea—Mataulu: Ko e Kitekiteaga Faka-Tohiaga Tapu he Vihiatia
Nu. 4: Ko e Kei Fakamua ke he Fakamauaga Mau Tumau (fy lau 27-9 para. 1-6)
Sepe. 21 Totouaga he Tohi Tapu: Heperu 1-3
Lologo Nu. 149 [*1 Samuela 9-14]
Nu. 1: Fakamaamaaga ke he Heperu (si lau 243-4 para. 1-9)
Nu. 2: Heperu 3:1-15
Nu. 3: Ko e Kei ke Ua Aki ke he Fakamauaga Mau Tumau (fy lau 30-1 para. 7-10)
Nu. 4: Levi (Nu. 1)—Mataulu: Ta Mai he Ita Kelea e Fakama
Sepe. 28 Totouaga he Tohi Tapu: Heperu 4-7
Lologo Nu. 3 [*1 Samuela 15-19]
Nu. 1: Tau ke he Fakatufono ma e Tokanoaaga he Tapuakiaga (jv lau 684 para. 1–lau 693 para. 1)
Nu. 2: Heperu 6:1-12
Nu. 3: Loi—Mataulu: Fakalataha Hau a Tua mo Lautolu he Magafaoa
Nu. 4: Kua Lata e Ulu Pule he Tagata Tane ke Tuga he Keriso (fy lau 31-3 para. 11-15)
Oke. 5 Totouaga he Tohi Tapu: Heperu 8-10
Lologo Nu. 209 [*1 Samuela 20-25]
Nu. 1: Fekafekau mo e Nakai Matakutaku mo e Kaufakalataha ki a Iehova Pete Ni ko e Totokoaga (jv lau 693 para. 2–lau 699 para. 4)
Nu. 2: Heperu 8:1-12
Nu. 3: Puhala ke Lagomatai he Hoana Hana Tane (fy lau 34-5 para. 16-19)
Nu. 4: Lota, II—Mataulu: Haia he Lalolagi ka e Nakai Fai Vala ki Ai
Oke. 12 Totouaga he Tohi Tapu: Heperu 11-13
Lologo Nu. 108 [*1 Samuela 26-31–2 Samuela 1-2]
Nu. 1: Heperu—Kakano ne Aoga Ai (si lau 247 para. 23-7)
Nu. 2: Heperu 11:1-10
Nu. 3: Luka—Mataulu: Kia Eke mo Tagata Gahua mo e Tua Fakamoli
Nu. 4: Ko e Kakano Moli he Matutakiaga Mitaki (fy lau 35-8 para. 20-6)
Oke. 19 Totouaga he Tohi Tapu: Iakopo 1-5
Lologo Nu. 144 [*2 Samuela 3-10]
Nu. 1: Fakamaamaaga ke he Iakopo mo e Kakano ne Aoga Ai (si lau 248-9 para. 1-7; lau 250 para. 15-17)
Nu. 2: Iakopo 5:1-12
Nu. 3: Tau Matapatu Fakaakoaga Tohi Tapu ke Lagomatai a Koe ke Olioli e Fakamauaga Fiafia mo e Tukulagi (fy lau 38 puha fakamanatu)
Nu. 4: Litia—Mataulu: Kua Loto Fakaaue ke he Fakamokoi Moli
Oke. 26 Totouaga he Tohi Tapu: 1 Peteru 1-5
Lologo Nu. 54 [*2 Samuela 11-15]
Nu. 1: Fakamaamaaga ke he 1 Peteru mo e Kakano ne Aoga Ai (si lau 251-2 para. 1-5; lau 253 para. 11-13)
Nu. 2: 1 Peteru 4:1-11
Nu. 3: Maala (Nu. 1)—Mataulu: Nukua Tututonu a Iehova
Nu. 4: Moui i Loto he Hau a Tau Puhala Moua (fy lau 39-41 para. 1-6)
Nove. 2 Totouaga he Tohi Tapu: 2 Peteru 1-3
Lologo Nu. 177 [*2 Samuela 16-20]
Nu. 1: Fakamaamaaga ke he 2 Peteru mo e Kakano ne Aoga Ai (si lau 254 para. 1-3; lau 255 para. 8-10)
Nu. 2: 2 Peteru 3:1-13
Nu. 3: Ko e Levekiaga he Kaina ko e Matagahua he Magafaoa (fy lau 42-4 para. 7-11)
Nu. 4: Manase (Nu. 4)—Mataulu: Kua Mua Ue Atu e Fakaalofa Hofihofi a Iehova
Nove. 9 Totouaga he Tohi Tapu: 1 Ioane 1-5
Lologo Nu. 114 [*2 Samuela 21-24–1 Tau Patuiki 1]
Nu. 1: Fakamaamaaga ke he 1 Ioane mo e Kakano ne Aoga Ai (si lau 256-7 para. 1-5; lau 258 para. 11-13)
Nu. 2: 1 Ioane 5:1-12
Nu. 3: Manoa—Mataulu: Kia Mautali ke Fakatatai Atu ke he Fingalo he Atua
Nu. 4: Kakano ne Manako a Iehova ke Mea a Tautolu (fy lau 45-9 para. 12-20)
Nove. 16 Totouaga he Tohi Tapu: 2 Ioane 1-13; 3Io 1-14–Iuta 1-25
Lologo Nu. 22 [*1 Tau Patuiki 2-6]
Nu. 1: Fakamaamaaga ke he 2 Ioane, 3 Ioane, mo Iuta mo e Kakano ne Aoga Ai (si lau 259 para. 1-3, 5; lau 260-1 para. 1-3, 5; lau 261-3 para. 1-4, 8-10)
Nu. 2: 2 Ioane 1:1-13
Nu. 3: Ko e Mena ne Maeke he Nava mo e Fakaaue Moli ke Taute ma e Magafaoa (fy lau 49-50 para. 21-2)
Nu. 4: Mareko, I—Mataulu: Aua Neke Manamanatu ke he Tau Mena Uka ne kua Mole
Nove. 23 Totouaga he Tohi Tapu: Fakakiteaga 1-3
Lologo Nu. 195 [*1 Tau Patuiki 7-10]
Nu. 1: Fakamaamaaga ke he Fakakiteaga (si lau 263-4 para. 1-6)
Nu. 2: Fakakiteaga 3:1-11
Nu. 3: Mareta—Mataulu: Kua Loto Fakaaue ke he Fakamokoi Fakaalofa
Nu. 4: Ko e Kitekiteaga he Tohi Tapu ke he Matagahua he Fanau mo e Magafaoa (fy lau 51-2 para. 1-5)
Nove. 30 Totouaga he Tohi Tapu: Fakakiteaga 4-6
Lologo Nu. 203 [*1 Tau Patuiki 11-15]
Nu. 1: Taha e Lotu Moli, kua Fifili he Atua (jv lau 704 para. 1–lau 706 para. 4)
Nu. 2: Fakakiteaga 5:1-12
Nu. 3: Kakano he Fakapuke e Tau Manako he Tama Hau (fy lau 53-5 para. 6-9)
Nu. 4: Maria (Nu. 1)—Mataulu: Ta Mai he Tua mo e Fakamoliaga e Tau Palepale
Tese. 7 Totouaga he Tohi Tapu: Fakakiteaga 7-9
Lologo Nu. 200 [*1 Tau Patuiki 16-20]
Nu. 1: Fakamonuina e Iehova a Lautolu ne Fakagahua e Kupu Moli he Lalu Tau Momoui (jv lau 707 para. 1–lau 709 para. 5)
Nu. 2: Fakakiteaga 8:1-13
Nu. 3: Maria (Nu. 2)—Mataulu: Taute e Tuaga Fakaagaga mo Hau a Fiafiaaga ne Mua
Nu. 4: Fakaako Tumau e Kupu Moli ke he Tama Hau (fy lau 55-7 para. 10-15)
Tese. 14 Totouaga he Tohi Tapu: Fakakiteaga 10-12
Lologo Nu. 137 [*1 Tau Patuiki 21-22–2 Tau Patuiki 1-3]
Nu. 1: Ko e Fakamailoga Maaliali ne Fakakite Aki e Tau Tutaki Moli ha Iesu (jv lau 710 para. 1–lau 712 para. 3)
Nu. 2: Fakakiteaga 10:1-11
Nu. 3: Fakaaako Hau a Fanau ke he Tau Puhala a Iehova (fy lau 58-9 para. 16-19)
Nu. 4: Maria (Nu. 3)—Mataulu: Kia Loto Fakaaue ke he Mena ne Taute e Iehova mo Iesu ma Hau
Tese. 21 Totouaga he Tohi Tapu: Fakakiteaga 13-15
Lologo Nu. 60 [*2 Tau Patuiki 4-9]
Nu. 1: Kua Lata Oti e Tau Fekafekau Moli he Atua ke Mataala (jv lau 713 para. 1–lau 716 para. 4)
Nu. 2: Fakakiteaga 13:1-15
Nu. 3: Maria (Nu. 4)—Mataulu: Kia Fakatumau ke he Hau a Fakamoliaga
Nu. 4: Ko e Aoga Lahi ke Akonaki he Tau Puhala Kehekehe (fy lau 59-60 para. 20-3)
Tese. 28 Liu Fakamanatu. Lauia Katoa e 2 Timoteo 1-4; Tit 1-3; Flm 1-25; He 1-13; Ia 1-5; 1Pe 1-5; 2Pe 1-3; 1Io 1-5; 2Io 1-13; 3Io 1-14; Iu 1-25–Fakakiteaga 15
Lologo Nu. 212 [*2 Tau Patuiki 10-15]