Setulu he Tau Feleveiaaga Fekafekau

Fahi Tapu Kamata ia Ianuari 8

Lologo 29

10 minu: Tau fakailoaaga he matakavi. Ti fifili e falu a Tau Fakailoaaga he Ha Tautolu a Fekafekauaga he Kautu.

15 min: “Kia Kikila Atu Pihia ha Mutolu a Maama.”a Tapaki e tau manatu mai he Iuni 1, 1997, Kolo Toko, lau 26-27, paratafa 12-13. Fakamafana oti ke fakamakaukau mo e fakaaoga e tau magaaho ke fakamatala tumau.

20 minu: Maeke Ia Koe ke Kumi e tau Fakafiafiaaga kua Aoga. Tutala auloa e magafaoa he tomatomaaga mai he Me 22, 1997, Awake! Kua maligaliga e loto he matua tane hagaao ke he tau fakafiafiaaga he magafaoa. He liu fatiaki fakaku ke he “Heigoa kua Tupu ke he tau Fakafiafiaaga?” (lau 4-7), ne onoono a lautolu ke he tau faga fakafiafiaaga kehekehe kua tonu mo e aoga. Kikite e tohi Our Ministry ke he lau 131-2, he mataulu “Tau Fakafiafiaaga,” mo e lau 135-6, he mataulu “Kia Eke e tau Mena Oti Kana ke Fakaheke Ai ke he Atua.” Peehi ko e matagahua he tau mamatua ke leveki ai mo e he magafaoa katoa ke gahua auloa ke aoga oti e faoa he kaina.

Lologo 1 mo e liogi fakaoti.

Fahi Tapu Kamata ia Ianuari 15

Lologo 51

10 minu: Tau fakailoaaga he matakavi. Fakailoa he tupe.

15 min: Tau mena kua lata mo e fakapotopotoaga.

20 minu: Kumikumi Nakai e Koe e Tohi Tapu he tau Aho Tumau? Lauga ti fakatutalaaki e falu. Kikite e Ianuari 1, 1997, Kolo Toko, lau 13-15, paratafa 12-14, e aoga he fakatutala e kupu Tohi he aho auloa mo e magafaoa. Kia fakatutalaaki a lautolu he magafaoa, ti liu manamanatu takitaha a lautolu ke he kupu Tohi he aho ne lagomatai ai a lautolu mo e foaki e puhala ne lagomatai ai. Peehi e lataaga he mena nei ke eke mo fakaholoaga tumau ke fakaako e magafaoa, ha ne talaga ke fakamalolo e tau magafaoa ha tautolu mo e fakatumau e hakahakau he magafaoa ke he fekafekauaga.

Lologo 67 mo e liogi fakaoti.

Fahi Tapu Kamata ia Ianuari 22

Lologo 90

7 minu: Tau fakailoaaga he matakavi.

18 minu: Puhala ke Tauteute e tau Fakafeleveia. Lauga mo e tau fakatata. Kikite e tau matapatu manatu he tohi Reasoning, lau 9. Fakakite e puhala ke fifili e tautolu e tau fakafeleveia ne lau mitaki mo e aga ha tautolu, mahani, mo e fonua. Liu kikite e tau fakafeleveia fakataitai ne maeke ke fakaaoga mo e porosua Manako, ti fakatata e taha po ke ua. (Kikite e Aperila 1997 Our Kingdom Ministry, lau 8.) Fakamafana oti ke fakaaoga fakamitaki e tau puhala ne fakatoka mai he tohi Reasoning, mo e Ha Tautolu a Fekafekauaga he Kautu he hakahakau he fekafekauaga ha lautolu.

20 minu: “Eke mo Tagata Fanogonogo Mitaki.” Lauga ti fakatutala auloa. Fakaaoga e falu manatu he School Guidebook, lau 27-8, paratafa 15-17. Ko e kamatamata mitaki he tau mahani fanogonogo ha tautolu ka kitia he mogo ka liu ke manamanatu. Uiina e fakapotopotoaga ke liu la talahau e falu matapatu manatu ne fakaaoga he Aoga Fekafekau Fakateokarasi he po nei.

Lologo 96 mo e liogi fakaoti.

Fahi Tapu Kamata ia Ianuari 29

Lologo 139

10 minu: Tau fakailoaaga he matakavi. Fakamanatu oti e tau tagata fakamatala ke tuku e tau hokotaki he fonua ki a Ianuari. Fakailoa e tohi foaki ma Fepuari, pihia mo e tau tohi he koloa he fakapotopotoaga.

15 min: Lauga ke ati hake e amaamanakiaga ma e fakaakoaga he tohi he fakapotopotoaga Ko e Mena Galo he Fiafia he Magafaoa. Tutala fakaku e kakano ne ha ai e moumouaga he magafaoa he vaha nei. (Kikite Oketopa 15, 1992, Watchtower, lau 4-7.) Kikite e tau mataulu tala he lau 3. Fakakite e puha fakaako kua aoga he fakahikuaga he tau veveheaga takitaha. Fakamafana e tau fuata ke fakamalolo ke tali hake tumau he fakaako fakafahitapu e tohi. Kia fakalataha tumau, ha kua fiafia oti ke ako fakalahi e puhala ke moua e fakamonuinaaga he magafaoa.

20 minu: “Tau Mamatua​—Feaki Hake e tau Mahani Aoga he tau Fanau ha Mutolu.” Lauga ti fakatutalaaki e tau mamatua he tau fanau ne hagahaga mitaki e tuaga fakaagaga. Ti matutaki ai e tau mamatua ke he tau gahua mitaki ne taute e lautolu ke fakagahuahua e tau fanau ha lautolu fakalataha he fekafekauaga. Ka fai magaaho, kia fakaaoga e falu puhala he tohi Fiafia he Magafaoa, lau 55-9.

Lologo 149 mo e liogi fakaoti.

Fahi Tapu Kamata ia Fepuari 5

Lologo 168

7 minu: Tau fakailoaaga he matakavi.

13 minu: “Kia Fekafekau mo e Fiafia.”b Fakakite e mena ne lafi ke he fiafia ha tautolu he gahua he Atua, ne folafola mai he tohi Insight, Volume 2, lau 120, paratafa 6-8.

25 minu: Tau Fakatokaaga Fakaalofa ma e Levekiaga ha Tautolu. Lauga he motua, ke fakave ke he tohi ia Tesemo 1, 2000, pihia mo e fakatokaaga mai he Sosaiete. Fakailoa ko e puhala mitaki ke puipui aki a tautolu he ha matafakatufono ke he fagaiaga toto ne fakamamao lahi mo tautolu ka moua he fakapuke e tau lautohi tolu e katoa, haia, ko e lau Advance Medical Directive/Release, ko e tau lautohi Health-Care Directive mo e Enduring Power of Attorney (EPA) he Sosaiete. Kua foaki ke he tau tagata fakamatala papatiso e tau lau Advance Medical Directive/Release ka oti e feleveiaaga he po nei, ka e NAKAI lata ke fakapuke he po nei. Ke fakamailoga, fakamoli, mo e fakamau e aho he tau lau oti ka taute he tapu ka hau he fakahikuaga he Fakaakoaga Tohi he Fakapotopotoaga, ke lagomatai he tau takitaki tohi. Ko lautolu ka fakamailoga ha ko e tau fakamoli ka lata ke kitekite e tagata ne tohi e lau. Ko e tau lautohi Questions & Answers about the Health-Care Directive and the Enduring Power of Attorney kua lata ke totou fakatekiteki to fakapuke e tau lau Health-Care Directive mo e tau lautohi EPA kaeke nakala fakapuke he tau tagata fakamatala e tau lau ia. Ko e tau takitaki tohi kua lata ke fakakia a lautolu oti he kau totou ha lautolu kua moua e lagomatai ne lata ke fakapuke e lau Advance Medical Directive/Release, e Health-Care Directive mo e lautohi EPA. To moua he tau mamatua e tau Identity Cards ma e tau fanau ka oti e feleveiaaga he po nei. Kia tohi kehe he tau tagata fakamatala nakala papatiso e tau levekiaga ha lautolu mo e tau fanau ha lautolu, ke tapaki hifo e tau manatu mai he tau lautohi na ne talahau hagaao ke he tuaga mo e talitonu ha lautolu.

Lologo 190 mo e liogi fakaoti.

[Tau Matahui Tala]