Setulu he Tau Feleveiaaga Fekafekau

Fahi Tapu Kamata ia Mati 12

Lologo 112

10 minu: Tau fakailoaaga he matakavi. Ti fifili e falu a Tau Fakailoaaga he Ha Tautolu a Fekafekauaga he Kautu.

15 min: Tau mena kua lata mo e fakapotopotoaga.

20 minu: “Aperila​—Magaaho ke ‘Gahua Malolo mo e Fakamakutu a Tautolu.’” (Paratafa 1-​13) Ke taute he fekafekau leveki. Fakatutala fakaalaala he foliaga ha tautolu ke taute he mahina ia Aperila. Kia fakamafana oti he fakapotopotoaga ke kaufakalataha mo e gahua 100 pasene he fekafekauaga ke he mahina ia.

Lologo 147 mo e liogi fakaoti.

Fahi Tapu Kamata ia Mati 19

Lologo 166

8 minu: Tau fakailoaaga he matakavi. Fakailoaaga he tupe.

17 minu: Kia Fakaaoga Fakamitaki e 2001 Yearbook. Lauga mo e tutala auloa. Talahau mai e “Katoatoa Mua Atu he 2000,” he lau 31. Matutaki ke he “Tohi Mai he Kau Fakatufono,” he lau 3-5. Fifili atu e falu ke talahau taha fakailoaaga po ke talahauaga he Yearbook fou ne logona pauaki kua mafanatia mo e fakamalolo e tua ha lautolu. Fakamafana ke he tau magafaoa ke totou auloa e Yearbook katoatoa, tuga ni fa mahani he magafaoa Peteli he tau. Fakakia e tau huhu he lau 255, mo e liu fatiaki e tau mena kua totou. Ui atu ke talahau e falu puhala ke fakaaoga e Yearbook mo e lagomatai e tau tagata fakaako Tohi Tapu ke iloa mitaki e fakatokatokaaga a Iehova mo e fakaaue he kaufakalataha i ai.

20 minu: “Aperila​—Magaaho ke ‘Gahua Malolo mo e Fakamakutu a Tautolu.’” (Paratafa 14-​30) Ke taute he fekafekau leveki. Lauga mo e fetaliaki e tau vala ne fifili. Lata oti ke taute e setulu ke fakalataha fakalahi he fekafekauaga ia Aperila. Talahau e setulu katoatoa taute ke fakalataha ke he fonua ia Aperila. Fakamafana atu ki a lautolu ne maeke ke paionia fakaku ke tuku e lau ole ka oti e feleveiaaga.

Lologo 188 mo e liogi fakaoti.

Fahi Tapu Kamata ia Mati 26

Lologo 204

10 minu: Tau fakailoaaga he matakavi. Fakailoa kua nakala tomule ke hu he paionia fakaku ke he mahina ia Aperila. Fakamafana oti ke muitua ke he totouaga he Tohi Tapu he Fakamanatuaga ia Aperila 3-8, ha i ai he Examining the Scriptures Daily​—2001. Fakailoa e magaaho ka fakahoko e Fakaakoaga Kolo Toko he fahitapu he Fakamanatuaga. Aua nimo e lauga pauaki he Aho Tapu, Aperila 1, ko e mataulu “Ko Hai ka Fakahao?” Fakamalolo oti ke gahua fakalataha ke he fekafekauaga he aho taha ia, ti kamata fakamitaki ai e mahina Aperila.

20 minu: “Kia Fakalilifu Oti e Tautolu a Iehova mo e Tama Hana.” Lauga fakave ke he Tohi Tapu taute he motua. Fakamafana oti ke fakamakaukau mo e fakalataha fakalahi he tau gahua pauaki ke he mahina Aperila mo e kaki ke uiina e tau tagata ke he Fakamanatuaga.

15 min: Tauteute ha Tautolu a Fakataiaga he tau Mekasini. Ko e Kolo Toko mo e Awake! ka foaki e tautolu ia Aperila. Kikite e lau 8, paratafa 3 mo e 10, he Oketopa 1996 Our Kingdom Ministry. Kikite ke taha (1) e vala tala, (2) e mena tonu ke fakatutala, (3) e huhu ke fakaohooho e manamanatuaga, mo e (4) kupu Tohi ne lauia mitaki ke fakaaoga he folafola atu e tau mekasini fou. Kia fakamakau mo e fakaaoga e porosua Manako po ke tohi Iloilo ke tamata e tau fakaakoaga he Tohi Tapu mo e tau tagata ne talia. Ti fakahiku mo e fakataiaga ke he puhala ke taute e mena nai he mogo ne aahi atu fakapa.

Lologo 207 mo e liogi fakaoti.

Fahi Tapu Kamata ia Aperila 2

Lologo 220

9 minu: Tau fakailoaaga he matakavi. Fakamanatu e tau tagata fakamatala ke tuku e tau hokotaki gahua fonua ke he mahina Mati. Kia kikite e “Tau Fakamanatu ke he Fakamanatuaga.”

18 minu: “Ko e Mahani Fakaalofa ne Fakaohooho a Tautolu ke Fakamatala.”a Fakaaoga mai e tau matakupu Tohi he tala. Lafi ki ai e tau manatu he Insight, Volume 2, lau 673, paratafa 1. Uiina hake e tagata fakamatala nukua leva e tau tau he makaukau mo e talahau hana a fakaalofa ke he Atua ha ne fakaohooho ai a ia ke fakauka he gahua fakamatala. Fakamalolo e tau tagata fakamatala oti ke fakalataha he gahua fakamatala ke he mahina Aperila mo e hagaaki ke he tau mahina i mua.

18 minu: “Lagomatai e tau Tagata ke Fakalataha he tau Feleveiaaga.”b Ne lafi foki mai he vala uho he Our Kingdom Ministry ma Iuni 1996, paratafa 14-​16, e falu puhala ke taki e tau tagata fakaako Tohi Tapu mo tautolu ke he fakatokatokaaga. Fakakite e puhala, mai he kamataaga, ke fakaaoga e porosua Manako (fakaakoaga 5, paratafa 7) mo e tohi Iloilo (veveheaga 5, paratafa 22) ke lagomatai ai ke fakalataha he tau feleveiaaga. Ke fakakite e puhala nai, taute he tagata fakamatala ne mahani mo e tauteaga nei e fakataiaga mafanatia ke he tagata ne fakaako ke manamanatu hifo fakahokulo a ia mo e finatu ke he tau feleveiaaga.

Lologo 47 mo e liogi fakaoti.

[Tau Matahui Tala]