Setulu he Tau Feleveiaaga Fekafekau

Fahi Tapu Kamata ia Tesemo 12

Lologo 3 (32)

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakaaoga e tau manatu he lau 8 (ka felauaki ma e fonua ha mutolu) ke fakatata e puhala ke foaki e Watchtower, Tesemo 15 mo e Awake!, Tesemo 22. Ko e falu fakataitaiaga moli kua maeke ke fakaaoga. He mole e tau fakatataaga takitaha, talahau e puhala nukua mukamuka ke putoia e kupu tohi he fakataitaiaga.

15 min: “Ko e Aoga Ka Lagomatai a Tautolu ke Fakagahua Fakamitaki.” Lauga he leveki aoga. Putoia e tau talahauaga mai he uho he Ha Tautolu a Fekafekauaga he Kautu ia Oketopa 2005.

20 minu: “‘Fakaakoaga ne Takitaki ke he Moui’.”a Fakatoka tuai ke taha po ke tokoua ke talahau e puhala kua aoga a lautolu mai he fakaakoaga faka-Atua.

Lologo 15 (127) mo e liogi fakaoti.

Fahi Tapu Kamata ia Tesemo 19

Lologo 23 (200)

5 minu: Tau fakailoaaga he matakavi. Fakailoa e tau fakatokaaga pauaki ke he fekafekauaga he fonua ma Tesemo 25 mo Ianuari 1. Fakamanatu oti ke tamai e fufuta he Awake!, ia Ianuari 2006 ke he Feleveiaaga Fekafekau he fahitapu ka hau.

15 min: “Fakakite e Fiafia Fakatagata​—He Hikihiki.”b Putoia e fakatataaga ku he fakakite e puhala kua maeke he tagata fakailoa ke hikihiki hana fakafeleveiaaga ne fakave ke he tau talahauaga he tagata he kaina.

10 minu: Puha Huhu. Ko e lauga.

15 min: “‘Fakamahani ke he Tau Kupu he Tua’.”c Totou ti fakatutala e tau kupu tohi ka fai magaaho.

Lologo 4 (43) mo e liogi fakaoti.

Fahi Tapu Kamata ia Tesemo 26

Lologo 11 (85)

8 minu: Tau fakailoaaga he matakavi. Totou e hokotakiaga fakatupe mo e fakatokaaga mena fakaalofa. Fakamalolo ke he tau tagata fakailoa ke tuku e tau hokotaki he gahua ke he fonua ma Tesemo. Ka hiki e magaaho feleveia he fakapotopotoaga ha mutolu ma e tau fou, ti fakailoa e magaaho fou ia. Talahau e tohi foaki ma Ianuari, ti fakakite age e mena ne toka ai e tau fakataitaiaga ia.

17 minu: “Feaki e Fiafia ke he Fakatokaaga Mekasini.”d Ka fakatutala e paratafa 3, hagaaki ke he tohi Reasoning, lau 227-32. Ko e lauga nei kua maeke ke fakaaoga ke tauteute aki e tau fufuta he tau fakatutalaaga ne taha e kupu tohi ke he mena ka fakakatoatoa he Kautu he Atua. Putoia e fakatataaga ke he puhala he tagata fakailoa ka liga fakatutala ke he taha e kupu tohi mo e tagata he fakaholoaga mekasini hana. Kua lata he tagata fakailoa ke fakatutala fakaku mo e fakatata e fakaaoga he kupu tohi ke lagomatai aki e tagata he kaina ke maama fakatonu mo e kitia ai e uho ke he moui hana.

20 minu: Tau Vala Fou he Awake! Lauga mo e fakatutalaaga auloa. Talahau e tau hikiaga he Awake!, ne fakailoa he Ha Tautolu a Fekafekauaga he Kautu ia Mati 2005, lau 1, paratafa 5-6. Putoia e tau talahauaga he “To Our Readers” he Awake! ia Ianuari 2006, lau 3-4. Fakakite e tau fakataiaga ke he puhala kua takitaki fakahako he mekasini e tau tagata totou ke he Tohi Tapu. Uiina e toloaga ke talahau e puhala fou he lau 31. To matutaki a tautolu ke foaki fakalataha The Watchtower mo e Awake! he aahi atu fakamua. Moli, to taha ni e lagaki he fufuta he Awake! ka toka e tautolu mo lautolu he fakaholoaga mekasini ha tautolu mo e falu kua talia tumau e tau mekasini. Fakaaoga e tau manatu he lau 8 (ka felauaki ma e fonua ha mutolu), fakatata e puhala ke foaki e Kolo Toko, Ianuari 1 mo e Awake! Ko e falu fakataitaiaga moli kua maeke ke fakaaoga. Ko e fufuta he Ha Tautolu a Fekafekauaga he Kautu ia Ianuari to putoia e fakataitaiaga ke uaaki he Awake!, ma Ianuari he fakakite e taha he tau vala tala ikiiki. Fakaaoga ua e tau fakataitaiaga ke he mahina katoa.

Lologo 29 (222) mo e liogi fakaoti.

Fahi Tapu Kamata ia Ianuari 2

Lologo 26 (212)

5 minu: Tau fakailoaaga he matakavi.

15 min: “Fakaaoga Fakalotomatala e Tau Tohi Faka-Tohi Tapu ha Tautolu.”e Putoia e talahauaga he Ha Tautolu a Fekafekauaga he Kautu ia Sepetema 2002, lau 1.

25 minu: “Fonoaga he Fahimotu ‘Kua Tata Mai e Laveakiaga’ he 2006 he Tau Fakamoli a Iehova.”f Ke taute he tohikupu he fakapotopotoaga. He oti e tutala ke he paratafa 1, totou e tohi he fonoaga ne fakatoka mai, he Tesemo 1, 2005. Fakamalolo oti ke taute fakamafiti e tau fakatokatokaaga he fonoaga ha lautolu.

Lologo 6 (45) mo e liogi fakaoti.

[Tau Matahui Tala]