Setulu he Tau Feleveiaaga Fekafekau

Faahi Tapu Kamata ia Ianuari 9

Lologo 21 (191)

10 minu: Tau fakailoaaga he matakavi. Fakaaoga e tau manatu he lau 8 po ke falu fakataitaiaga ne felauaki mo e matakavi ha mutolu, fakatātā e puhala ke foaki e Watchtower, Ianuari 15 mo e Awake! ia Ianuari. He taha he tau fakatātāaga, fakakite e tagata fakailoa ne gahua he matakavi pisinisi.

15 min: “Ko e Tohi Fakaako he Tohi Tapu​—Ha Tautolu a Matapatu Lagomataiaga Fakaako he Tohi Tapu.”a Tamata e fakamakutu ke kamata e tau fakaako Tohi Tapu ke he tohi foou.

20 minu: “Puhala ke Kamata e Tau Fakaakoaga ke he Tohi Fakaako he Tohi Tapu.” Fakatutalaaga auloa mo e tau fakatātāaga ne fakavē ke he lau 3 he uho. Maeke ia tautolu ke kamata fakaaoga e tohi Fakaako he Tohi Tapu he fakamafiti ke kamata mo e taute e tau fakaakoaga Tohi Tapu mo lautolu ne fakakite e fiafia. Fakatoka ke tolu e fakatātāaga mautauteute mitaki (1) lau 4-5, (2) lau 6, mo e (3) paratafa fakamua he lau 7 ke kamata e fakaakoaga Tohi Tapu ka taute e liu aahi atu. Fakakite tuai e tau vala aoga he fakataitaiaga, ti liu fakamanatu ai ke he magaaho fakamui. Ko e fakatutalaaga ke he tau paratafa he tohi Fakaako he Tohi Tapu ka liga fakakū ka lata. Fakahiku e tau fakatātāaga takitaha he fakatoka he tagata fakailoa e liu aahi ka hau.

Lologo 16 (143) mo e liogi fakaoti.

Faahi Tapu Kamata ia Ianuari 16

Lologo 23 (200)

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakamalolo e tau tagata oti ke kitekite e vitio Transfusion-Alternative Health Care​—Meeting Patient Needs and Rights he tauteute ma e fakatutalaaga ka fakahoko he ua e faahi tapu ka hau he Feleveiaaga Fekafekau.

20 minu: “Fakakite e Fiafia Fakatagata​—He Hūhū e Tau Hūhū mo e Fanogonogo.”b Ka fakatutala e paratafa 2, hūhū ke he toloaga ko e heigoa e tau hūhū ne moua e lautolu kua lauia mitaki ke kamata e tau fakatutalaaga. Fakatātā e puhala ke futiaki e tagata he fakaaoga e tau huhu fakailoilo mo e fanogonogo fakamitaki.

15 min: Fakatokatoka ke Taute e Finagalo a Iehova. Lauga mo e fakatutalaaga auloa ne fakave ke he tohi Organized to Do Jehovah’s Will he lau 4-7. He muitua ke he hafagiaga ke nakai molea e tolu e minuti ne fakave ke he lau 4, kia taute e fakatutalaaga auloa ke he lau 5 ke he mataulu tala he lau 7. Fai vala foki he tohi Organized ka tutala ki ai he Feleveiaaga Fekafekau he mogo i mua.

Lologo 26 (212) mo e liogi fakaoti.

Faahi Tapu Kamata ia Ianuari 23

Lologo 29 (222)

10 minu: Tau fakailoaaga he matakavi. Totou e hokotakiaga fakatupe mo e tau fakatokaaga mena fakaalofa. Fakaaoga e tau manatu he lau 8 po ke falu fakataitaiaga ne felauaki mo e fonua ha mutolu, fakatātā e puhala ke foaki e Kolo Toko, Fepuari 1 mo e Awake! ia Fepuari. Taute he fuata taha he tau fakataitaiaga.

10 minu: Tau mena kua lata mo e fakapotopotoaga.

25 minu: “Maeke Nakai e Tama Haau ke Taute e Fifiliaga Hokulo?”c Ke taute he motua. Kia totou he matakainaga tane ne iloa mitaki ke totou e tau paratafa takitaha. Fakatutala ke he tau kupu tohi oti ne tūtū ai. Ka oti e tutala ke he paratafa 2, fakatatai e tau tutuaga he tau fuata tokoua ne totoku he paratafa 16-17 mo e puha he lau 28-29 he Kolo Toko ia Iulai 1, 1991. Fakahiku ai, fakamalolō e tau mamatua ke liu fakamanatu e vala tala katoa he Ko e Kolo Toko ti muitua fakamafiti he taute e tau fakatutalaaga mo e tau magaaho fakamahani mo e tau fanau ha lautolu hagaao ke he poaki ne fakave he Tohi Tapu ke he toto, he mautauteute a lautolu ke talahau e taofiaga ha lautolu mo e mauokafua. Kua lata e tau ulu he magafaoa ke iloa tonu kua uta he tama kua papatiso e laupepa HCD ti igatia e tama nakai la papatiso mo e uta e Identity Card. Kaeke kua uta taha ke he fale gagao ti eke e fagai toto mo mena uka, kua lata e tau motua ke matutaki mo e Komiti Matutaki Fale Gagao he matakavi ma e lagomatai.

Lologo 28 (224) mo e liogi fakaoti.

Faahi Tapu Kamata ia Ianuari 30

Lologo 18 (162)

10 minu: Tau fakailoaaga he matakavi. Fakamalolō ke he tau tagata fakailoa ke tuku e tau hokotaki he gahua ke he fonua ma Ianuari. Talahau e tohi ka foaki ma Fepuari, ti fakatātā taha e fakataitaiaga.

15 min: Tau Foakiaga Fakaalofa ma e Aoga ha Tautolu. Ke taute he motua. Totou ti fakatutala e tohi mai he la ofisa ke he tau fakapotopotoaga oti he Ianuari 3, 2006, hagaao ke he tau puhala ke aoga mai he tau matagahua he Komiti Matutaki Fale Gagao (HLC) mo e Matakau Ahiahi Tagata Gagao (PVG).

20 minu: “Ko e Vitio ne Fakamaama e Puhala Aoga Fakaekekafo.” Totou Gahua 15:28, 29, ti peehi fakakū e matapatu kakano ne fakaheu he tau Kerisiano e fagai toto ko e fakalilifu ke he fakatufono he Atua ke fakatapu e toto. Ti kamata fakatonu e fakatutalaaga ke he vitio Patient Needs and Rights, he fakaaoga e tau hūhū kua foaki he vala tala. Fakahiku he totou e paratafa fakaoti.

Lologo 6 (45) mo e liogi fakaoti.

Faahi Tapu Kamata ia Fepuari 6

Lologo 11 (85)

10 minu: Tau fakailoaaga he matakavi.

25 minu: Lali ke Iloa e Kanavaakau Fakaako Foou ha Tautolu. Lauga mo e fakatutalaaga auloa. Uiina e toloaga ke talahau e tau puhala he tohi Fakaako he Tohi Tapu ne loto fakaaue a lautolu ki ai, tuga e tau hūhū hafagi mo e puha fakamanatu ne fakatōtō e tau matapatu manatu he tau veveheaga takitaha (lau 106, 114), ko e tau lagomatai kitia mata (lau 122-3, 147, 198), mo e apenetiki (lau 197, para. 1-2). Ko e puhala ne tohi aki e pepa kua mafanatia mo e futiaki (lau 12, para. 12). Kua foaki e tau fakamaamaaga mukamuka mo e mahino (lau 58, para. 5) ti fakaaoga e tau fakataiaga lauia mitaki (lau 159, para. 12). Ko e folafolaaga ne taute ke lagomatai a tautolu ke kamata e tau fakaakoaga Tohi Tapu (lau 3-7). Fakatātā e puhala ke fakaaoga e puha he lau 7 mo e tagata fakaako Tohi Tapu foou. Talahau e tau iloaaga ne olioli he fakaaoga e tohi foou.

10 minu: Tamai he Paionia Fakakū e Tau Monuina. (Fakatai 10:22) Uiina a lautolu ne gahua paionia fakakū he vahā tau mateafu kua mole ke talahau e puhala ne fakatoka a lautolu ke paionia ti ko e heigoa e tau fua ne moua. Fakamalolō ke he tau tagata oti ke manamanatu he liogi ke maeke ia lautolu ke paionia fakakū ia Mati, Aperila, mo Me.

Lologo 2 (15) mo e liogi fakaoti.

[Tau Matahui Tala]