Kumikumi ma e Tohi Fakaaoga he Feleveiaaga he Moui mo e Fekafekauaga
Iulai 3-9
TAU TANAKIAGA HE KUPU HE ATUA | ESEKIELU 11-14
“Ha Ha Nakai ia Koe e Loto Kakano?”
(Esekielu 11:17, 18) Ko e mena ia kia pehe age a, Kua vagahau mai pehe e Iki ko Iehova, To fakapotopoto e au a mutolu mai he tau motu kehe, mo e tatanaki mai e au a mutolu he tau motu kehekehe ne fakamavehevehe atu ki ai a mutolu, mo e ta atu ai e au kia mutolu e kelekele a Isaraela. 18 To o mai a lautolu, mo e uta kehe ai e lautolu e tau mena kelea oti ha ha i ai, katoa mo e tau mena vihiatia oti.
Tau Fakamaamaaga Mai he Tohi a Esekielu—I
He 612 F.V.N., ne kitia e Esekielu e fakakiteaga ki Ierusalema. Ko e fakalialia ha ia he tau mena tutupu ne kitia e ia he faituga he Atua! Magaaho ka fakafano e Iehova haana tau kau malolō mai he lagi (ne hukui he “tau tagata tokoono”) ke fakahoko haana ita ke he tau tagata tiaki taofiaga, ko lautolu hokoia ni ne moua e ‘fakamailoga ke he tau matalē’ ka fakahao. (Esekielu 9:2-6) Ka e fakamua, ko e “tau malala kaka”—ko e fekau velagia he Atua he moumouaga—kua lata ke gana ki luga he maaga. (Esekielu 10:2) Pete ‘to taui e Iehova ha lautolu a tau mahani kelea ki luga he tau ulu ha lautolu,’ ne mavehe a ia ke liu fakapotopoto mai e tau Isaraela ne mavehevehe fano.—Esekielu 11:17-21.
(Esekielu 11:19) To foaki atu foki e au kia lautolu e loto taha, mo e foaki atu e au kia mutolu e loto fou ki loto ia mutolu; to uta kehe e au e loto maka mai loto he tau tino ha lautolu, mo e foaki atu ai e au kia lautolu e loto kakano;
Taute Fēfē e Koe e Tau Fifiliaga Fakatagata?
9 Tuga a Iesu, maeke a tautolu ke taute e tau fifiliaga mitaki ka falanaki a tautolu ki a Iehova ke takitaki a tautolu. Pehē e Tohi Tapu: “Kia tua a koe kia Iehova mo e hāu a loto katoa; ka e aua neke falanaki a koe ke he hāu a pulotu. Kia manatu e koe a ia ke he hāu a tau puhala oti, ti fakahakohako ai e ia hāu a tau puhala. Aua neke fakafiailoilo a koe; kia matakutaku a kia Iehova, kia kalo kehe mo e mahani kelea.” (Tau Fakatai 3:5-7) Ka fakaako a tautolu ke he Tohi Tapu ti iloa e finagalo ha Iehova, to maama e tautolu e mena ne manako a ia ke taute e tautolu he tuaga pauaki. Ko e lahi e fakaako ha tautolu ke he puhala manamanatu ha Iehova, to mukamuka lahi ma tautolu ke taute e tau fifiliaga ka fakafiafia a ia. He puhala nei, maeke a tautolu ke loto kakano lahi ke he takitakiaga he Atua.—Esekielu 11:19.
(Esekielu 11:20) Kia o a lautolu ke he haku a tau fakatufono, mo e omaoma a lautolu ke he tau fakafiliaga haku, mo e eke ai e lautolu; ti eke a lautolu mo motu haku, to eke foki au mo Atua ha lautolu.
Kumikumi Hifo e Tau Koloa Fakaagaaga
(Esekielu 12:26-28) Kua hoko mai foki e kupu a Iehova kia au, kua pehe mai, 27 Ko e tama he tagata na e, kitiala, kua pehe mai e magafaoa a Isaraela, Ko e fakakiteaga ne kitia e ia, ma e tau aho a mui haia, kua perofeta foki ke he tau vaha ne mamao. 28 Ko e mena ia kia pehe atu a kia lautolu, Kua pehe mai e vagahau he Iki ko Iehova, Nakai tuai mule ha kupu taha haku; ka ko e tau kupu kua vagahau atu to eke ai ni, kua pihia mai e Iki ko Iehova.
Tau Fakamaamaaga Mai he Tohi a Esekielu—I
12:26-28. Pihia foki ki a lautolu ne fakaheu e fekau haana, ne pehē a Esekielu: “Nakai tuai mule ha kupu taha [ha Iehova].” Kua latatonu ia tautolu ke eketaha ke taute e mena kua fahia a tautolu ki ai ke lagomatai falu ke mauokafua ki a Iehova ato fakaoti e ia e fakatokaaga nei.
(Esekielu 14:13, 14) Ko e tama he tagata na e, kaeke ke hala e motu nai kia au, he holifono a lautolu, ti fakaolo atu e au haku a lima, mo e papaki ai e tokotoko he hana tau mena kai, mo e tuku atu ai e hoge, mo e fakaoti ai e tau tagata katoa mo e tau manu ha ha i ai; 14 Ane mai ha ha i ai e tau tagata tokotolu nai ko Noa, ko Tanielu, mo Iopu, po kua laveaki e lautolu a lautolu hoko lautolu ni ke he mahani tututonu ha lautolu, kua pihia mai e Iki ko Iehova.
Aoga Katoatoa Mai he Tau Foakiaga a Iehova
13 Ma e fakatai, pehē Esekielu 14:13, 14: “Kaeke ke hala e motu nai kia au, he holifono a lautolu, ti fakaolo atu e au haku a lima, mo e papaki ai e tokotoko he hana tau mena kai, mo e tuku atu ai e hoge, mo e fakaoti ai e tau tagata katoa mo e tau manu ha ha i ai; Ane mai ha ha i ai e tau tagata tokotolu nai ko Noa, ko Tanielu, mo Iopu, po kua laveaki e lautolu a lautolu hoko lautolu ni ke he mahani tututonu ha lautolu, kua pihia mai e Iki ko Iehova.” Ka taute e tautolu e falu kumikumiaga, iloa e tautolu na tohi e Esekielu e tau kupu ia kavi ke he 612 e tau ato fai Keriso. Totou tau tuai he mamate a Noa mo Iopu, kua manatu agaia e Iehova e mahani fakamooli ha laua. Ka e moui agaia a Tanielu. Liga kavi ke he 20 e tau he moui haana he mogo ne pehē a Iehova kua tututonu a ia ke tuga a Noa mo Iopu. Ko e heigoa ne fakaako e tautolu? Kitia mo e tokiofa e Iehova e tau fekafekau fakamooli haana ne putoia a lautolu ne ikiiki.—Salamo 148:12-14.
Tau Fakamaamaaga Mai he Tohi a Esekielu—I
14:12-23. Ke moua e fakamouiaga ko e gahua fakatagata ni ha tautolu a ia. Ai fai tagata ka taute e mena ia ma tautolu.—Roma 14:12.
Totouaga he Tohi Tapu
(Esekielu 12:1-10) Kua hoko mai foki kia au e kupu a Iehova, kua pehe mai, 2 Ko e tama he tagata na e, kua nofo a koe ke he magafaoa fakafualoto kua fai mata a lautolu ke kitekite ai, ka e nakai kitekite a lautolu; kua fai teliga ke fanogonogo ai, ka e nakai fanogonogo a lautolu, ha ko e magafaoa fakafualoto ni a lautolu. 3 Ko e mena ia, ko e tama he tagata na e, kia tauteute a e koe e tau mena māu ke fano ai a koe ke he paeaaga, mo e fano a koe he aho ki mua ha lautolu, ti fano kehe a koe he mena kua nofo ai a koe ke he taha mena ki mua ha lautolu na; pete ni ko e magafaoa fakafualoto a lautolu, kua manamanatu ai a lautolu. 4 To fetuku atu foki hau a tau mena he aho ki mua ha lautolu, tuga ne tau mena ke uta ke he paeaaga. Ti fano a koe he afiafi ki mua ha lautolu, tuga na lautolu kua o atu ke he paeaaga. 5 Kia keli a e kaupa ki mua ha lautolu mo e fetuku atu ai. 6 To fua e koe e tau mena ia ke he hau a fulima ki mua ha lautolu, mo e uta ai e koe he afiafi; ti ufiufi e koe hau a tau mata ke aua neke kitia e koe e kelekele; ha kua eke e au a koe mo fakamailoga ke he magafaoa a Isaraela. 7 Ti eke e au tuga ne poaki mai ai kia au, ne fetuku atu e au haku a tau mena he aho tuga ne tau mena ke uta ke he paeaaga; ti keli ai e au e kaupa he afiafi ke he haku lima; ne uta e au he pouli, mo e fua e au ke he haku fulima ki mua ha lautolu. 8 Ko e pogipogi ti hoko mai ai kia au e kupu a Iehova, kua pehe mai, 9 Ko e tama he tagata na e, nakai kia pehe mai kia koe e magafaoa a Isaraela, ko e magafaoa fakafualoto, Ko e heigoa kia ne eke e koe? 10 Kia pehe atu a koe kia lautolu, Kua pehe mai e vagahau he Iki ko Iehova, Ko e kavega hanai he iki i Ierusalema, mo e magafaoa oti a Isaraela ha ha ia lautolu.
Iulai 10-16
TAU TANAKIAGA HE KUPU HE ATUA | ESEKIELU 15-17
“Fakamooli Nakai e Koe e Tau Maveheaga Haau?”
(Esekielu 17:1-4) Ne hoko mai kia au e kupu a Iehova, kua pehe mai, 2 Ko e tama he tagata na e, kia tala age e koe e moki mo e fakamatala age e koe e fakatai ke he magafaoa a Isaraela; 3 Kia pehe age a koe, Kua pehe mai e vagahau he Iki ko Iehova, Ko e aeto lahi, ne lalahi hana tau tapakau, mo e tau fulu hiku lele leleva, ne tutupu loga ai hana tau fulu, mo e pulepule, ne hau a ia ki Lepanona mo e uta ai e ia e muka he arasi. 4 Ne papaki e ia e tapunu he hana tau muka, mo e uta ke he motu fakafua koloa; ti to ai e ia ke he maga he tau tagata fakafua koloa.
Tau Fakamaamaaga Mai he Tohi a Esekielu—I
17:1-24—Ko hai e tau aeto lalahi tokoua, papaki fēfē e tapunu he muka he arasi, mo e ko hai e “muka mui” ne hiki e Iehova e mena ka tō ai? Ko e tau aeto tokoua ne kua fakatino he tau pule ha Papelonia mo Aikupito. Ko e aeto fakamua ne hau ke he tapunu he arasi, kakano, ke he pule he fakatufono he laini fakapatuiki ha Tavita. Ne papaki he aeto nei e tapunu he muka ha kua tuku e ia a Setekaia ke hukui aki e Patuiki ko Iehoakina ha Iuta. Pete he talia e omonuo ke fakamooli, ne kumi lagomatai a Setekaia ke he taha aeto, ko e patuiki ha Aikupito, ka e nakai kautū. To uta fakapaea a ia ti to mate i Papelonia. Ne papaki foki e Iehova e “muka mui,” ko e Patuiki faka-Mesia. Kua hiki a Ia nei ke tō he “mouga ne mua he tokoluga,” he Mouga ko Siona he lagi, to eke a ia mo “arasi lahi,” ko e punaaga he tau monuina mooli ma e lalolagi.—Fakakiteaga 14:1.
(Esekielu 17:7) Ne ha i ai foki taha aeto lahi, ne lalahi hana tau tapakau, ti loga foki hana tau fulu; kitiala ko e vine ia ne totolo atu hana tau vaka kia ia, ne hagao atu foki hana tau la kia ia kia fuifui ai e ia ke he tau fakatapuke he hana mena ne to ai.
(Esekielu 17:15) Ka e fakafualoto a ia kia ia he fakafano atu e ia hana tau fekau ki Aikupito, kia ta age e lautolu kia ia e tau solofanua, mo e tau tagata tokologa. To monuina kia a ia? To hao kia a ia kua eke mena pihia? To fakahao kia a ia kua holi e maveheaga?
Tau Fakamaamaaga Mai he Tohi a Esekielu—I
17:1-24—Ko hai e tau aeto lalahi tokoua, papaki fēfē e tapunu he muka he arasi, mo e ko hai e “muka mui” ne hiki e Iehova e mena ka tō ai? Ko e tau aeto tokoua ne kua fakatino he tau pule ha Papelonia mo Aikupito. Ko e aeto fakamua ne hau ke he tapunu he arasi, kakano, ke he pule he fakatufono he laini fakapatuiki ha Tavita. Ne papaki he aeto nei e tapunu he muka ha kua tuku e ia a Setekaia ke hukui aki e Patuiki ko Iehoakina ha Iuta. Pete he talia e omonuo ke fakamooli, ne kumi lagomatai a Setekaia ke he taha aeto, ko e patuiki ha Aikupito, ka e nakai kautū. To uta fakapaea a ia ti to mate i Papelonia. Ne papaki foki e Iehova e “muka mui,” ko e Patuiki faka-Mesia. Kua hiki a Ia nei ke tō he “mouga ne mua he tokoluga,” he Mouga ko Siona he lagi, to eke a ia mo “arasi lahi,” ko e punaaga he tau monuina mooli ma e lalolagi.—Fakakiteaga 14:1.
(Esekielu 17:18, 19) Kua fakateaga a ia ke he omonuo he holi ai e ia e maveheaga; kitiala foki, kua ta age e ia hana lima ka e eke e ia e tau mena oti ia, nakai ni hao a ia. 19 Ko e mena ia kua vagahau mai pehe e Iki ko Iehova, Kua moui au, ko e moli, ko e omonuo ke he haku a higoa ne fakateaga a ia ki ai, mo e haku a maveheaga kua holi e ia to taui atu ai e au ke he hana ulu.
Ko e Haau a E, E
11 Ko e ha ne fakamau e Iehova e tau fakafifitakiaga i luga ma tautolu he Kupu haana? Ti uho lahi fēfē e fakamooliaga he ha tautolu a E, E? Kua hataki fakamaali he Tohi Tapu ko e tagata kua fakavai ke he taliaaga he vahaloto ha lautolu “kua lata he mamate.” (Roma 1:31, 32) Ko Farao i Aikupito, ko e Patuiki ko Setekaia i Iutaia, mo Anania mo Safaira ko e falu he tau fakafifitakiaga kelea ne fakamaama he Tohi Tapu ko lautolu ne E ka e nakai fakamooli e E. Ne fakahiku kelea a lautolu ti eke ai mo tau fakafifitakiaga hataki ma tautolu.—Esoto 9:27, 28, 34, 35; Eseki. 17:13-15, 19, 20; Gahua 5:1-10.
w88 04 lau 27 para. 8
Ko Iehova kua Aki Haana a Pelu!
8 Ko e taha lakaaga foki, kua fakatai e tau takitaki Papelonia mo Aikupito ke he tau aeto lalahi. Ko e taha ne mumutu e muka he akau ko e arasi, ke uta kehe e Patuiki ko Iehoakina mo e hukui aki a Setekaia. Pete ni he omonuo fakamooli a Setekaia ki a Nepukanesa, ka e moumou ne ia, mo e kumi kautau lagomatai ke he tau takitaki Aikupito, ko e taha aeto lahi. Ti kaeke ke uta kehe e Setekaia e higoa he Atua mo e taute haana ni a omonuo, ti moumou, to tokutoku ia ki a Iehova. Ko e uho manatu, ke ua tokutoku e Atua, kua lata ke aua neke mavehe pikopiko ke he tau kupu ha tautolu. Mooli, kua monuina a tautolu ke moua e higoa tapu ko e tau Fakamooli a Iehova!—Esekielu 17:1-21.
Kumikumi Hifo e Tau Koloa Fakaagaaga
(Esekielu 16:60) Ka to manatu ai e au e maveheaga ha taua mo au ke he hau a vaha tote, to fakamau foki e au mo koe e maveheaga tukulagi.
w88 04 lau 27 para. 7
Ko Iehova kua Aki Haana a Pelu!
7 Ha kua nakai fakamooli haana a tau tagata, ko e mena ia ne fakatai ai a Iuta ke he vine vao ne ai moua mai ha fua mitaki ti kua lata ni mo e afi. (Esekielu 15:1-8) Ne fakatai foki a ia ke he tama mukemuke fanau mai la ia, ne laveaki he Atua mai i Aikupito mo e feaki ai ato tama fifine lahi. Ne taute e Iehova a ia mo hoana haana, ka e fuluhi kehe a ia ke he tau atua pikopiko ti matematekelea a ia mai he haana faivao fakaagaga. Ka e pete ni he pihia, ka kua puhala mai he Atua he tau tagata fakamooli ke ‘fakatu e maveheaga tukulagi’—ko e maveheaga foou mo e tau Isaraela fakaagaga.—Esekielu 16:1-63; Ieremia 31:31-34; Kalatia 6:16.
(Esekielu 17:22, 23) Kua pehe mai e vagahau he Iki ko Iehova, To uta e au e la he arasi tokoluga, mo e to e au; to papaki foki e au e muka mui mai he tapunu he hana tau la, mo e to ai e au ke he mouga ne mua he tokoluga. 23 Ti to ai e au ke he mouga tokoluga a Isaraela; to tutupu ai e tau la mo e fua mai ai, to eke foki mo arasi lahi, to ha i ai i lalo hana e tau manu lele oti ne kakano kehekehe, to nonofo ai a lautolu ke he malu he hana tau la.
Tau Fakamaamaaga Mai he Tohi a Esekielu—I
17:1-24—Ko hai e tau aeto lalahi tokoua, papaki fēfē e tapunu he muka he arasi, mo e ko hai e “muka mui” ne hiki e Iehova e mena ka tō ai? Ko e tau aeto tokoua ne kua fakatino he tau pule ha Papelonia mo Aikupito. Ko e aeto fakamua ne hau ke he tapunu he arasi, kakano, ke he pule he fakatufono he laini fakapatuiki ha Tavita. Ne papaki he aeto nei e tapunu he muka ha kua tuku e ia a Setekaia ke hukui aki e Patuiki ko Iehoakina ha Iuta. Pete he talia e omonuo ke fakamooli, ne kumi lagomatai a Setekaia ke he taha aeto, ko e patuiki ha Aikupito, ka e nakai kautū. To uta fakapaea a ia ti to mate i Papelonia. Ne papaki foki e Iehova e “muka mui,” ko e Patuiki faka-Mesia. Kua hiki a Ia nei ke tō he “mouga ne mua he tokoluga,” he Mouga ko Siona he lagi, to eke a ia mo “arasi lahi,” ko e punaaga he tau monuina mooli ma e lalolagi.—Fakakiteaga 14:1.
Totouaga he Tohi Tapu
(Esekielu 16:28-42) Ne faivao foki a koe mo e tau tagata Asuria ha ko e hau a nakai makona, ne faivao a koe mo lautolu, ka e nakai ni makona a koe. 29 Ne fakaloga ai hau a tau faivao ke he motu ko Kanana ne hoko atu ki Kaletaia, ka e nakai ni makona ai a koe. 30 Kua pehe mai e Iki ko Iehova, Kua lolelole ai pihia hau a loto! he eke e koe e tau mena oti ia, ko e tau mena ni kua eke he fifine fakataka mo e matakakana. 31 He ta e koe hau a fale ke faivao ai ke he tau matahala oti, mo e eke ai e koe hau a tau mena tokoluga ke he tau male oti, ka e nakai tuga e fifine fakataka he tiaki e koe e palepale; 32 Ka e tuga e hoana tagata kua faivao, kua talia e tau tane kehe ka e tiaki hana tane. 33 Na age e palepale ke he tau fifine fakataka oti; ka ko koe ne age e koe e palepale kia lautolu oti ne manako a koe ki ai, mo e taui age e koe kia lautolu, kia o age ai a lautolu kia koe mai he tau fahi oti ke faivao ai mo koe. 34 Ne kehe a koe mo e tau fifine ke he hau a mahani fakataka, he nakai mumui atu a lautolu kia koe ke feuaki ai; mo e age e koe e palepale kia lautolu, ka e nakai ta atu e lautolu e palepale kia koe; ko e tau mena ia ne kehe ai a koe. 35 Ko e mena ia, ko e fifine fakataka na e, kia fanogonogo mai ā ke he kupu a Iehova. 36 Kua pehe mai e vagahau he Iki ko Iehova; kua liligi atu hāu a tau tupe, mo e fakakite ai hau a kakano ke he hau a mahani fakataka kia lautolu oti ne manako a koe ki ai, katoa mo e hau a tau tupua oti he tau mena vihiatia, mo e toto he hau a fanau ne ta age e koe kia lautolu; 37 Kitiala, ko e mena ia to fakapotopoto ai e au a lautolu oti ne manako a koe ki ai, ko lautolu ne fiafia a koe ki ai, mo lautolu oti ne loto a koe ki ai, katoa mo lautolu oti ne fakavihia ai e koe; to fakapotopoto ai e au a lautolu kia koe mai he tau fahi oti kia kelea ai a koe, ti fakakite age foki e au kia lautolu hau a kakano, kia kitia e lautolu hau a kakano oti. 38 To fakahala foki e au a koe tuga ne fakahala ai e tau fifine he faivao, mo e fakamaligi toto, ti ta age e au e toto kia koe ke he ita lahi mo e ita tafuā. 39 To tuku atu foki e au a koe ke he tau lima ha lautolu, ti ulu ki lalo e lautolu hau a tau fale ne faivao ai mo e ulu moumou e lautolu hau a tau mena tokoluga; to aki e lautolu hau a tau tapulu ia koe, mo e uta e lautolu hau a tau mena fulufuluola, ti toka e lautolu e koe kua nakai tapulu mo e nakai fai felevehi. 40 To takitaki hake foki e lautolu kia koe e motu o tagata, ti pini maka ai e lautolu a koe, mo e kelipopo e lautolu a koe ke he tau pelu ha lautolu. 41 To huhunu ai foki e lautolu hau a tau fale ke he afi, mo e fakahala ai e lautolu a koe ki mua he tau fifine tokologa; to fakahiku ai e au hāu a mahani fakataka, ti nakai age foki e koe ha paiali. 42 To fakaoti ai e au kia koe haku a ita lahi, ti mole atu ai haku a ita tafuā kia koe; ti nofo fakatekiteki ai au, mo e nakai ita foki au.
Iulai 17-23
TAU TANAKIAGA HE KUPU HE ATUA | ESEKIELU 18-20
“Ka Fakamagalo a Iehova, Nimo Nakai e Ia?”
(Esekielu 18:19, 20) Ka e pehe mai a mutolu, Nakai kia taui atu ke he tama e mahani kelea he matua tane? Kaeke kua eke he tama e mahani kua lata mo e mahani tututonu, kua omaoma a ia ke he haku a tau fakatufono oti, mo e eke ai to moui ni a ia. 20 Ko e tagata kua hala to mate ni a ia; nakai taui atu e mahani kelea he matua ke he tama, to nakai taui atu foki e mahani kelea he tama ke he matua; to ha i luga he tagata tututonu hana mahani tututonu, to ha i luga foki he tagata mahani kelea hana mahani kelea.
(Esekielu 18:21, 22) Kaeke ke liu kehe e tagata mahani kelea mo e tau hala oti hana ne eke e ia, mo e omaoma a ia ke he haku tau fakatufono oti, mo e eke ai e ia e mahani kua lata, mo e mahani tututonu, to moui ni a ia, nakai mate. 22 Ko e hana tau holifono oti ne eke e ia nakai talahaua ia kia ia; ko e hana mahani tututonu ne eke e ia to moui ai a ia.
(Esekielu 18:23) Kua pehe mai e Iki ko Iehova, Kua fiafia kia au ka mate e tagata mahani kelea? kua nakai kia fiafia au ka liu kehe a ia mo e hana tau mahani ke moui ai a ia?
(Esekielu 18:32) Ha kua nakai fiafia au ke he mateaga he tagata kua mate, kua pihia mai e Iki ko Iehova; hanai, kia liliu mai a a mutolu ti momoui ai a mutolu.
Kakano ke Fakaalofa ke he Katofia ha Tautolu
11 He fakakite e fakaalofa ki a lautolu ne nakai fekafekau ke he Atua, ko e puhala mitaki ni hokoia ke fifitaki ki a Iehova. Pete he vihiatia e ia e mahani kelea, ne fakakite e ia e fakaalofa-totonu ki a lautolu he foaki atu ki a lautolu e magaaho ke fuluhi kehe mai he tau puhala kelea mo e moua e moui tukulagi. (Esekielu 18:23) Kua ‘finagalo a Iehova kia hohoko oti kana ke he tokihala.’ (2 Peteru 3:9) Ko e finagalo haana ke “fakamomoui e tau tagata oti kana, mo e hokotia a lautolu he maama ke he kupu moli.” (1 Timoteo 2:4) Ko e mena haia ne poaki a Iesu ke he tau tutaki haana ke fakamatala mo e ke fakaako mo e ke “eke e tau motu oti kana mo tutaki.” (Mataio 28:19, 20) He fakalataha a tautolu ke he gahua nei, kua fakakite e tautolu e fakaalofa ke he Atua mo e katofia, e, putoia foki e tau fī ha tautolu!
Kumikumi Hifo e Tau Koloa Fakaagaaga
(Esekielu 18:29) Ka e pehe mai e magafaoa a Isaraela, Kua nakai tatai e tau puhala he Iki. Ko e magafaoa a Isaraela na e, nakai kia tatai e tau puhala haku? Nakai kia ko e tau puhala ha mutolu kua nakai tatai?
Kia Nakai ‘Ita Kia Iehova’
9 Nakai iloa oti e tautolu e tau vala tala. Ha ko e tau Isaraela he vahā ha Esekielu ne nakai iloa oti e tau vala tala hagaao ke he tau tuaga takitaha, ne manatu a lautolu ko e puhala taute mena he Atua kua hepe. (Eseki. 18:29) Ne talahau e lautolu ke tuga na iloa e lautolu e puhala ke fakafili e Atua mo e ke fifili kua taute e ia e tau mena oti ke he puhala ne mua atu e mitaki, pete ne nakai maama e lautolu e tau kakano oti haana. Maeke fēfē a tautolu ke taute e hehē pihia? Kua ha ha i loto he Tohi Tapu e tau tala ne liga uka ia tautolu ke maama. Po ke liga nakai maama e tautolu e kakano kua tupu taha mena ke he tau momoui ni ha tautolu. Liga kamata a tautolu ke logona hifo ke he tau loto ha tautolu kua nakai tonu e puhala ha Iehova ti “nakai tatai e tau puhala.”—Iopu 35:2.
(Esekielu 20:49) Ti pehe atu ai au, Oi te, ko e Iki na e Iehova! kua pehe mai a lautolu kia au, Nakai kia vagahau mai e ia ke he tau fakatai?
Tau Fakamaamaaga Mai he Tohi a Esekielu—I
20:1, 49. Ne fakakite he tali he tau patu ha Isaraela kua fakauaua a lautolu ke he mena ne talahau e Esekielu. Kia nakai feaki e tautolu e aga fakauaua ke he tau hatakiaga faka-Atua.
Totouaga he Tohi Tapu
(Esekielu 20:1-12) Ko e tau fitu, ke he lima mahina ke he aho hogofulu he mahina, ne o mai ai falu he tau patu Isaraela, ke huhu ai kia Iehova, ti nonofo ai a lautolu ki mua haku. 2 Ti hoko mai ai kia au e kupu a Iehova, kua pehe mai, 3 Ko e tama he tagata na e, kia vagahau atu a koe ke he tau patu Isaraela, ti pehe atu a koe kia lautolu, Kua pehe mai e vagahau he Iki ko Iehova, Kua o mai kia a mutolu ke huhu mai kia au? Kua moui au, kua nakai maeke kia au ke huhu mai ai e mutolu kia au, kua pihia mai e Iki ko Iehova. 4 To nakai kia fakafili e koe a lautolu, ko e tama he tagata na e, to nakai kia fakafili e koe a lautolu? Kia fakailoa atu e koe kia lautolu e tau mena vihiatia ne eke he tau matua ha lautolu; 5 Mo e pehe age a koe kia lautolu, Kua pehe mai e vagahau he Iki ko Iehova, Ko e aho ne fifili ai e au a Isaraela, mo e nikiti ai e au haku lima ke he fanau he magafaoa a Iakopo, mo e fakailoa atu e au a au kia lautolu ke he motu ko Aikupito, he nikiti e au haku lima kia lautolu, kua pehe atu, Ko au ko Iehova ha mutolu a Atua. 6 Ko e aho ia ne nikiti ai e au haku lima kia lautolu ke ta mai a lautolu he motu ko Aikupito ke o atu ke he motu ne kumi ai e au ma lautolu, ne tafe ai e puke huhu mo e meli, ne mua e fulufuluola he motu ia he tau motu oti. 7 Ne pehe age foki au kia lautolu, Kia takitaha e tagata mo e tiaki e tau mena vihiatia ha ha i mua hana, aua foki neke fakakelea e mutolu a mutolu ke he tau tupua a Aikupito; ko au ko Iehova ha mutolu a Atua. 8 Ka e fakafualoto mai a lautolu kia au, ti nakai mafai foki a lautolu ke fanogonogo mai kia au; nakai takitaha a lautolu mo e tiaki e tau mena vihiatia ha ha i mua ha lautolu, nakai toka foki e lautolu e tau tupua a Aikupito. Ti pehe atu au, to liligi atu e au haku a ita lahi ki luga ha lautolu, to fakaoti atu ai e au haku a ita kia lautolu ke he motu ko Aikupito. 9 Ka e eke ai e au ha ko e haku a higoa, ke aua neke fakakelea ai ki mua he tau motu kehe ha ha i ai a lautolu, ne fakailoa atu foki e au a au kia lautolu ki mua ha lautolu, he ta mai e au a lautolu he motu ko Aikupito. 10 Ti ta mai ai e au a lautolu he motu ko Aikupito, mo e takitaki e au a lautolu ke he tutakale. 11 Ne tuku atu foki e au kia lautolu haku a tau fakatufono, mo e fakailoa atu e au kia lautolu haku a tau fakafiliaga, ko e tau mena ia ka eke he tagata, to moui ai a ia. 12 Ne ta atu foki e au kia lautolu haku a tau sapati, ke eke mo fakamailoga kia au mo lautolu, ke iloa ai e lautolu ko au ko Iehova kua fakatapu a lautolu.
Iulai 24-30
TAU TANAKIAGA HE KUPU HE ATUA | ESEKIELU 21-23
“Tonuhia a Ia ke Moua e Pule Fakapatuiki”
(Esekielu 21:25) Ko koe na foki ko e iki ne mua i Isaraela, ko koe ne mahani kelea ne mate he keli, kua hoko mai hana aho, ko e hana vaha ke hiku ai e mahani kelea.
Tau Fakamaamaaga Mai he Tohi a Esekielu—I
He tau ke fituaki he fakapaea, he 611 F.V.N., ne o mai e tau patu a Isaraela ki a Esekielu “ke huhu ai kia Iehova.” Ne fanogonogo a lautolu ke he fakamauaga loa he totoko ha Isaraela mo e hatakiaga ‘to aaki e Iehova e pelu hana’ ke fakaotioti a lautolu. (Esekielu 20:1; 21:3) He vagahau ke he patu a Isaraela (ko Setekaia) ne pehē a Iehova: “Kia uta kehe a e potiki ie, ti aki a e foufou; nakai tuai pehena e mena na; to fakatokoluga a ia ne tokolalo, ka to fakatokolalo a ia ne tokoluga. To fuluhi e au, fuluhi, fuluhi, nakai tuai ha i ai a ia, ato haele mai a ia, ha ha i ai e tututonu [ko Iesu Keriso], ti ta atu ai e au kia ia.”—Esekielu 21:26, 27.
(Esekielu 21:26) Kua pehe mai e vagahau he Iki ko Iehova, Kia uta kehe a e potiki ie, ti aki a e foufou; nakai tuai pehena e mena na; to fakatokoluga a ia ne tokolalo, ka to fakatokolalo a ia ne tokoluga.
Talifaki a Lautolu ke he Mesia
6 Ko e Mesia to fanau he magafaoa ha Iuta i Isaraela. Ato mate a ia, ko e fakamonuinaaga haana ke he tau tama taane haana, ne talahau tuai he tupuna ko Iakopo: “Nakai uta kehe e tokotoko ia Iuta, po ke ekepule mai hana tau hui, ato haele mai a Sailo, to omaoma e tau motu kia ia.” (Kene. 49:10) Tokologa e tau pulotu Iutaia i tuai ne fakahagaao e tau kupu ia ke he Mesia. Kamata aki e pule he Patuiki ko Tavita i Iutaia, ko e tokotoko (pule patuiki) mo e tokotoko he ekepule (pule ke poaki) ne moua ai ke he magafaoa ha Iuta. Fakakite he “Sailo” “Ko e Hana Ni; Ko Ia ne kua Pule ki Ai.” Ko e laini fakapatuiki ha Iuta to fakaoti ia “Sailo” ko e Hakeaga he patuiki tukulagi, ha kua tala age e Atua ki a Setekaia, ko e patuiki fakahiku ha Iutaia, to foaki e pule ki a ia kua moua e tonuhia ke eke mo patuiki. (Eseki. 21:26, 27) He mole a Setekaia, ko Iesu ni he magafaoa ha Tavita ke he tuaga patuiki ne kua mavehe ki ai. Ato hoko e fanauaga a Iesu, ne tala age e agelu ko Kaperielu ki a Maria: “To foaki atu he Iki ko e Atua kia ia e nofoaiki a Tavita hana matua; to eke a ia mo Patuiki he faoa a Iakopo tukulagi; ko e hana kautu foki nakai fai fakaotiaga ia.” (Luka 1:32, 33) Liga ko Sailo a Iesu Keriso, ko e magafaoa ha Iuta mo Tavita.—Mata. 1:1-3, 6; Luka 3:23, 31-34.
(Esekielu 21:27) To fuluhi e au, fuluhi, fuluhi, nakai tuai ha i ai a ia, ato haele mai a ia, ha ha i ai e tututonu, ti ta atu ai e au kia ia.
Kia Mauokafua e Tua ke he Kautu
14 Ne taute e Iehova e maveheaga ke he Patuiki ko Tavita ha Isaraela i tuai. Ko e maveheaga ia ne fakahigoa ko e maveheaga faka-Tavita. (Totou 2 Samuela 7:12, 16.) Mavehe e Iehova, ko e Mesia to taha he tau ohi ha Tavita. (Luka 1:30-33) He puhala nei, ne foaki e Iehova lahi e vala tala pauaki hagaao ke he laini he magafaoa he Mesia. Pehē a Iehova ko e tama nei ha Tavita to “ha ha i ai e [“tonuhia,” NW]” ke eke mo Patuiki he Kautu faka-Mesia. (Eseki. 21:25-27) To pule tukulagi e tuaga patuiki ha Tavita ha ko Iesu ko e tama ha Tavita, “to tumau tukulagi . . . ko e hana nofoaiki foki ke tuga e la ia.” (Sala. 89:34-37) Maeke ia tautolu ke mauokafua to nakai fakahehē e pule he Mesia mo e tau aoga kua moua mai he pule nei to tumau tukulagi!
Kumikumi Hifo e Tau Koloa Fakaagaaga
(Esekielu 21:3) Mo e pehe age a koe ke he kelekele a Isaraela, Kua pehe mai e vagahau a Iehova, Kitiala, kua fai fi au kia koe, to aki e au haku a pelu mai hana tokaaga, mo e fakaotioti ai e au ia koe a lautolu ne mahani tututonu katoa mo lautolu ne mahani kelea.
Tau Fakamaamaaga Mai he Tohi a Esekielu—I
21:3—Ko e heigoa e “pelu” ka aaki mai e Iehova he haana tokaaga? Ko e “pelu” ia ka fakaaoga e Iehova ke fakahoko e fakafiliaga haana ki Ierusalema mo Iuta ne kitia maali ai ko e patuiki ha Papelonia ko Nepukanesa mo e haana tau kautau. Liga putoia foki e vala he fakatokatokaaga he Atua i luga he lagi ne ha ha ai e tau mena moui fakaagaaga malolō lahi.
(Esekielu 23:49) To taui atu e lautolu ha mua a matahavala kia mua, to taui atu foki kia mua e hala he tau tupua ha mutolu; ti iloa ai e mua ko au ni ko e Iki ko Iehova.
Tau Fakamaamaaga Mai he Tohi a Esekielu—I
23:5-49. Ko e kautaha ke he tau mena fakapolitika ne takitaki a Isaraela mo Iuta ke muitua ke he tapuakiaga fakavai he tau kau ia ha lautolu. Kia puipui a tautolu mai he kapitiga mo e lalolagi neke moumou e tua ha tautolu.—Iakopo 4:4.
Totouaga he Tohi Tapu
(Esekielu 21:1-13) Ne hoko mai foki kia au e kupu a Iehova, kua pehe mai, 2 Ko e tama he tagata na e, kia hagao atu a koe ki Ierusalema, mo e fakato atu e koe e tau kupu hau ke he mena tapu, mo e perofeta atu a koe ke he kelekele a Isaraela, 3 Mo e pehe age a koe ke he kelekele a Isaraela, Kua pehe mai e vagahau a Iehova, Kitiala, kua fai fi au kia koe, to aki e au haku a pelu mai hana tokaaga, mo e fakaotioti ai e au ia koe a lautolu ne mahani tututonu katoa mo lautolu ne mahani kelea. 4 To fakaoti ai e au ia koe a lautolu ne mahani tututonu, katoa mo lautolu ne mahani kelea, ko e mena ia ni ke fina atu ai haku a pelu mai hana tokaaga ke he tau tagata oti kana, ke kamata mai he fahi toga, ke hoko atu ke he fahi tokelau; 5 Ti iloa ai he tau tagata oti ko au ko Iehova, kua aki e au haku a pelu mai he tokaaga hana; to nakai tuai liu aki age. 6 Ko koe foki, ko e tama he tagata na e, kia oi a koe ha kua fati hau a tokupu; kia oi a mo e mamahi lahi ki mua ha lautolu. 7 Ka pehe mai foki a lautolu kia koe, Ko e oi a koe he ha? Ti tali age a koe, Ha ko e ogo, ha ko e hoko mai ne fai; ti liu puke vai ai e tau loto oti, ti lolelole ai e tau lima oti, ti fakalolelole ai e tau loto oti, ti liu puke vai foki e tau tulihui oti; kitiala, kua hau, to hoko mai ai ni, kua pihia mai e Iki ko Iehova. 8 Ne hoko mai foki kia au e kupu a Iehova kua pehe mai, 9 Ko e tama he tagata na e, kia perofeta a a koe, kia pehe atu, Kua pehe mai e vagahau a Iehova, Kia pehe atu a, ko e pelu, ko e pelu kua fakamata mo e fakakikila. 10 Kua fakamata kia lahi e keliaga, kua fakakikila ke kikila ai; ke olioli kia a tautolu? ko e tokotoko he haku a tama tane kua fakateaga a ia ke he tau akau oti. 11 Kua ta age ai ke fakakikila, kia toto ai he lima, kua fakamata e pelu nai, mo e fakakikila, ke tuku atu ai ke he lima hana kua keli tagata. 12 Kia tagi a, mo e tagi aue a koe, ko e tama he tagata na e, ha kua ha i ai ke he haku a motu, kua ha i ai ke he tau iki oti a Isaraela; kua tuku atu a lautolu ke he pelu fakalataha mo e haku a motu; ko e mena ia kia patipati a e koe hau a pula. 13 Ha kua kamatamata a ia. Ti eke fefe kaeke ke tiaki he pelu e tokotoko? To mole atu ni a ia, kua pihia mai e Iki ko Iehova.
Iulai 31–Aokuso 6
TAU TANAKIAGA HE KUPU HE ATUA | ESEKIELU 24-27
“Fakamalolō he Perofetaaga ki Turo e Mauokafua ke he Kupu a Iehova”
(Esekielu 26:3, 4) Ko e mena ia kua pehe mai a vagahau he Iki ko Iehova, Turo na e, kitiala, to eke e au a koe mo fi haku, to ta hake e au e tau motu loga, ke tau a lautolu mo koe, ke tuga he fafati mai e tau peau he tahi. 4 To moumou e lautolu e tau kaupa a Turo mo e ulu ki lalo hana tau kolo, to tafi kehe e au hana tau efuefu, to eke foki e au e ia mo kaumaka ke he la.
(Esekielu 26:7-11) Ka kua pehe mai e vagahau he Iki ko Iehova, Kitiala, to takitaki mai e au ki Turo e patuiki a Papelonia ko Nepukanesa, ko e patuiki he tau patuiki mai he fahi tokelau, mo e tau solofanua, mo e tau kariota, mo e tau tagata heke solofanua, mo e kau, mo e tau tagata tokologa. 8 To keli ai e ia e tau tama fifine hāu ne nonofo i uta, ti eke ai e ia e tau kolo ia koe, mo e tanu fakatumutumu ai e kelekele kia koe, mo e fakatu hake ai e akau papā kia koe. 9 To fakatu atu foki e ia ke he hāu a tau kaupā e tau mena ke lipilipi aki, to lipilipi foki e ia hāu a tau kolo ke he hana tau mena matila. 10 Ko e hana tau solofanua ti ufitia a koe he efuefu ha lautolu he loga; ko e tomumu he hana tau tagata heke solofanua, mo e tau veli, mo e tau kariota to lulululu ai hāu a tau kaupā ka huhū atu ai a lautolu ke he hāu a tau gutuhala, tuga he huhū atu e tau tagata ke he maga ne malona e kaupa. 11 To taholi ai hāu a tau puhala oti he tau mahina hui he hana tau solofanua; to kelipopo ai ke he pelu hāu a tau tagata, ti liti hifo ai ke he kelekele e tau tupua ha ha i ai hau a malolo.
(Esekielu 26:4) To moumou e lautolu e tau kaupa a Turo mo e ulu ki lalo hana tau kolo, to tafi kehe e au hana tau efuefu, to eke foki e au e ia mo kaumaka ke he la.
(Esekielu 26:12) To fofo e lautolu hāu a tau koloa, mo e eke mo mena ne fofo he tau hāu a tau mena ne fakafua; to lipilipi e lautolu hāu a tau kaupā, mo e ulu moumou ai hāu a tau fale mitaki; ko e tau maka hau foki, mo e hau a tau akau, mo e hau a tau efuefu to liti e lautolu ki loto he tahi.
Kumikumi Hifo e Tau Koloa Fakaagaaga
(Esekielu 24:6) Ko e mena ia kua pehe mai e vagahau he Iki ko Iehova, Oi te fakaalofa ke he maga lima toto, ko e ulo ne ha i ai hana tau otaota, mo e nakai uta kehe hana tau otaota. Kia ta hake takitaha ā hana tau maga kakano, aua neke eke ki ai e vili.
(Esekielu 24:12) Kua oti e manava hana he gahua mamafa, ka e nakai mole atu ia ia hana tau otaota loga; nakai mole atu ai hana tau otaota ke he afi.
Tau Fakamaamaaga Mai he Tohi a Esekielu—I
24:6-14—Ko e heigoa ne fakatino he tau otaota he ulo? Kua fakatai a Ierusalema ne pātakai ke he ulo gutu lahi. Ko e tau otaota po ke tau hī he ulo kua fakatino ke he mahani kelea he maaga—ko e kelea, mahani matahavala, mo e fakamaligi toto kua taute ai. Kua lahi mahaki e kelea haana ti pete ne fakatū e ulo gatigati he tau malala mo e fakavela lahi mahaki ne nakai fakaai ke utakehe ai e tau otaota.
(Esekielu 24:16, 17) Ko e tama he tagata na e, kitiala, ko e uta kehe ne fai e au ia koe, ke he tatalu, a ia kua fiafia a koe ki ai; ka e nakai tagi tatuki ai a koe, ti nakai tagi ai a koe, to nakai hihina hifo ai foki hau a tau hihina mata. 17 Kia oi fakatekiteki a, aua neke tagi a koe ha ko ia ne mate, kia pipi a hau a potiki kia koe, mo e afi hau a tau aloalohui, aua neke ufiufi e koe hau a tau laugutu, ti ua kai foki a koe e tau mena kai he tau tagata.
w88 04 lau 31 para. 24
Ko Iehova kua Aki Haana a Pelu!
24 Ko e taha mena foki, to gahua ai a Esekielu ke he puhala nakai fa mahani. (Totou Esekielu 24:15-18.) Ko e ha ne ai momoko ai e perofeta he mate haana a hoana? Ke kitia aki ko e fefe e ugogo he tau tagata Iuta he moumouaga ha Ierusalema, tau tagata mo e faituga. Kua lahi foki tuai e vagahau ha Esekielu ke he tau mena pihia, ti kua nakai liu a ia ke vagahau e fekau he Atua ato hokotaki mai e kaumahala ha Ierusalema ki a ia. To nakai kehe, ko e Kerisitenitome mo e haana tau lotu fakatupua to ugogo, he magaaho ka hoko e moumouaga ha lautolu. Mole atu e kamataaga he “moumouaga lahi,” ko e tau mena ne kua fitā he talahau he vahega he tagata toko hagaao ke he haana fakaotiaga, kua lahi tuai. (Mataio 24:21) Ka ko e magaaho ka nikiti ai e “pelu” he Atua ke he Kerisitenitome, ko e ugogo he tau lotu pihia mo e falu foki, ‘to iloa ai ko ia ni ko Iehova.’—Esekielu 24:19-27.
Totouaga he Tohi Tapu
(Esekielu 25:1-11) Ti hoko mai kia au e kupu a Iehova, kua pehe mai, 2 Ko e tama he tagata na e, kia hagao atu a koe ke he fanau a Amoni mo e perofeta atu a koe kia lautolu; 3 Ti pehe atu a koe ke he fanau a Amoni, Kia fanogonogo mai ā ke he kupu he Iki ko Iehova. Kua pehe mai e vagahau he Iki ko Iehova, He pehe age a koe, Aha! ke he haku a faituga ne fakakelea ai, mo e kelekele a Isaraela he eke mo tau mena kua moumou, mo e magafaoa a Iuta he o a lautolu ke he paeaaga; 4 Ko e mena ia, kitiala, to tuku atu e au a koe ke he tau tagata mai he fahi uta ke eke mo tufaaga ma lautolu, to fakatu ai e lautolu e tau kolo ha lautolu ke he motu hau, mo e eke ai e tau fale ha lautolu ke he hau a motu; to kai ai foki e lautolu hau a tau fua, mo e inu ai e lautolu hau a puke huhu. 5 To tuku age foki e au a Rapa ke eke mo lotopa ma e tau kamela, mo e kelekele he fanau a Amoni ke eke mo mena ke tatakoto ai e tau fuifui mamoe; ti iloa ai e mutolu ko au ko Iehova. 6 Ha kua pehe mai e vagahau he Iki ko Iehova, Ne patipati e koe hau a tau lima, mo e pahu e koe hau a tau hui, mo e fiafia a koe, mo e vihiatia lahi ke he hau a loto ke he kelekele a Isaraela; 7 Ko e mena ia, kitiala, kua fakaolo atu e au haku lima ki luga hāu, to tuku age foki e au a koe ke eke mo mena ne moua he tau ke he tau motu kehe, to vevehe kehe e au a koe he tau motu, to fakamalaia foki e au a koe mai he atu motu; to fakaoti e au a koe; ti iloa ai e koe ko au ni ko Iehova. 8 Kua pehe mai e vagahau he Iki ko Iehova, Kua pehe mai a Moapi mo Seira, Kitiala, kua tatai e magafaoa a Iuta mo e tau motu oti. 9 Ko e mena ia, kitiala, to hafagi ai e au e fahi a Moapi ke he tau maga, ko e hana tau maga ke he hana tau katofia, ko e fulufuluola foki he motu ko Petesemota, ko Paalameona, mo Kiriataima; 10 To hafagi ai e au ke he tau tagata mai he fahi uta, mo e tuku atu e au fakalataha mo e fanau a Amoni ke eke mo tufaaga ha lautolu, kia nakai tuai manatu ai a Amoni ke he tau motu. 11 To fakahala foki e au a Moapi; ti iloa ai e lautolu ko au ni ko Iehova.