Isaya

25 Yehova, uli Mungu waghe,

Ngakuhalamba, ngapipa erina lyaghu,

Kusangwa wabirikola emyatsi y’eriswekera,

Emyatsi eyapangawa* erilua oko mighulu ya kera,

Omo butaleghula n’omw’iyiketera.

 2 Kusangwa wabiriyira omuyi mo kilundo ky’amabwe,

Omuyi owakongotere mo bisambukalirya ebikatera.

N’enyumba nyiri-nyiri y’abikalani b’ehandi siyikiri muyi;

Siyendisyasyahimbwa n’ahake.

 3 Busana n’ekyo ekitunga ky’abandu eky’amaka kikendisyakuha olukengerwa;

Omuyi w’ebihanda ebikanubaya akendisyakubaha.

 4 Kusangwa wabiribya ahakongotere busana n’omundu w’ahisi,

Ahakongotere busana n’omwera omo malighe wiwe,

Wabiribya ah’erisaghira embula y’ekihunga,

N’ekitsutsu omo mughulu w’ekihuhania.

Omughulu erihaya ry’abakatsu likabya ng’embula y’ekihunga eyikayikaya oko luhimbo

 5 Omughulu likabya ng’ekihuhania omo kihugho ekikungukere,

Ukabonderaya olukanda lw’ab’ehandi.

Ngoko ekitsutsu ky’ekitu kikabonderaya ekihuhania,

N’olwimbo lw’abakatsu ko lwabirihunibwa lutya.

 6 Oko kitwa eki Yehova w’emilondo akendisyakolera ebitunga byosi by’abandu

By’efete ye byalya ebinunire

Efete y’edivai eyuwene,*

Ey’ebyalya ebinunire ebyoswiremo omungoso

Edivai eyisongokere.

 7 Oko kitwa eki, akendisyalusyaho* ekikuningo ekiswikire ebihanda byosi by’abandu

N’ekitambara* ekilukire endata oko bihanda byosi.

 8 Akendisyamera* oluholo kera na kera,

Kandi Yehova, Omukama Mukulu oko bosi, akendisyasangula emisonia yosi oko musu w’abandu.

Akendisyalusya oko kihugho kyosi erihemuka ly’abandu biwe,

Yehova eyuwene-wene abiribughakyo.

Twabirimuhirako amaha,

Naye akendisyatulamya.

Twabirimuhirako amaha

Muleke tutseme n’eriyitsangura omo mulamo wiwe.”

10 Kusangwa ebyala bya Yehova bikendisyikala oko kitwa eki,

Ne Moabu ikendisyalyatangirwa aho wayo

Ng’ebiti ebikalyatangirawa omo kilundo ky’embolewa.*

11 Akendisyakakya ebyala biwe oko Moabu

Ngoko omundu oyukaghoya akakakaya ebyala biwe akaghoya,

Neryo akendisyabonderya emiyiheko yayo

Omw’ibanda-banda ndeke oko byala biwe.

12 Neryo akendisyaterya omuyi owakongotere,

N’esyombimbo syagho sy’obuteya esiyisumbire;

Akendisyasambulagho n’eriteryagho, erikyagho ahisi oko lututu.