Emyatsi y’eriyighisya

Ebyombo ebyangawatikya erikangirirya abana

Ababuti bawite omubiri munene kutsibu ow’erikangirirya abana babo oko Yehova. (Efe. 6:4) Eriwatikya ababuti, endondeka ya Yehova yabirihulukya esyovideo, esyonyimbo n’emyatsi y’erigha. Wangakolesyabyo uti ukabegherya abana baghu?

• Oko JW.ORG wanganabanako emyatsi yosi eyabirihulukibwa busana n’abana; esyovideo n’ehiyani ehyo banganahandikako kutse eridesako.a Erisunga emyatsi eyo, uhandike aho bakasonderaya emyatsi uti “Abana” kutse “Omusuko.”

• Usombole omwatsi ogho wamalangira uti anganawatikya omwana waghu. Omo kitsweka “Abana,” wanganasombolamo esyovideo, esyonyimbo n’eyindi myatsi eyangawatikya omwana waghu. Eribana emyatsi ng’eyo, usondaye, “Emyatsi y’eriyighisya omw’iramya ly’eka.”

• Usondaye endambi y’erikania oko myatsi eno n’abana baghu. Isiwabya ukakolesya esyovideo syetu kutse eyindi myatsi busana n’eribuya-buya kutse eritsangya-tsangya omwana waghu lisa. Omo mwanya w’ekyo, ubye ukakania kubyo n’omwana waghu n’erimuwatikya eribya mwira wa Yehova.