ESOMO 11

Erikania n’omuhwa

Abanya Roma 12:11

OMO KIKUHI: Ukune n’erihira mutima abahulikiriri omwikania n’omuhwa.

Uleke omwatsi atule oko mutima waghu. Ukayiteghekania erilabya omwatsi, lengekanaya kutsibu oko mughaso wagho. Uyikase eriminya ndeke omwatsi waghu utoke erikania erilua oko mutima.
Ulengekanaye oko bahulikiriri baghu. Lengekanaya omwatsi owo ukendisoma kutse owo ukendikangirirya ng’akendiwatikya ati abandi. Lengekanaya oko mibere y’erilabiryamo omwatsi oyo, eyangaleka ibatsemeragho kutsibu.
Uhire omo mwatsi waghu m’omuhwa. Kanaya n’omuhwa. Kolesaya ebiminyikalo eby’ebyala n’obusu eby’ekwenene erikangania ngoko ukayowa.

Uyiteghaye ukasyalengemerya abahulikiriri baghu omwikolesya ebiminyikalo bighumerera, neryo inyabya ng’omutsye. Leka ebiminyikalo byaghu bikanganaye emyatsi eyo ukabugha. Kanaya n’omuhwa kutsibu-tsibu omughulu ukakangiriraya esyonzumwa ngulu-ngulu n’erihira omo bahulikiriri baghu m’omuhwa w’erikola. Siwuluhaye abahulikiriri baghu omwikangania omuhwa munene kutsibu erihika okwihwerera ry’omukania waghu.