Indlela Yokusebenzisa Iforomo Elithi Siza Ulandelele (S-43-ZU)

Iforomeli kufuze lizaliswe nengabe ufumene umuntu onekareko ongahlali esimini yangekhenu namtjhana okhuluma ilimi lakwenye inarha. Nanyana esikhathini esidlulileko besilisebenzisa nasihlangana nabantu abakhuluma ilimi lakwenye inarha kungakhathaliseki bona banekareko namtjhana awa, kwanje silisebenzisela umuntu onekareko kwaphela. Ngaphandle kwalokha nesihlangana nomuntu ongezwako. Nengabe sihlangana nomuntu ongezwako, kunganandaba bona utjengise ikareko, kufuze sizalise iforomo i-S-43-ZU.

Kufuze senzeni ngeforomo ngemva kobana silizalisile? Kufanele silinikele unobhala webandla. Nengabe uyazi bona angalithumela kiliphi ibandla, angalidlulisela kubadala bebandlelo bona benze ilungiselelo lokurhelebha umuntu otjengise ikareko. Nengabe akazi bona angalithumela kiliphi ibandla, angathumela iforomo e-ofisini legatja.

Nengabe umuntu onekareko ukhuluma ilimi lakwenye inarha begodu uhlala esimini yangekhenu, ungaragela phambili ngokumtjheja bona uhlawulele ikareko bekube kulapho umrhuweleli wakelinye ibandla okhuluma ilimelo amthinta khona.—Qala INkonzo Yethu YoMbuso kaNovemba 2009, ikhasi 4.